Bjarmi - 01.10.1998, Blaðsíða 25
ÞÝSKALAND
ENGLAND
Kirkjan á
EXPO 2000
✓
Aheimssýningunni EXPO 2000 í Hannover
eftir tvö ár verður kirkjan með sýningar-
skála. Þýski stáliðnaðurinn mun leggja lið við
byggingu skálans. Hann mun skiptast í tvennt,
annars vegar með aðstöðu fyrir guðsþjónustur
og hins vegar fyrir menningarlega viðburði.
Heildarkostnaður við þátttökuna er áætlaður um
600 milljónir. Það eru bæði rómversk-kaþólska
kirkjan og mótmælendakirkjur í Þýskalandi sem
standa saman að verkefninu.
NEPAL
Mikill vöxtur
✓
Inýlegri skýrslu frá samtökunum AD 2000
And Beyond kemur fram að evangelísk-
kristnum mönnum í Nepal hefur fjölgað ört eða
úr 50 þúsund árið 1990 í um 500 þúsund nú.
Starfið í Nepal nær til margra þjóðflokka í land-
inu en samtökin AD 2000 And Beyond vinna
meðal annars að því að ná betur til þeirra þjóð-
flokka sem fagnaðarerindið hefur borist til á síð-
ari árum. Samtökin fást einnig við það hvemig
ná megi til þjóðarbrota sem telja færri en tíu
þúsund manns og hafa eigin menningu og
tungumál.
BANDARÍKIN
Rokktónlistarmaður
skrifar um Markúsar-
guöspjall
Rokktónlistarmaðurinn og rithöfundurinn
Nick Cave hefur lengi verið þekktur fyrir
trúarlegar vangaveltur sínar og vísanir í Gamla
testamentið í textum sínum. Hann er nú orðinn
þátttakandi í óvenjulegu viðfangsefni því hann
er einn af tólf rithöfundum sem eiga að skrifa
formála að hinum ýmsu bókum Biblíunnar.
„Ég frétti af þessari útgáfu og hafði samband
við forlagið og bað um að fá að skrifa um Mark-
úsarguðspjall," segir Cave í samtali við breska
blaðið New Musical Express. „Það hefur alltaf
verið uppáhalds guðspjallið mitt. Lýsing Mark-
úsar á Kristi er blátt áfram og án hugarflugs og í
senn hrjúf og fögur.“
Fagnaðarerindinu kom-
iö á framfæri
í tengslum viö HM
í knattspyrnu
Bresk samtök, Christian Publicity Organ-
isation, gáfu út nokkur rit til að koma
fagnaðarerindinu á framfæri í tengslum við
heimsmeistarakeppnina í knattspyrnu í Frakk-
landi í júní sl. Bókin „Að vera bestur!“ hafði
t.a.m. að geyma vitnisburði kristinna knatt-
spyrnumanna ásamt alhliða upplýsingum um
heimsmeistarakeppnina. Stuart Weir, leiðtogi
samtakanna Christians in Sport, sagði í tilefni af
átakinu að á Englandi væru 42 þúsund knatt-
spyrnufélög með yfir tvær milljónir leikmanna.
Hann gerði sér vonir um að öll knattspyrnufélög
á Bretlandi og írlandi fengju bókina að gjöf frá
kirkjunni sinni.
EISTLAND
Margir prestar
vanhæfir
Erkibiskupinn í Eistlandi, Jaan Kiivit, hefur
sagt frá því að um þriðjungur presta lands-
ins uppfylli tæpast þær kröfur sem gera verði til
presta. Ástæðan er sú að á árunum eftir seinni
heimsstyrjöld, þegar Eistland var undir valdi
Sovétríkjanna, var mörgum prestum eistnesku
kirkjunnar varpað í fangelsi og aðrir voru hraktir
úr landi. Prestaskortur leiddi til þess að kirkjan
gaf eftir varðandi kröfur um menntun og hæfni
presta. Kiivit segir í blaðaviðtali að það sé Guðs
kraftaverk að kirkjan lifði af áratuga andstreymi
á tímum Sovétstjórnarinnar.
BANDARÍKIN
Vakningar
í fangelsi
Aeinu ári hafa um 1450 fangar í fangelsinu í
Lee Countu í Arkansas tekið kristna trú.
Fangelsispresturinn, Patrick McCowan frá söfnuð-
inum Assemblies of God, greinir frá þessu í blaða-
viðtali. Um 200 fangar taka þátt í biblíuleshópum
og tæplega sjö þúsund eintökum af biblíulesefni
hefur verið dreift í fangelsinu undanfarið.