Bjarmi - 01.11.1995, Blaðsíða 11

UM VÍÐA VERÖLD
biður fyrir okkur. Hinn krossfesti og upprisni
þreytist ekki á að biðja föður sinn unr blessun
þér til handa. Nafn þitt er skráð í lófa hans.
Hann biður um að fá að taka á sig synd þína,
eymd þína, raunir, einmanaleika og vantrú.
Hann biður þess að fá að vera þér skjól, biður
þess að hann fái að hylja misgjörð þína undir
purpurakápu sinni og biður þess að hann fái að
lækna öll þín mein.
En fyrst og fremst biður hann þess að trú þín
þrjóti ekki.
Og hann biður þess að þegar jarðvistardögum
okkar lýkur fái hann að taka okkur í fang sér og
bera okkur inn í eilífð til sín. Biðjum Jesú að líf
okkar megi vera eins og hann vill. Stöðug
fyrirbæn - stöðug bæn. Guð geri okkur að
biðjandi hjörð er þráir að setjast við fætur Jesú,
til að biðja, til uppbyggingar.
Því „Eins og hindin, sem þráir vatnslindir,
þráir sál mín þig, ó, GuÓ.
Vona á Guð,
því að enn mun égfá að lofa hann,
hjálprœði auglits míns og Guð minn“.
„Þótt stutt sé stund með Jesú
luin stöðvar böl og synd.
Og lífi Ijœr hún öllu
svo Ijósa nýja mynd. “
Bandaríkin:
Málaferli um
skattareglur kirkna
Fyrir stuttu voru horfur á því að skattayfirvöld í Bandaríkjunum færu að
sauma að kirkjufélögunum vegna laga um undanþágur frá skatti. Arið
1992 lagði kirkja ein, Pierce Creek í ríkinu New York, stuðningsfé í
auglýsingu þar sem efast var um siðferðisþrek Bills Clinton sem þá sóttist
eftir embætti forseta. Nú hefur kirkja þessi verið svipt rétti til undanþágu
frá skatti sakir auglýsingar þessarar.
Þetta er mikið alvörumál fyrir alla kirkjustarfsemi í Bandaríkjunum.
Mannúðarfélög og kirkjur þurfa ekki að greiða skatt, og gjafir til þeirra eru
undanþegnar skatti. En skilyrðin fyrir þessunt fríðindunt eru þau að
samtökin blandi sér ekki í stjórnmál. Pierce Creek kirkjan gat því ekki
barist fyrir kosningu Bush né hvatt söfnuðinn til að greiða atkvæði gegn
Clinton, segja skattayfirvöld. Tíund, sem menn gáfu allt að 11 mánuðum
áður, er ekki skattfrjáls, hvorki af hálfu gefenda né kirkjunnar.
Kirkjur í Bandaríkjunum fá engan fjárstuðning frá liinu opinbera. Því
getur það orðið örlagaríkt fyrir starfsemi safnaðanna ef skattur verður
lagður á tekjur þeirra. Menn deila ekki um skilyrði yfirvalda heldur hitt
livar mörkin liggi. hversu langt kirkjurnar tnegi ganga þegar þær tjá sig um
stjórnmál.
I áðurnefndri auglýsingu voru kristnir menn hvattir til að vera á varð-
bergi og láta ekki fjármálin sitja í öndvegi eins og Clinton gerði í kosninga-
baráttu sinni heldur meta siðgæðið mest. Sagt var að kristnir menn þyrftu
að spyrja sig margra alvarlegra spurninga vegna fortíðar Clintons áður en
þeir greiddu honum atkvæði. Ekki var fólk hvatt í auglýsingunni til að
kjósa ekki Clinton.
Þarna gekk áðurnefnd kirkja feti frarnar en leyfilegt er, sögðu skatta-
yfirvöld og sviptu kirkjuna fríðindum sínum. Kirkjan og fleiri aðilar telja
hins vegar að þetta sé einungis tilraun skrifræðismanna til að þagga niður í
fólki sem hafi aðrar skoðanir en þeir sjálfir. Fólk hefur spurt: Ef kirkjan má
ekki ræða urn siðgæðismál né benda á atferli sem vekur hneykslun, ef hún
má ekki leiða í Ijós syndir né setja fram viðmiðun sem þjóðfélagið eigi að
stefna að, til hvers er þá kirkjan'?
Bent er á að þetta sé ekki í fyrsta sinn vestra að kirkja, sent lætur að sér
kveða, lenti í stormviðri. Fulltrúi samtaka um verndun laga og réttar telur
að kirkjurnar hafi árum saman verið hvattar til að láta sér næ&ja að tala um
trú sína og sjónarmið innan veggja kirkjunnar. Þetta varðar ekki síst mál
eins og fóstureyðingar, fræðslumál og hvernig berjast skuli gegn farsóttum
eins og alnæmi.
Presturinn í Pierce Creek kirkjunni heldur því fram að þegar hann varaði
við því að ineta fjármálin meira en siðferðilega kjölfestu Clintons hefði
það ekki verið annað en það sem kirkjan hefði verið að gera um aldaraðir,
þ.e. að leiðbeina kristnu, trúuðu fólki.
Hann segir að mikil óvissa muni ríkja um það hvað megi boða í
prédikunarstólunum og hvað ekki ef ríkið vinni þetta mál. Eins og fyrr
segir er fjárhagur kirknanna og þar með starfsgeta þeirra mjög undir því
komin hvort þau njóta skattfríðinda eða ekki.