Bjarmi - 01.06.1999, Blaðsíða 31
reynslan af kennarastarfinu. En það er
auðvitað mjög mikilvægt í þessari
þjónustu að hafa guðfræðilega þekkingu
og búa yfir þeirri kunnáttu. Mitt starf
felst að miklu leyti í biblíufræðslu og
kennslu og það er vissulega styrkur að
ég hef fengið menntun á þvi sviði.
Áherslur í starfinu eru bundnar við
presónu en ekki við menntun hennar en
menntunin tengist auðvitað þeim
áhersluþáttum sem viðkomandi vill
leggja áherslu á
Á hvað vilt þú leggja áherslu í þinu
starji?
- Ég vil leggja mikla áherslu á að
vera með krökkunum. Þá á ég við nálg-
unina. Ég ætla ekki að gera starfið mitt
að skrifstofustarfi þó vissulega séu
verkefni sem ég þarf að vinna á skrif-
stofu. En mig langar að heimsækja
skólana og vera með starfshópa í hverj-
um skóla fyrir sig. Þar gefst tækifæri til
þess að ræða þau um málefni sem þau
eru að glíma við í skólanum og eru efst
á baugi í þjóðfélaginu hverju sinni. í
svona hóp er líka auðveldara að koma
með nýja unglinga og leyfa þeim að
kynnast krökkum úr KSS þannig að
þau fái hugmynd um hvað þar er að
gerast. Eitt af mínum markmiðum er
að KSS verði þekkt samtök meðal ung-
linga, að samtökin verði sýnileg sem
heilbrigð, skemmtileg og uppbyggileg
samtök um leið hafa þau ákveðið for-
varnargildi.
Mér finnst líka mjög mikilvægt að líta
á starfsárið í heild, hafa samhengi í við-
fangsefnum. Mér þætti gott ef haldnir
yrðu fræðslufundir öðru hvoru, þar sem
sérstaklega er fjallað um málefni sem
eru unglingum ofarlega í huga, það má
nefna allskonar siðferðisleg álitamál
sem þau eru að kljást við. Nú, það verð-
ur áhersla lögð á listina á sem flestum
sviðum, söng, drama, myndlist, ljós-
myndun og ljóðagerð. Þá er ætlunin að
reyna að hafa ljósmyndanámskeið þar
sem unnið er út frá ákveðnu þema og
síðan endað með ljósmyndasýningu.
Eins með ljóðagerð, það er upplagt að
hafa námskeið um ljóðagerð, jafnvel
samkeppni og gefa út undir lokin ljóða-
bók með ljóðum eftir krakkana. Síðan
sé ég fyrir mér kór með hljómsveit,
söngvum og dönsum.
Ég legg mikla áherslu á sálgæsluna.
Ég veit af eigin reynslu að það er mjög
mikilvægt að krakkarnir hafi einhvern
sem þeir geti leitað til og treyst. Ég hef
viðtalstíma á skrifstofunni og þeir hafa
verið nýttir mjög mikið. Það sýnir þörf-
ina fyrir þetta. í því sambandi get ég
líka nefnt að ég er með öldungahóp í
KSS. Það er eldra fólk sem kemur reglu-
lega á fundi hjá KSS, mætir á skólamót,
er til þjónustu reiðubúið ef á þarf að
halda, bæði í sálgæslu og fyrirbæn.
Unglingarnir hafa einnig talað um það
hvað þeim finnst þetta þarft. Það eru
óteljandi verkefni og margir áherslu-
þættirnir hjá mér. En auðvitað er það
fyrst og fremst mín bæn að Guð geti
notað mig í þessari þjónustu til að
sem flestir mættu eignast
persónulega trú á Jesú
Krist og að KSS- og KSF-
ingar sem þegar hafa
tekið trú mættu vaxa
og eflast í trúnni á
frelsarann okkar.
Hvert er hlutverk og
möguleikar Kristilegu
skólahregjingarinnar?
Höfðar kiistin trú til
ungsfólks nú á dögum?
- Já, svo sannarlega
finnst mér Kristilega
skólahreyfingin eiga
erindi við ungt fólk
nú á dögum. Þau
viðhorf og gildi, sá
boðskapur sem
kristin trú boðar
á erindi til
allra,
sama á hvaða aldri fólk er. Vissulega er
það mjög mikils virði að kristin trú nái
eyrum unglinga og hafi þannig mótandi
áhrif á lífsviðhorf og þá stefnu sem lif
þeirra kann að taka. En auðvitað er að-
almálið að finna starfsaðferðir sem
höfða til þeirra og gera stariið aðlaðandi
og eftirsóknarvert. Þá er mikilvægt að
hlusta á unglingana og þeirra þarfir.
Eitthvað að lokum?
- Já, mig langar til þess að leggja það
á hjarta lesenda Bjarma að biðja fyrir
öllu starfi í Kristilegu skólahreyfing-
unni. Það er mikilvægt að biðja fyrir
KSS- og KSF-ingunum, stjómum félag-
anna og biðja Guð um að
unglingarnir varð-
veitist í trúnni á
Jesú Krist.