Bjarmi

Árgangur

Bjarmi - 01.10.1995, Blaðsíða 25

Bjarmi - 01.10.1995, Blaðsíða 25
KRISTNIBOÐ dvaldist 14 ár í Kína ásamt Herborgu konu sinni. Ólafur fæddist 14. ágúst 1985. I tilefni af þessum tímamótum efndi SÍK til samkomu í Kristniboðs- salnum í Reykjavík 26. júlí. Þar minntist sr. Guðmundur Óli Olafsson prestur í Skálholti þeirra hjóna með ræðu og Skúli Svavarsson flutti hugvekju. Baldvin Steindórsson stjórnaði samkomunni en hann var náinn vinur og samherji Olafs. Margt manna var í Kristniboðssalnum þetta kvóld. Herborg og Ólafur eignuðust fimm börn. Synirnir tveir eru Haraldur og Jóhannes sem báðir urðu kristniboðar í Eþíópíu. Hið íslenska Biblíufélag minntist Ólafs á almennri samkomu sem haldin var í Digraneskirkju í Kópa- vogi fyrr á árinu. Ólafur átti drjúgan þátt í því að efla starf Biblíufélagsins þegar það hafði verið í mikilli lægð. Félagið ákvað að heiðra minningu hans með því að verja gjafafé, sem safnaðist á þessu ári, til kaupa á pappír til að prenta Biblíur í Kína. Þá var Ólafs kristniboða minnst á hátíðar- samkomu Gídeonmanna í Reykjavík 30. ágúst. Það var Ólafur sem kallaði saman trúaða verslunarmenn hér til þess að hlýða á mál Vestur-lslendingsins Kristins Guðnasonar er hann kom hingað fyrir 50 árum til að kynna Gídeon-hreyfinguna og stofna félag - þriðja Gídeonfélagið í heiminum. Nýr forseti Aðalfundur suðvesturumdæmis lúthersku kirkjunnar í Eþíópíu var haldinn í byrjun ágúst. Barrisja Húnde hefur verið forseti umdæmisins að undanförnu en hann gaf ekki kost á sér á ný. Kjörnefnd tilnefndi tvo menn. Þeir heita Njamme og Zinnare. Sá fyrr- nefndi var kosinn forseti með miklum atkvæðamun. Hann er Konsómaður. Zinnare var kjörinn varaforseti. Ekki er vitað hvað Barrisja Húnde mun taka sér fyrir hendur. Eíns og menn muna var hann sakaður um aðild að mannvígi og sat mánuðum saman í varðhaldi í Arba Minch. Hann var síðan hreinsaður af öllum ákærum en var orðinn þjakaður eftir vistina í fangelsinu. Kosningar í Eþíópíu Stjórn kommúnista í Eþíópíu missti völdin árið 1991 þegar Mengistú Haile Maríam einræðisherra flýði land. Eftir það hefur mörgum reynst erfitt að átta sig á stjórnmálunum í landinu. Ein frelsishreyfingin, sem kallaði sig á ensku Tigray Peoples Liberation Front, varð snögglega að stjórnmálaflokki, „lýðræðislegum byltingaflokki", eins og þeir kalla sig (EPRDF), og léku þeir stærsta hlutverkið í stjórninni sem settist að völdum eftir fall Mengistús. ' 4 *'"**« ' \fl áMIw mmút %w j 4 ; Biál \mt j M - / Fljótlega var komið á stjómarráði, sem fulltrúar þjóðflokkanna áttu sæti í, og lofuðu þeir að samin yrði ný stjómarskrá. Hún var lögð fram í desember í fyrra og í maí á þessu ári fóru fram kosningar í landinu með vísan til hinnar nýju stjórnar- skrár. Ekki eru menn á eitt sáttir um hinn nýja grundvöll. Hefur helst verið fundið að tveimur atriðum. Annars vegar virðast heil héruð, þar sem íbúarnir eru af sama uppruna, geta sagt sig úr lögum við Eþíópíu og orðið sjálfstæð ríki ef fólkið óskar þess. Hins vegar skal allt land vera í eigu ríkisins. Flestir stjórnarandstöðuflokkamir ákváðu að taka ekki þátt í kosningunum í vor. Bent er á að sumir, sem kusu, hafi verið svo fáfróðir að þeir hafi ekki gert sér grein fyrir um hvað kosningarnar snerust. Aðrir, sem fylgdust betur með en létu sér fátt um finnast, eru óánægðir þótt þeir hafi ekki mótmælt og óttast sumir að sú óánægja geti orðið að hættulegu báli. Því sé þörf á að fá menn til að hittast og halda áfram að ræða saman. Segja má að til- tölulega rólegt sé í landinu um þessar mundir. Margir eru þakklátir fyrir að endi var bundinn á stríðsátök. Mann- réttindasamtök segja reyndar að víða sé pottur brotinn þó að ástandið sé margfalt betra en í tíð kommúnista. Þá ber að hafa í huga að Vesturlandabúar geta ekki gert ráð fyrir að yfirvöld í Afríkuríkjum leggi sama mælikvarða á stjórnmál og lýðréttindi og gert er í rótgrónum lýðræðisríkjum. Þróun í átt til lýðræðis og jafnréttis tekur óralangan tíma. Ritningin hvetur kristna menn til að biðja fyrir þeim sem hátt eru settir. Ábyrgð þeirra er mikil. Þetta ættu kristniboðsvinir að hafa í huga þegar þeir biðja fyrir starfinu í Afríku. Barrisja Germó játaöi fyrstur Konsómanna kristna trú. Hér er hann í góðum félagsskap heima í þorpinu sínu, Dokottó. Alls staðar úir og grúir af börnum hvar sem komið er í Eþíópíu. Myndin er frá þorpinu Dokottó. 25

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.