Heima er bezt - 01.03.1982, Qupperneq 13

Fáein orð um heiðurshjón
Það hefur komið í minn hlut að skrifa
hér örlítinn þátt um hjónin Kristínu
Ámundadóttur og Skæring Sigurðs-
son og nánustu ættmenni þeirra.
Aldrei hefur það þótt glæsileg
byrjun á grein, að fara með afsakanir,
t.d. vegna ónógs undirbúnings, sem
gæti hafa stafað af tímaleysi, eða að-
stöðuleysi til öflunar heimilda o.s.frv.
Ég sleppi afsökunum. Hitt mega þó
allir vita, að allt það, sem ég nefndi
hér að framan, á við um þessa grein
mína. Til að gera þvílíku efni sæmileg
skil, þarf góðan tíma og aðstöðu til að
nálgast heimildir og að vinna úr þeim.
Hvorttveggja þetta skortir mig, en það
breytir ekki því, að ég vil svo sannar-
lega minnast þeirra heiðurshjóna,
Kristínar Ámundadóttur og Skærings
Sigurðssonar á Rauðafelli.
Flest af þvi, sem hér er tínt til af
staðreyndum um þau hjón, er komið á
blað með hjálp minnar góðu frænku,
Aðalbjargar, elstu dóttur þeirra
hjóna, — og er ég henni afskaplega
þakklátur fyrir.
Kristín húsfreyja á Rauðafelli var
fædd 15. apr. 1886, að Bjólu i Holtum.
Var hún dóttir hjónanna þar, Ragn-
heiðar Eyjólfsdóttur, Björnssonar
flutt á ættarmóti
í Skógum
undir Eyjafjöllum
18. júlí 1981
bónda í Þorlákshöfn og Herdísarvík,
Oddssonar bónda að Þúfu i Ölfusi og
Ámunda bónda hennar Filipussonar,
Þorsteinssonar Vigfússonar, einnig
bónda í Bjólu, sem í heimildum frá
harðindaárunum 1780-88 er nefndur
„víðkunnur heiðursmaður“. —
Kristín var þannig af bændafólki
komin í báðar ættir.
Heyrt hef ég sagt að ættfólk
Ámunda hafi verið og sé áberandi
myndarlegt fólk og konur margar
sérlega fríðar sýnum. — Ekki skal ég
leggja neinn dóm á þau orð, en hitt
veit ég að Kristín Ámundadóttir var
afar fríð kona.
Ég var aðeins á 5. aldursárinu,
þegar Kristín lést, en ég man samt vel
eftir henni. Þá var hún rúmliggjandi
sjúklingur heima á Rauðafelli og
barðist við „hvítadauða“, vonlausri
baráttu. Hann lagði margan í gröf á
þeim árum. — Hið föla, fagra andlit
stendur mér enn ljóslifandi fyrir hug-
skotssjónum. Hún var aðeins hálf
fimmtug að aldri.
Mér er einnig minnisstæð jarðarför
Kristínar fyrir þá sök, að mér var leyft
að fara með til kirkjunnar og allt var
svo framandi og undarlegt í augum
heimalningsins unga, að atburðurinn
hefur grópast inn í minnið.
Kristín Ámundadóttir lést 29. sept.
1932 og var jarðsett að Eyvindarhól-
um.
Skæringur, bóndi á Rauðafelli, var
jafnaldri konu sinnar, fæddur 14.
mars 1886. Var hann 3. barn hjón-
anna á Rauðafelli, Jakobínu Stein-
varar Skæringsdóttur og Sigurðar
Sveinssonar.
Jakobína Steinvör, móðir Skærings,
var fædd 8. ágúst 1858, dóttir hjón-
anna í Skarðshlíð, Guðlaugar Eiríks-
dóttur frá Húsagarði á Landi, sem var
af hinni svonefndu Bolholtsætt, og
Skærings Árnasonar, bónda hennar.
Jakobína lést 8. febr. 1917.
Sigurður, faðir Skærings, var
fæddur 10. ágúst 1851ogeru þvíþessa
dagana nákvæmlega 130 ár frá fæð-
ingu hans. Sigurður var af Selkots-
Heima er bezt 8 5