Bjarmi - 01.10.1995, Blaðsíða 7

AÐALGREIN
Auðvitað eiga kristnir menn ekki að láta blekkja
sig eða vaða yfir sig en þeim ber að vera heiðarlegir
í öllum viðskiptum og standa við sitt. Jesús segir
okkur vissulega að vera kæn seni höggormar en
jafnframt falslaus sem dúfur (Matt. 10:16).
Það á einnig við varðandi skattamál. 1 Matt.
22:15-22 segir Jesús að við eigum að standa verald-
legum yfirvöldum skil á því sem þeim ber.
Margir virðast telja skattsvik sjálfsagða sjálfs-
bjargarviðleitni en auðvitað eru þau óheiðarleg. Þau
eru leið til að komast hjá skyldum sínum og stela af
samfélaginu. Það er hvorki málsbót að halda því
fram að fleiri stundi þau né að skattfé sé illa varið.
Skattsvik eru stuldur og beint brot á 7. boðorðinu.
Ekki er kristilegra að svindla á tryggingarfélögum
eða verða sér úti um bætur almannatrygginga eða
styrki félagslegrar aðstoðar á fölskum forsendum.
Slíkt virðist talsvert stundað hér á landi og sumir
miklast af því að spila á kerfið og svindla. 1 öllum
tilvikum skaðast aðrir - einstaklingar, félög, fyrir-
tæki eða þjóðfélagið í heild.
Fátt erjafn uppömndi og
gleðilegt að heyra um kristið
fólk og að það sé heiðarlegt og
traust.
Sá, sem stelur tölvuforriti, er jafnsekur þeim sem
stelur peningum úr búðarkassa eða reiðhjóli úr
hjólageymslu. I öllum tilvikum eru teknar réttmætar
eigur annarra - hvort sem þær felast í áþreifanlegum
hlutum eða hugverkum sem kostað hafa vinnu og
peninga og eru réttmæt eign höfundar sem hann einn
hefur rétt til að ráðstafa.
Verum
heibarleg!
Fátt er jafn uppörvandi og
gleðilegt að heyra um kristið
fólk og að það sé heiðarlegt og
traust. Þannig líður okkur líka
best hið innra því þá erum við
í sátt við Guð, okkur sjálf og
náungann.
Enginn maður réttlætist af
lögmálsverkum en það þýðir
ekki að góð verk séu gagnlaus
eða jafnvel skaðleg. Þau eru
þvert á móti mikilvæg leið til
að bera vitni um trúna og
ávinna aðra.
í riti sínu um góðu verkin
segir Marteinn Lúter að þau
séu ekki þóknanleg sjálfra sín
vegna, heldur vegna trúarinnar
og allt verk sé gott sem unnið er í trú.
Lúter segir einnig: Hér getur nú hver og einn
fundið og skynjað hvenær hann gjörir gotl og ekki
gott. Því að hafi hann traust hjartans til þess að það
sé Guði þóknanlegt er verkið gott þótl það væri svo
smávægilegt að það gæti aðeins lyft hálmstrái.
Um góðu verkin er tjallað í Efes. 2:10: Vér erum
smíð Guðs, skapaðir í Kristi Jesú til góðra verka,
sem hann hefur áður fyrirbúið, til þess að vér
skyldum leggja stund á þau.
Heiðarleikinn er eitt þeirra góðu verka sem aðrir
geta séð. Hann er mjög mikilvægur í vitnisburði
kristins nútímamanns sem þráir heilshugar að þjóna
Drottni með lífi sínu.
Sá, sem stelur
tölvuforriti, er
jafnsekur þeim sem
stelur peningum úr
búðarkassa eða
reiðhjóli úr
hjólageymslu.
STEINAR WAAGE Tbppskórinn
SKÓVERSLUN 11 VIÐINGÓLPSTORC
7