Bjarmi - 01.06.1995, Blaðsíða 27

ORÐIÐ
iraub!
að brauðkonungi en greip í tómt. I frásögn Jóhannesar-
guðspjalls kemur fram að Jesús vék aftur upp til
fjallsins einn síns liðs (Jóh. 6: 15).
Ég veit í sjálfu sér ekki hvaða hungur rak þig til
að hefja lestur þessa pistils:
Var það hungur forvitninnar eða eftirvæntingar-
innar?
Var það hungur eftir stílhreinni framsetningu,
óvenjulegum efnistökum eða skýrum boðskapi Guðs,
skapara þíns?
Var það kannski hungur einmanaleikans, hungur
þess sem á fáa góða vini en finnst skárra að glugga í
blöð og tímarit í stað þess að hírast aðgerðalaus úti í
horni?
Þú sem berð þetta augum veist jafn vel og ég, að
fleira getur valdið hungri en tómur magi og tilheyr-
andi garnagaul. í margvíslegri merkingu er mann-
kindin oft á tíðum bæði hungruð og varnarlaus
skepna sem leitar af áfergju og þarf mikið til að
seðjast. Stundum verður hún reyndar þeim mun
soltnari og umkomulausari eftir því sem hún treður
meiru í sig og hleður fleiru í kringum sig.
Getur verið að andlegt hungur hrjái þig sem þetta
lest? Að sál þín sé bæði ófullnægð og óróleg vegna
þess að hún hefur ekki öðlast frið við Guð? Kannski
hefur þú reynt að leita Guðs, en einfaldlega leitað á
röngum stöðum. Grafið brunna sem ekki héldu vatni
(Jer. 2:13).
Jesús Kristur segir: Eg er brauð lífsins. Þann mun
ekki hungra, sem til mín kemur, og þann aldrei
þyrsta, sem á mig trúir (Jóh. 6:35).
Það er hægt að rökræða urn það hvort maðurinn
þurfi á brauði að halda eða ekki. En brauðið kemur
þeim einum að gagni sem nærist á því, hleypir því
inn í líf sitt. Þetta áréttar Jesús einnig þar sem hann
segir: Eg er hið lifandi brauð, sem steig niður af
himni. Hver sem etur af þessu brauði, mun lifa að
eilífu. Og brauðið, sem ég mun gefa, er hold mitt,
heiminum til lífs (Jóh. 6:51).
Hér fullyrðir Jesús berum orðum: Hafir þú ekki
mig, þá áttu ekki lífið, ekki það líf sem Guð vill gefa
þér. Dauði minn er lífgjöf þín, viljir þú þiggja þá
gjöf.
Orð Krists spyrja okkur einnig: Hvaða sess skipa
ég í lífi þínu? Fæ ég þar að skipa sess þess daglega
brauðs sem þú biður um í Faðirvorinu og sem þú
kemst ekki af án? Eða spjarar þú þig kannski án
Krists? Telur þig ekki þurfa á fyrirgefningu hans að
halda? Kannski efast þú og spyrð eins og læri-
sveinamir forðum: Hvað er þetta handa svo mörgum?
Hvað ert þú, Kristur, handa svo mörgum, þú, hinn
krossfesti, örmagna mannssonur?
Þórarinn Björsson,
framkvæmdastjóri
Skógarmanna
KFUM.
Lesandi góður!
Jesús Kristur hefur ekki annað að bjóða en sjálfan
sig, heiminum til lífs. Hann gaf líf sitt í dauðann þín
vegna. Og sem hinn upprisni frelsari knýr Iiann dyra
í lífi þínu. Hann er hið lifandi brauð sem niður steig
af himnum. Það brauð mun nægja þér til eilífs lífs. ■
Peir virtust blindir gagnvart honum sem útdeildi
brauðinu, honum sem sjálfur var hið lifandi
brauð til þeirra komið. Mannfjöldinn vildi gera
Jesú að brauðkonungi en greip í tómt.
27