Bjarmi - 01.02.1997, Page 25

Það er svo margt, sem orð Guðs segir mér
er eykur kraft og þor á lífsins vegi.
Og þar á meðal einnig þetta er
að englar gæta mín á nótt sem degi.
Guð sendir engil, undan mér hann fer,
til ákvörðunarstaðar mig hann leiðir
og gætir mín því engill minn hann er,
úr öllum vanda lífsins sífellt greiðir.
Á ævivegi oft er hraun og gijót
og ótal hættur kunna þar að vera.
Á steini þó ei steyti ég minn fót
því stöðugt englar mig á höndum bera
Hér englavörður eins er kringum þá
sem óttast Guð og hann þeim frelsi gefur.
Mín trú og von er byggð hans orði á
því aldrei Drottinn brugðist neinum hefur
Eins þegar óttinn um sig grípur hljótt
ég ei fæ skilið Drottins huldu vegi.
Þá birtist engill bjartur mér um nótt
með boðin að ég hræðast þurfi eigi.
Að engill Drottins einnig sé hjá mér
er andvörpin ég tek í hinsta sinni,
ég bið og fullviss reyndar orðin er
að englahendur lyfti sálu minni.
Eins bið ég engla að gæta að minni gröf
uns gellur lúður dóms í framtíðinni
og holdið mitt ég hlýt að nýju að gjöf
úr hendi Krists í dýrðar upprisunni.
Lilja S. Kristjánsdóttir.