Bjarmi - 01.04.1996, Blaðsíða 8
BROTIÐ TIL MERGJAR
mannúðar- og hjálparstarf Islensku kirkjunnar. Hjálpar-
stofnun er því tilvalinn vettvangur fyrir söfnuði að koma
því fé, sem þeir leggja í hjálparstarf á hverju ári, á þá staði
þar sem þörfin er brýnust hverju sinni. Verkefnin eru
valin án tillits til þjóðernis, kynþáttar, trúarskoðana eða
pólitískra hugmynda viðtakenda. Starfið skiptist í þrjú
svið. Þau eru neyðarhjálp þar sem matvæli, hjúkrunar-
gögn og fleiri lífsnauðsynjar þurfa að berast samstundis til
Rekstur stofnunarinnar er greiddur af
sérstökumframlögum til j>ess að söfnunarfé
fari óskert til viðkomandi verkefna.
hjálparsvæða, viðtakanda að kostnaðarlausu; þróunar-
samvinna sem mest áhersla er lögð á. Þar er miðað að því
að bæta hag fólksins til frambúðar með aðstoð við um-
bætur á þáttum eins og matvælaframleiðslu, heilsuvernd,
menntun og umhverfisvernd. Þriðji þátturinn er innan-
landsaðstoð sem hefur farið vaxandi en er þó ekki til
umfjöllunar hér.
Frá hádegisverði í Little
Lights Orphanage, sem
er heimili fyrir
munaðarlaus og
yfirgefin börn á Indlandi.
íslendingar sjá fyrir
stórum hópi barna á
þessu heimili í gegnum
ABC hjálparstarf.
Víðtæk starfsemi kostar mikið fé. Fjáröflun byggist nær
eingöngu á ftjálsum framlögum. Regluleg framlög styrktar-
aðila, sókna og presta eru milvæg tekjulind. Einnig er um
að ræða sérstök átök sem þó eru regluleg á hverju ári s.s.
sala á friðarkertum fyrir jól og hina þekktu jólasöfnun
„Brauð handa hungruðum heimi“ sem stór hluti þjóðar-
innar tekur virkan þátt í.
Rekstur stofnunarinnar er greiddur af sérstökum fram-
lögum til þess að söfnunarfé fari óskert til viðkomandi
verkefna.
Hjálparstofnun kirkjunnar er í nánu samstarfi við
Lútherska heimssambandið og Alkirkjuráðið og koma
flestar hjálparbeiðnir í gegnum þá aðila.
Helstu verkefni erlendis eru: Á Indlandi i samstarfi við
Sameinuðu indversku kirkjuna og Social Action Move-
ment. Þar hafa börn verið studd til náms af íslenskum
fósturforeldrum auk þess sem byggt var sjúkrahús en um
þessar mundir er verið að stækka það. í Mósambik hefur
Hjálparstofnun lagt lið verkefni sem miðar að þvi að bæta
aðgang að hreinu vatni. 1 Eþíópíu var einnig unnið við
vatnsverkefni auk þess sem fé var lagt í byggingar og við-
gerðir á sjúkraskýlum og heimavistum fyrir skólakrakka.
Til gamans má geta þess að starfsmannafélag íslenska
útvarpsfélagsins tók að sér að fjármagna byggingu lítils
barnaskóla í kjölfarið af heimsókn myndatökuliðs til
Eþiópíu. Á vesturbakka Jórdanár og Gasa-svæðinu var
lagt fé í uppbyggingu á neyðardeild fyrir hjartasjúklinga á
sjúkrahúsi sem sinnir Palestínumönnum. Til lýðvelda
fyrrum Júgóslavíu hafa verið send föt sem íslenska þjóðin
hefur safnað í söfnun á vegum Hjálparstofnunar auk þess
sem íslendingurinn Auðunn Bjarni Ólafsson starfaði þar
ytra.
Af þessu má sjá að það fé sem íslendingar hafa lagt til
Hjálparstofnunar kirkjunnar hefur komið að miklum not-
um viða í heiminum. Neyð sem bregðast þarf skjótt við
og nánast hvar sem er sýnir nauðsyn þess að hafa öfluga
hjálparstofnun sem íslenskir söfnuðir geta veitt sínu
hjálparfé til. Hjálparstofnun hefur góða yfirsýn og er í
góðu samstarfi við þá sem vinna að sama markmiði.
Hjálparstofnun kirkjunnar er til húsa að Laugavegi 31,
Reykjavik.
Niðurlag
Fleiri aðilar koma nálægt hjálparstarfi en hér hafa verið til
umfjöllunar. Má þar nefna Rauða kross íslands, Hjálpar-
starf aðventista sem vinnur að þróunaraðstoð í samvinnu
við alþjóðleg líknarsamtök aðventista, Caritas ísland sem
eru líknarsamtök kaþólikka hérlendis, Caritas er með fjár-
safnanir tvisvar á ári og veitir fé til hjálparstarfs í þriðja
heiminum, Hvítasunnuhreyfingin styður m.a. við safnaðar-
starf í Austur-Evrópu, Hjálpræðisherinn hefur staðið að
trúboði í Panama auk fleiri verkefna og UNIFEM á íslandi
starfar að málefnum kvenna í þróunarlöndunum.
Af þessari umfjöllun sést glögglega að íslendingar koma
víða við í hjálparstarfi erlendis. Það sannast enn og aftur
að margt smátt gerir eitt stórt, að þitt framlag er mikils
virði og að enginn getur hjálpað öllum en allir geta
hjálpað einhverjum.