Bjarmi - 01.06.1999, Blaðsíða 28
Einar Kristján Hilmarsson
Uppáhalds ntningarstaðwrinn
Fel Drottni vegu þrna
og treyst honum,
hann mun vel fjrir sjá
Eg var beðinn um að skrifa
nokkur orð um uppáhalds
ritningarstaðinn minn og
einn kom strax í hugann,
Davíðssálmur 37:5: „Fel
Drottni vegu þína og treyst honum,
hann mun vel fyrir sjá.“
Það eru margir ritningarstaðir sem
eru mér mikils virði. Ég hef lesið
Biblíuna frá unglingsárum og hún hefur
blessað líf mitt á margan hátt. Guðs orð
er lifandi og kröftugt... (Hebr.4:12)
þannig að þegar maður les það og biður
Guð um að tala þá gerist eitthvað sem
ekki er gott að útskýra. Guð talar, talar
inn í aðstæður mínar eða þínar. Margir
lesa Biblíuna án þess að gera ráð fyrir að
Guð geti talað eða gleyma því.
Davíðssálmarnir eru frábærir að
mörgu leyti. Þeir lýsa oft vel aðstæðum
sem við mennimir lendum í. Davið var
mikill konungur sem trúði á Guð og
treysti honum. Þó féll hann í miklar
syndir. En hann þekkti Guð og vissi
hvert hann átti að snúa sér. í Sálm.
25:11 segir hann t.d.: „Sakir nafns þíns,
Drottinn, fyrirgef mér sekt mína, því að
hún er mikil.“ Og í Sálm. 32:1: „Sæll er
sá er afbrotin em fyrirgefin, synd hans
hulin.“
Davíð vissi það mikilvæga. Hann gat
treyst Drottni. Kærleikur Guðs er mikill
og hann er hjálp og skjöldur þeirra sem
treysta honum. „Þeir sem óttast Drottin
treysta Drottni, hann er hjálp þeirra og
skjöldur" (Sálm. 115:11). Og í mínu
uppáhaldsversi, Sálm. 37:5, segir: „Fel
Drottni vegu þína og treyst honum,
hann mun vel fyrir sjá.“ Fyrir mér hefur
þetta verið tvíþætt. í fyrsta lagi að fela
líf og atburði i Drottins hendur og svo
hitt að treysta honum. Það er auðvelt í
sjálfu sér að biðja bæn til Guðs um að
vera með í þessu eða hinu eða segja:
Góði Guð, viltu vera með mér í lífinu,
viltu blessa mig og mína. Það er þetta
með traustið sem er ekki eins auðvelt.
Mér hefur ekki alltaf tekist að treysta
Guði fyrir öllu sem ég bað hann um og
oft hef ég líka tekið fram fyrir
hendumar á honum, bjargað hlutunum
sjálfur. Þá hefur hann ekki getað komið
með það sem hann hafði i huga. En
Guð gefst ekki upp á okkur, hann þráir
að koma sínum fyrirætlunum að í lífi
okkar og það er reynsla mín að hann
gerir allt sem hann getur til þess og
gefst ekki upp. Það er aðeins okkar að
fela líf okkar og þá hluti sem við glímum
við í hans hendur og treysta honum
Þú verður að gefa þig í hendur Drottins, gefa
honum tækifæri til að „sjá velfyrir þínum málum".
Treystu honum, láttu á það reyna. Guð er til og
hann bíður eftir að þú vonir á hannjelir honum öll
þín mál.