Heima er bezt - 01.03.1982, Síða 14

ættinni, 5. liður frá ættföðurnum Jóni
ísleifssyni, lögréttumanni í Selkoti.
Bjuggu forfeður hans mann fram af
manni undir Eyjafjöllum og í Mýrdal:
Sveinn, faðir Sigurðar bjó í Skarðs-
hlíð, en Sigurður afi hans, Bjarnason,
bjó i Sólheimahjáleigu. Sigurður
Sveinsson lést 24. júní 1920.
Þau hjón, Jakobína og Sigurður
bjuggu allan sinn búskap á Rauðafelli
og eignuðust þau 11 börn. Eru nú 3
þeirra á lífi: Guðlaug og Ragnhildur í
Reykjavík og Árni Sveinbjörn Kjart-
an í Vestmannaeyjum.
Ég þekkti Skæring móðurbróður
minn mæta vel. Hann var myndar-
legur á velli og bar mikla persónu.
Hann var verklaginn og góður smiður
og hafði yndi af söng og mannfagnaði
og var afskaplega hjálpsamur og
greiðvikinn að eðlisfari. —Við vorum
saman heilan vetur á heimili Elínar
systur hans í Vestmannaeyjum. Það
var 1944-45. Þá var hann hættur bú-
skap og búinn að ganga í gegnum
mikil og alvarleg veikindi. Á þessum
árum var ég vegalaus, ef svo má segja.
Móðir mín missti heilsuna og ég varð
heimilislaus. Það mátti því segja að
það væri jafnt á komið með okkur
frændum hvað þetta varðar, og lík-
lega hafa þessar aðstæður fært okkur
nær hvor öðrum. Ég hafði mikið til
hans að sækja, unglingurinn. Hann
var um sextugt, lífsreyndur og vitur.
Ég stend í mikilli þakkarskuld við
hann. Skæringur lést 27. febr. 1973 og
liggur við hlið konu sinnar í Eyvind-
arhólakirkjugarði.
Þegar Kristín og Skæringur hófu
búskap var það fyrst í Hrútafellskoti,
en þau fluttust mjög fljótlega að
Rauðafelli, þar sem þau bjuggu svo
alla sína búskapartíð. Þau eignuðust
14 börn og eru 10 þeirra á lífi nú.
Ég mun hér telja upp nöfn barna
þeirra í réttri aldursröð ásamt fjölda
lifandi barnabarna. Hefði verið gam-
an að geta nefnt nöfn allra afkomenda
þeirra hjóna eða geta greint frá fjölda
þeirra. Til þess treysti ég mér ekki
vegna aðstöðuleysis.
1. Sigriður (dó ung).
2. Sigurþór, fyrrum bóndi á Rauða-
felli, nú búsettur í Þorlákshöfn.
Hann var kvæntur Bergþóru
Auðunsdóttur, sem nú er nýlátin.
Börn þeirra eru 5 á lífi.
3. Aðalbjörg, búsett í Reykjavík, gift
Hermanni Guðjónssyni. 3 börn.
4. Einar, búsettur í Reykjavík.
Kvæntur Guðríði Konráðsdóttur.
2 börn.
5. Ásta Ragnheiður, búsett í
Reykjavík. 1 barn.
6. og 7. Baldvin og Georg, tvíburar.
Kona Baldvins er Þórunn Elías-
dóttir og búa þau nú í Mosfells-
sveitinni. 9 börn. Kona Georgs er
Sigurbára Sigurðardóttir og búa
þau í Vestmannaeyjum. 6 börn.
8. Jakob (lést fulltíða maður).
9. Sveinborg Anna. Búsett í
Reykjavík.
10. Rútur, kvæntur Guðbjörgu Jóns-
dóttur. Þau búa í Vík í Mýrdal.
Börn 3.
11. Guðfinna (dó ung).
12. Guðmann, kvæntur Ósk Alfreðs-
dóttur. Búa í Hafnarfirði. Börn 2.
13. Andvana fætt barn.
14. Kristinn, kvæntur Þorbjörgu
Jóhannesdóttur. Búa í Kópavogi.
Börn 4.

Eiríkur Eiríksson.
Oft
Dar leyndist
' ítið stef
Eins og lesendum er kunnugt þá er Dægurljóðaþáttur
Eiríks Eiríkssonar hættur.
Margir munu eflaust sakna Dægurljóða Eiríks, enda var
Eiríkur laginn við að finna skemmtileg og fáséð ljóð, einnig
tókst honum að gæða ljóðin lífi með frásögnum tengdum
þeim og hugleiðingum ýmiskonar. Kristbjörg Vigfúsdóttir,
Melum, hefur sent blaðinu „lítið bréf til fráfarandi stjórn-
anda þáttarins Dœgurljóð“ og þar sem við vitum að hún
mælir fyrir munn margra lesenda er okkur sönn ánægja að
birta þetta ljóðabréf.
Löngum dægur-ljóðin snjöll
las ég mér til gleði,
þó þau væru ekki öll
eftir mínu geði.
Oft þar leyndist lítið stef
sem ljúfa vakti minning.
Þér ég sendi þetta bréf
með þökk fyrir góða kynning.

86 Heimaerbezt