Bjarmi - 01.06.1995, Blaðsíða 4
AÐALGREIN
Gísli H. Friðgeirsson
Af förbu
er ég kominn
Eigi að síður erum við hluti af
undri sköpunarinnar og kóróna
hennar. Ef við erum hluti af
náttúrunni sem Guð hefur skapað
hljótum við að hafa einhverjar
taugar til náttúrunnar í umhverfi
okkar. Það er þess vegna eðlilegt
að ég geti hrifist af töfrum
náttúrunnar og fyllst
einhverskonar lotningu
þegar ég verð vitni að mikil-
fengleik hennar. Náttúran
getur einnig fært mig nær
skapara mínum og kallað
fram tilbeiðslu til hans
sem er höfundur hennar.
Mér er ógleymanleg stund á
Sprengisandi fyrir meira en 20 árum. Við drápum á
jeppanum og stigum út. Lognið var algert og kyrrðin
ótrúleg. Það mátti heyra sandinn anda og hjartað slá.
Skyggnið var eins og í ævintýri þegar horft var til
Hofsjökuls. Skyggnið var svo tært og skerpan svo
mikil að erfitt var að standa móti þeirri löngun að
teygja fram höndina til að þreifa á jöklinum sem var
í 20 til 30 km fjarlægð. Það heyrðist hvorki í flugvél
né bíl og ekki heldur í fugli eða flugu en auðvitað var
náttúran full af lífi og mikið að gerast ef betur var að
gáð.
Ég uppgötvaði það mörgum árum seinna þegar
við fjölskyldan gistum í tjaldi á Mýrdalssandi. Það
var eiginlega út úr neyð, það var að koma nótt og
orðið dimmt. Við fundum tjaldstæði á opnu svæði
en þó grónu við lítinn læk sem liðaðist hljóðlega um
sandsléttuna. Þetta sem í fyrstu virtist vera eyðimörk
kom mér næsta morgun meira á óvart en flest annað
sem ég hef mætt í íslenskri náttúru. Ég ætla ekki að
reyna að lýsa því í þessum línum en aðeins að
telja upp nokkur orð sem hefðu verið eins og
til minnis fyrir þann kafla: Kyrrð, blíða,
fílharmónía fuglanna, kliður lækjarins,
víðáttan, tign jöklanna, berfættur í blíðum
móa og sandi, ljúft og kvikt samlíf
óðinshananna, fé á beit, suð í prímusi
og friðsælt fjölskyldulíf.
Eg er gerður úr mold. Biblían
segir frá því að Guð skapaði
manninn af leiri jarðarinnar
og blés síðan lífsanda í hann.
Það er umhugsunarefni
efnafræðin skilgreinir mann-
inn á hreint efnafræðilegan máta og þá er
hann ekki merkilegur, aðeins handfylli af nokkrum
algengum og ódýrum efnum. Það má verða til að
minna okkur á að við erum mold, aðeins duft eins
og leir jarðar.