Bjarmi - 01.11.1995, Blaðsíða 14
VIÐTAL
og ná til fleiri með fagnaðarerindið
Formenn KFUM og KFUK í Reykjavík í yfirheyrslu
KFUM og KFUK í Reykjavík standa á nokkrum tímamótum um
þessar mundir. Félögin vígðu fyrir rúmu ári glæsilegar aðal-
stöðvar við Holtaveg. Á sama tíma er talað um að selja sum
félagshúsanna í úthverfum borgarinnar. Þá nálgast 100 ára afmæli
félaganna óðfluga og stutt er í aldamótin og nýja öld. Sú spurning
vaknar því hver sé staða og hlutverk þessara gömlu æskulýðsfélaga
sem sr. Friðrik Friðriksson stofnaði árið 1899. Hver er köllun þeirra nú
við gerbreyttar aðstæður í samanburði við þær sem voru við upphaf
aldarinnar? Bjarmi tók formenn félaganna, þau Gyðu Karlsdóttur og
/
sr. Olaf Jóhannsson, tali fyrir skömmu og Ieitaði svara við áleitnum
spurningum. Fyrst voru þau spurð um köllun KFUK og KFUM.
Olafur: - Köllun félaganna er í grundvallar-
atriðum sú sama og þegar sr. Friðrik hóf starfið hér
um síðustu aldamót, það er að segja kristilegt starf
meðal ungs fólks. Sr. Friðrik hóf starf meðal ungl-
inga en núna er aldurinn breiðari, bæði upp á við og
niður á við.
Gyða: - Það sem við þurfum alltaf að vera að
skoða er hvernig við ætlum að sinna þessari köllun
okkar. Aðferðimar sem við notum geta verið ólíkar
frá einum tíma til annars, en köllunin er sú sama -
að ná til ungs fólks með fagnaðarerindið um Krist.
- Hafa stjórnir félaganna mótað einhverja stefnu
varðandi starfið nú þegar 100 ára afmœlið nálgast
og ný öld að renna upp?
Olafur: - Sú stefnumótun sem hér er spurt um er
ennþá á undirbúningsstigi. Stjórnirnar hafa sam-
þykkt að vinna að stefnumótun sem nær yfir mark-
mið og áherslur þannig að það verði ljósara hvemig
félögin vilja starfa. Minna má á að við höfum verið í
nokkurs konar millibilsástandi undan farin ár meðan
við vorum að byggja upp aðalstöðvarnar og hefja
starf þar en nú ætti að vera kominn raunhæfari
grundvöllur til að móta stefnuna til framtíðar í
félagsstarfinu.
Gyða: - Það má segja að um eitt hafi þegar verið
mótuð stefna til framtíðar en það varðar félagshúsin
okkar. A undanförnum árum hefur mikil orka og
peningar farið í byggingu félagshúsa og viðhald
þeirra. Við viljum leggja meiri áherslu á innra starf
félaganna og viljum heldur veita fé í starfið sjálft en
byggingar. Lifandi starfsstöðvar með börnum og
unglingum er markmið okkar og þá skiptir ekki máli
hvort starfið fer fram í okkar eigin húsum, félags-
miðstöðvum eða kirkjum. Áherslan í framtíðinni á
að vera á starfinu sjálfu, ekki byggingum.
- Eru áherslur og starfsaðferðirfélaganna „í takt
við tímann “ eða erum við svo upptekin af „gömlu
góðu dögunum “ að við horfum ekki nógfram á
veginn?
Gyða: - Það má vissulega segja að við séum
bundin við þær starfsaðferðir sem voru notaðar fyrr
á tíðum enda eru þær að mörgu leyti klassískar og
eiga framtíð fyrir sér. En við þurfum stöðugt að leita
nýrra leiða til að ná til ungs fólks. Sr. Friðrik er
fyrirmynd í þessu efni. Hann var sífellt að brydda
upp á einhverju nýju. Varðandi nýjungar í starfi
núna má nefna það sem Skógarmenn og KFUM eru
að gera til að tengja saman sumar- og vetrarstarfið
14