Bjarmi - 01.10.1995, Blaðsíða 21

TÓNLIST
1990. Tore Aas taldi að sérkenni kórsins og tengslin
við áheyrendur myndu hverfa á hljómplötu. En
þegar fyrirspurn kom frá hljómplötufyrirtæki Sissel
Kyrkjebp var ákveðið að slá til. Platan var tekin upp
á tónleikum og Sissel söng með kórnum. Platan rann
út eins og heitar lummur og alls seldust 60.000
eintök. í kjölfarið fylgdu tónleikaferðalög og
þátttaka í sjónvarpsþáttum bæði innanlands og utan.
Ágóða af plötunni var varið til að byggja sjúkrahús í
Kalkútta á Indlandi.
Gullplötur
Árið 1991 varð Stageway Records útgáfufyrirtæki
Oslo Gospel Choir. Nú var farið í hljóðver og platan
„Get together" tekin upp. Hún seldist í 70.000
eintökum. Eins og á fyrstu plötunni voru mörg
laganna samin af stjórnanda kórsins Tore W. Aas og
textarnir af Jan Groth. Sömu sögu er að segja um
plötuna „In this house“ sem kom út árið 1992. Hún
seldist í yfir 50.000 eintökum þannig að enn ein
gullplata kórsins sá dagsins Ijós. Sama haust gaf
kórinn út jólaplötuna „Tusen julelys" þar sem
Noregsprinsessan Martha Louise söng einsöng með
kómum. Plötusalan rauk upp úr öllu valdi og seldust
110.000 eintök. Ágóði af plötunni varð tvær milljónir
norskra króna og rann hann til flóttamannahjálpar í
Rúanda.
Feröir og feröalög
Kórinn hefur ferðast víða síðustu árin og haldið
tónleika bæði á Norðurlöndunum og í Evrópu. Hann
hefur einnig komið oft fram í sjónvarpi. Plata kórs-
ins „Get together" var útnefnd besta erlenda gospel-
platan við bandarísku Dowe Award verðlauna-
veitinguna. Kórinn söng fyrir konungshjónin í
Noregi á 25 ára brúðkaupsafmæli þeirra árið 1993.
Þá söng hann í Barcelóna og Múnchen á vegurn
ólympíunefndarinnar til kynningar á vetrarólympíu-
leikunum í Lillehammer og tók þátt í flutningi
ólympíusöngsins „Se ilden lyse“ rneð Sissel
Kyrkjebp.
Ný plata
í fyrra kom út ný plata með Oslo Gospel Choir, „Get
up“. Hollenska útgáfufyrirtækið BMG kom þá til
sögunnar og lagði mikið undir til að gera plötuna
eins vel úr garði og mögulegt var og koma kórnum á
framfæri á alþjóðamarkaði. Platan var tekin upp í
Noregi og Bandaríkjunum og samstarf haft við
kunnan bandarískan gospelsöngvara, Andrae Crouch
og samverkamann hans. Scott V. Smith. Crouch
samdi þrjú laganna sérstaklega fyrir kórinn en hann
á fjögur lög á plötunni. Sex eru eftir stjórnanda
kórsins Tore W. Aas og eitt eftir Dolly Parton.
Kórinn flytur sem fyrr kröftuga gospeltónlist en fer
þó nýjar leiðir á þessari plötu. Má heyra áhrif frá
kántrý-, diskó-, hip hop- og funktónlist. Markmiðið
er að ná til enn fleiri með boðskapinn um Jesú Krist,
einkum ungs fólks.
Til íslands???
í haust var stefnt að því að Oslo Gospel Choir kæmi
til íslands í tengslum við samkomuátak KFUM og
KFUK í Reykjavík dagana 19.-22. október. Því
miður gat ekki orðið af því að þessu sinni hvað sem
Sama haust gafkórinn út jólaplötuna „Tusen
julelys “ þar sem Noregsprinsessan Martha
Louise söng einsöng meÖ kórnum. Plötusalan
rauk upp úr öllu valdi og seldust 110.000
eintök. Agóði afplötunni varð tvær milljónir
norskra króna og rann hann til
flóttamannahjálpar í Rúanda.
síðar verður. Margir hér á landi eiga þann draum að
svo geti orðið enda er kórinn frábær, flytur hressi-
lega tónlist og skýran boðskap þar sem fagnaðar-
erindið um Jesú Krist er í brennidepli.
21