Bjarmi - 01.11.1995, Blaðsíða 8
Hann er kristinn, hann er enskur og hann
er bestur í heimi. Jonathan Edward
varð heimsmeistari í þrístökki í sumar
og setti þá nýtt og glæsilegt heimsmet. Hann
þráir að bera frelsara sínum, Jesú Kristi, vitni,
en trúin á hann er honum svo mikils virði að á
tímabili vildi hann ekki keppa á sunnudögum.
„Trúin er ekki bara eitthvað sem ég opna fyrir á
sunnudagsmorgnum heldur er hún hluti af daglegu
lífi mínu hvern einasta dag. Ég trúi því að það sé
Guðs vilji að ég leggi stund á íþróttir og það hef ég
gert,“ segir nýbakaður heimsmeistarinn í þrístökki í
viðtali við breska blaðið „Newcastle Chronicle".
Hann stökk 18,29 metra í heimsmeistarakeppninni
í frjálsum íþróttum í Gautaborg í ágúst sl. Enginn
annar hefur stokkið eins langt og prestssonurinn frá
Newcastle í Englandi.
I viðtali við tímaritið „Christians in Sport“ segir
hann frá því að hann hafi alist upp í kristinni fjöl-
skyldu og samfélagi, hann hafi ungur orðið kristinn
og upp frá því hafi kristin trú og líferni skipt hann
miklu máli.
Eftir heimsmeistaramót stúdenta í Zagreb árið
1987 vaknaði löngun hans til að komast í fremstu
röð í alþjóðakeppni í íþróttum. í kjölfar ólympíu-
leikanna í Seoul ári síðar fór hann að leggja rækt við
íþrótt sína af meiri alvöru en fyrr.