Bjarmi - 01.11.1995, Blaðsíða 10

ORÐIÐ
Halla Jónsdóttir
/
Halla Jónsdóttir er
deildarstjóri á
Fræösludeild
kirkjunnar og
æskulýösfulltrúi hjá
KFUM og KFUK í
Fteykjavík.
Eg bið fyrir þeim“, segir Jesús. Það er dýrmætt
að vita að fyrir okkur sé beðið, og nauðsyn-
legt. Þú átt ef til vill móður, föður eða eins og
ég ömmu sem bað fyrir mér, löngu áður en ég gat
sjálf eða kunni að biðja.
Hafi fyrirbænin fylgt þér, hefur þú notið hennar
aftur og aftur, hún hefur verið hulin vernd og
blessun á vegferð þinni. Fyrirbænin er eins og
orkulind til góðs, sem við höfum aðgang að. Eða
eins og með orkuver sem stendur afskekkt og gefur
birtu, það er fyrst þegar
orkan hættir að streyma frá
verinu og dimmt verður á
heimilum okkar, sem við
gefum því gaum.
Þannig er það með fyrir-
bænina. Hún er hljóðlátur
straumur blessunar og vemd-
ar sem rennur stöðugt niður
til þeirra sem beðið er fyrir.
Þegar okkur reynist erfitt
að biðja, megum við hrópa
til Drottins: „Herra, kenn þú
mér að biðja“. Við þurfum
að biðja hvert fyrir öðru. Við
þurfum að taka frá tíma til daglegrar fyrirbænar.
Gerum eins og Daníel gerði og sagt er frá í 6. kafla í
Daníelsbók.
Daníel gekk inn í herbergi sitt, lokaði að sér, en
opnaði gluggann sem snéri út til Jerúsalem. Opnum
glugga okkar á móti hinni himnesku Jerúsalem er
við biðjum fyrir okkur sjálfum og í fyrirbæn fyrir
öðrum. Hættu að horfa á eigin vanmátt, á sjálfan
þig, og það sem er í kringum þig. Beindu í bæn
þinni sjónum þínum til hans, frelsarans.
Guð, sem hefur gert sig háðan fyrirbæn okkar,
heyrir hróp okkar, og við sem vitum ekki hvers við
eigum að biðja, Guð sendir okkur anda sinn, sem
biður fyrir okkur og með okkur með andvörpum
sem ekki verður orðum að komið.
Jesús tekur síðan að sér bænir okkar, umbreytir
þeim er hann ber þær fram fyrir Guð.
En svo er það frelsarinn sjálfur sem biður fyrir
okkur. Allt jarðvistarlíf Jesú var þrotlaus fyrirbæn.
Hann líkti sjálfum sér við garðyrkjumann sem biður
fyrir ófrjósömu, skemmdu tré, að það megi lifa.
Þegar Pétur afneitaði Jesú í hallargarðinum, mætti
hann fyrirgefandi augum Jesú.
Hann berst fyrir þér í bæn sinni og sú bæn varðar
líf og dauða, eilíft líf og eilífan dauða.
Hann biður fyrir þér eins og Pétri postula að trú
þín þrjóti ekki. I Getsemane háð Jesú bænastríð fyrir
þér þar sem sviti hans varð að blóðdropum. Þar bað
hann fyrir björgun þinni.
Og þegar hann gekk þungum skrefum upp á
Golgata, bað hann þess að þetta yrði leiðin þín upp
að krossinum.
A krossinum bað Jesús, um fyrirgefningu til
handa mannkyninu.
Fyribænahlutverki Jesú er ekki lokið. Vegna þín
kom hann, leið og dó og steig upp til dýrðar hjá
Guði, til að biðja fyrir okkur, biðja okkur inn í
himinninn.
Jóhannes segir: Þótt við syndgum, þá höfum við
árnaðarmann hjá föðurnum. Hann sem greitt hefur
fyrir brot þín, hann biður fyrir þér.
Jesús lifir og biður fyrir þér, að ekkert fái gert þig
viðskila við kærleika Krists. Þú kemst ekki undan
fyrirbæn frelsarans.
Við sjáum oft skammt og skiljum lítið, en hann
10