Bjarmi - 01.10.1998, Blaðsíða 13
flugeldasýnig úti á vatninu í logni og
kyrrð sem lauk með því að viðstaddir
sungu sálminn. Fögur er foldin, sem
þökk til Guðs fyrir kærleika hans og
hið stórkostlega sköpunarverk sem
hann hefur trúað okkur fyrir. Ekki má
gleyma því að margir nældu sér í af-
bragðsbækur á góðu verði til uppbygg-
ingar að námskeiðinu loknu.
Rölt um ritninguna
Aðalkennslugrein námskeiðsins var Rölt
um ritninguna í umsjá sr. Johns Stein-
ars Jacobsens, kennara við Norsk
lærerakademi í Bergen í Noregi sem
kom til landsins sérstaklega til að sjá
um kennsluna. Námskeiðið er banda-
rískt en hefur verið þýtt á allmörg
tungumál. Það heitir á ensku Walk
Thru the Bible. í rauninni er um tvö
námskeið að ræða, annað um Gamla
testamentið og hitt um Nýja testament-
ið. Farið var í gegnum Gamla testa-
mentið á þessu námskeiði.
Strangar reglur gilda um kennslu
þess. Enginn má kenna það nema hann
hafi farið á sérstakt námskeið fyrir
kennara. Þegar kennsluréttindi hafa
verið fengin verða kennararnir að skuld-
binda sig til að kenna það a.m.k. tíu
sinnum á ári. Námskeiðið hefur náð
mikilli útbreiðslu og er kennt í mörgum
löndum. Nýlega bættust Færeyjar við.
Kennarinn lýsti áhuga á að það yrði
einnig kennt á íslandi. í heimalandi
hans, Noregi, er kennsla þess styrkt af
norska Biblíufélaginu. Rölt um ritning-
una er sex kennslustundir. Áhersla er
lögð á að nota skilningarvitin til að
hjálpa nemendum að tileinka sér náms-
efnið í anda kínversks máltækis: Ég
heyri og ég gleymi, ég sé og ég læri, ég
geri og ég kann. Til að muna frásögurn-
ar lærir nemandinn eitt stikkorð fyrir
hverja þeirra og eina líkamshreyfingu.
Rölt um Ritninguna er frábrugðið öðr-
um námskeiðum. Það er vel unnið og
kennarinn notar margar glærur. Það er
í senn einfalt og strembið. Það er einfalt
að því leyti að farið er í gegnum aðal-
söguþráð Gamla testamentisins. Sú
saga er endursögð. Aðeins helstu aðal-
atriði eru tekin með og miklu sleppt.
Með þessum hætti fæst gott yfirlit yfir
aðalatriði ritningarinnar. Það er stremb-
ið að því leyti að venjulegur Biblíules-
andi kann ekki alltaf mikilvægustu frá-
sagnir Biblíunnar í smáatriðum. Nám-
skeiðið verður þá upprifjun og hvatning
til frekari Biblíulesturs. Kennarinn nam
öðru hvoru staðar við mikilvæg atriði,
útskýrði þau nánar og heimfærði upp á
okkur. Eftir því sem leið á námskeiðið
lærðu nemendur fleiri sögur ásamt til-
heyrandi stikkorðum og hreyfingum.
Öðru hvoru var numið staðar, nemend-
ur stóðu á fætur og þuldu upp stikkorð-
in um leið og þeir gerðu viðeigandi
hreyfingar.
Nemendur voru almennt mjög
ánægðir með þetta námskeið. Það var
góð upprifjun á efni Gamla testament-
isins og örvaði þátttakendur til frekari
Biblíulesturs. Full ástæða væri til að
þýða námskeiðið á íslensku. Það er
sannfæring mín að það eigi erindi inn í
söfnuði þjóðkirkjunnar og frjálsa söfn-
uði þar sem fólki er annt um að efla
Biblíuþekkingu. Einnig er hægt að
kenna það, eins og á þessu námskeiði,
utan venjulegs safnaðarsamhengis, t.d.
í sumarbúðum o.s.frv. Full ástæða er
til þess fyrir Hið íslenska Biblíufélag að
hugleiða hvort það eigi ekki að hlutast
til um að það verði þýtt og notað hér á
landi. Það myndi stuðla að því að ryk-
fallnar Biblíur yrðu teknar niður úr
hillum og lesnar fólki til ómældrar
blessunar.
Frá námskeiðinu Rölt um ritninguna. Kennarinn, sr. John
Steinar Jacobesen, kennir með öllum líkamanum. Túlkur
(t.h.) er Guðmundur Ingi Leitsson. Ljósm. Einar s. Arason.