Bjarmi - 01.11.1995, Blaðsíða 26

Uppörvandi kristniboösþing á haustdögum
Kristniboðsþing var haldið í Reykjavík um helgina 22. - 24.
september sl. Þingið er aðalfundur Sambands íslenskra
kristniboðsfélaga og er haldið annað hvert ár.
Þingið samþykkti að SIK hæfi samstarf við
kristilega útvarpsfélagið Norea Radio sem hefur
aðalskrifstofur í Noregi. Akvörðun um verkefni
verður tekin í samráði við útvarpsfélagið. Stjórn SIK
mælti með því að fyrsta verkefni okkar á þessum
vettvangi yrði tengt Kína, m.a. til að heiðra minn-
ingu Olafs Olafssonar, og mundi SIK þá greiða að
einhverju leyti gerð dagskrárþátta sem útvarpað er
til Kína.
Norea Radio kostar útvarp á kristilegu efni á um
20 tungumálum. Það færist æ meir í vöxt að kristnir
menn noti útvarp í þágu útbreiðslustarfsins. Nefna
má að í sumum löndum, þar sem kristnir menn eiga
undir högg að sækja, á margt fólk ekki kost á annarri
boðun en þeirri sem það kann að heyra í útvarpi.
Fulltrúar 14 aðildarfélaga og fjögurra stuðnings-
félaga sóttu þingið.
Frá kristniboðsþingi. Kristniboðarnir Guðlaugur Gíslason og Kjartan
Jónsson fluttu skýrslur um starfið í Eþíópíu og
Kenýu og fulltrúar einstakra kristniboðsfélaga og
stuðningsaðila sögðu í stuttu máli frá starfi þeirra.
Þörfin á kristniboðum er mjög brýn. Kristín
Bjarnadóttir kennari er nú eini sendiboði SÍK í
Kenýu. Uppörvandi var að hlýða á þingfulltrúa er
þeir greindu frá félagsstarfinu og mátti finna glóðina
og áhugann í máli þeirra sem tóku til máls. Umræðu-
hópar ræddu saman. Reikningar síðustu tveggja ára
voru lagðir fram og báru þeir í senn vitni um vax-
andi kostnað starfsins og fórnfýsi kristniboðsvina. A
þessu ári þarf að safna rúmlega 20 millj. kr.
I skýrslu stjórnar kom fram að hún hafði haldið 22
fundi og afgreitt um 350 mál frá síðasta þingi. Þrír
nýir kristniboðshópar höfðu gengið í SÍK frá síðasta
þingi.
Ur stjórn gengu Guðmundur Omar Guðmundsson,
Páll Friðriksson og Skúli Svavarsson. Guðmundur
gaf ekki kost á sér á ný og var Magnús J. Kristins-
son kosinn ásamt Páli og Skúla. Varamenn voru
kjörnir Gunnar Bjarnason, Friðrik Hilmarsson og
Dagný Albertsson.
Einni lagagrein var breytt. Aður höfðu fulltrúar
stuðningsfélaga atkvæðisrétt á þinginu ásamt
fulltrúum aðildarfélaga en nú hafa einungis fulltrúar
aðildarfélaga atkvæðisrétt. Með þessari breytingu
vill stjórn SÍK styrkja stöðu samtakanna og hvetja
styrktaraðila til að ganga í kristniboðsfélög eða
stofna ný er gætu þá sótt uni þátttöku í SÍK.
Benedikt Arnkelsson flutti biblíulestur að morgni
laugardags. Þá um kvöldið og á sunnudag voru
almennar samkomur í tengslum við þingið, svo og
guðsþjónusta með altarisgöngu í Grensáskirkju á
sunnudag. Þar þjónaði sr. Halldór Gröndal fyrir
altari en Friðrik Hilmarsson prédikaði. Á fyrri sam-
26