Bjarmi - 01.10.1995, Síða 4
AÐALGREIN
Sr. Ólafur Jóhanrtsson
Hafib góba
samvisku!
- Nokkrir þankar um heiðarleika
Kristnir menn eiga ab skera sig úr
fjöldanum í hugsunarhætti og gildismati.
Þaö er besti og áhrifaríkasti
vitnisburöurinn um trúna.
Á móti straumi
Sr. Ólafur
Jóhannsson er
formaður KFUM í
Reykjavík og
sóknarprestur í
Laugarneskirkju.
I frumkristninni hafði sú prédikun hversdagslífsins
mun meiri áhrif en rökræður og þrumuræður. Flestir
hrifust með vegna innbyrðis kærleika hinna kristnu,
nægjusemi þeirra og jafnréttisins
meðal þeirra.
Fyrir nokkrum árum las ég bók þar
sem dregið er í efa að vakningar-
samkomur, boðunarherferðir og endur-
nýjunarátök innan nútímakirkjunnar
skili varanlegum árangri nema kristnir
menn hætti að vera samdauna fjöld-
anum í háttum og láti afstöðu trúar-
innar gegnsýra líf sitt og lífsviðhorf,
einkum er varðar meðferð fjármuna og
afstöðu til efnislegra gæða.
Yfirleitt er auðveldast að fljóta með
straumnum en það er aidrei viðmið
þess sem tekur alvarlega orð Jesú um
að lærisveinar hans séu salt jarðar og
ljós heimsins.
Þótt margir í samtíð okkar virðist t. d. telja fremur
sjálfsagt að fara frjálslega með skattframtalið og
hagræða sannleikanum eða leyna upplýsingum í
ýmsum viðskiptum er ekkert slíkt kristnum manni
samboðið. Leiðarljós hans er í I. Pét. 1:15: Verðið
heldur sjálfir heilagir í allri hegðun, eins og sá er
heilagur, sem yður hefur kallað. Kristinn maður,
sem tekur þessi orð til sín, hlýtur að vilja vera
traustur og heiðarlegur.
Hvaö er aö vera
heiöarlegur?
I orðabók er orðið heiðarlegur útskýrt með áreiðan-
legur, sómakær, ósvikull. Þau orð hafa fallega
merkingu og fela í sér eftirsóknarverða eiginleika
sem við eigum að keppa eftir, sbr. hvatningu Páls í
Filippíbr. 4:8.
Andheiti þeirra eru t. d. óáreiðanlegur og svikull,
orð sem fela í sér eiginleika sem við vildum vonandi
flest vera án. Fátt er hryggilegra en það þegar
kristnu fólki er lýst með slíkum orðum - með réttu.
Guö vill heiöarleika
Kristinn maður lifir lífi sínu fyrir augliti Guðs. Lífið
skiptist ekki í andlegt og veraldlegt, kristilegt og
heimslegt, með Guði og án Guðs. Allt lífið er
þjónusta við Guð og vitnisburður um kærleika hans.
Heiðarlegur, kristinn maður veit að allt er opið
fyrir Guði og engu hægt að leyna hann. Við erum
hvött til að lifa og framganga í ljósinu (1. Jóh. 1:5nn)
og sannleikanum (Efes. 4:15) en forðast myrkrið og
lygina.
4