Bjarmi - 01.06.1995, Blaðsíða 28
Á DÖFINNI
Almennt mót og
Sæludagar í Vatnaskógi
i aðalhlutverki í sumar
Margt er á döfinni yfir sumarmánuðina hjá
félögunum sem gefa út Bjarma. Mesta
athygli vekja að vanda stórmótin tvö í
Vatnaskógi: Almenna mótið sem verður
að þessu sinni 30. júní - 2. júlí og Sæludagarnir um
verslunarmannahelgina 4. - 7. ágúst.
Almenna mótið ber yfirskrifina: „Sjá, ég stend við
dyrnar" (Op. 3:20). A dagskránni eru fjölbreyttar
og uppbyggilegar samverustundir fyrir alla aldurs-
hópa. Helstu breytingar frá síðasta ári eru að nú
verður boðið upp á tvær miðnætursamkomur í stað
einnar, þar sem ungt fólk verður í forsvari. Jafn-
framt verður ekki sérstök lokasamvera heldur lýkur
mótinu með kristniboðssamkomu kl. 14:30. Guðs-
þjónusta almenna mótsins verður á sunnudeginum
kl. 10:30 og mun sr. Sigfús Ingvason þjóna fyrir
altari.
Almennu mótin eiga sér ríka hefð í starfi félag-
anna og þeir eru margir sem ekki geta hugsað sér
sumarið án þeirra.
Samband íslenskra kristniboðsfélaga stendur fyrir
Almenna mótinu. Verð fyrir fullorðna er kr. 1.000.
Fyrir 13 - 18 ára kostar kr. 700. og ókeypis er fyrir
bömin.
Fjölskylduhátíðin, Sæludagar í Vatnaskógi, verð-
ur haldin í fjórða sinn um komandi verslunarmanna-
helgi. Sæludagarnir vaxa frá ári til árs. Þeir eru
byggðir upp fyrir alla aldurshópa, þar sem útivist og
skemmtun helst í hendur við kristilega boðun og
fræðslu.
Dagskrá Sæludaganna er mjög fjölbreytt. Fyrir
hádegi er boðið upp á fræðslustundir um ýtnis mál-
efni sem tengjast kristinni trú. A sama tíma er starf-
ræktur krakkaklúbbur, auk þess sem dagskrá verður
fyrir 10 - 14 ára. Eftir hádegi fer fram margskonar
útivera og skemmtun, t.d. kappróður á vindsængum,
28