Æskan - 01.11.1966, Blaðsíða 34

en það er jafnskjótt og borðhaldi er
lokið. Brúðarhús fer fram með þess-
um hætti: í stórri stofu standa brúð-
hjónin fyrir innan langt borð, sem
nær nálega um þvera stofuna. Á borð-
inu stendur alls konar sætabrauð.
Gestirnir ganga í brúðarhús jregar
boðið er, og kveða oft eitthvert gott,
aljrekkt kvæði, eða góður hagyrðingur
yrkir til brúðhjónanna. Brúður og
brúðgumi bjóða nú gestum að bragða
góðgæti það, sem á borði er, en á
meðan bera gestirnir fram brúðargjaf-
ir, og veitir brúður þeim viðtöku. Þá
eru aftur fluttar margar stuttar ræð-
ur, skálar brúðhjónanna drukknar og
mörgu spaugsyrði kastað fram.
Margir Jrakka nú fyrir sig og búast
til heimferðar, einkum hinir eldri.
Hver bátshöfn fær í nesti brauð og
skinsakjöt, og hið sama gildir um þá,
sem fara gangandi heim.
En dansinn dunar enn langt fram á
nótt. Daginn eftir, að loknum morg-
unverði, fer hver heim til sín.
Byggðarmenn fylgja nú aðkomu-
gestum til skips með söng og kveð-
skap, og leggur síðan hver báturinn af
öðrum frá landi, en í sama mund
halda aðrir til fjalls í hópum, stórum
og smáum. Þetta eru vei/.hdokin.
Brúðkaupinu er nú lokið, en eftir
er Jjjónustuveizlan. Hún er venjulega
sunnudaginn næsta á eftir. Þá gera
nýgiftu hjónin veizlu matreiðslufólki
og öllum þeim, sem á einhvern hátt
hafa veitt aðstoð fyrir brúðkaupið og
í brúðkaupsveizlunni. Þessi veizla er
Jjjónustulaun Jreirra. Um leið og ljós
er borið í hús, er lambasteik borin á
borð. Brúðgumi þakkar hjálpina, sem
þeim hefur verið veitt. Brúður og
brúðgumi jrjóna jafnframt til borðs
og skenkja á. Síðan er dansað og öll-
um byggðarmönnum venjulega boðið
í dansinn. Undir miðnætti er snæddur
kvöldverður. Oftast er dansað fram
á morgun og stundum snæddur morg-
unverður áður en hver fer heim til
sín. Og nú er brúðkaupinu loks að
fullu lokið. ENDIR.
Þetta er saga fyrir drengi. Höfund-
ur hennar, Hannes J. Magnússon, áð-
ur skólastjóri á Akureyri, hefur látið
frá sér fara margar bækur, meðal ann-
ars fimm barnabækur, sem Æskan gaf
út á sínum tíma: Sögurnar hans
pabba, Sögurnar hennar mömmu, Sög-
urnar hans afa, Sögurnar hennar
ömmu og Bókin okkar. Allar þessar
bækur eru uppseldar fyrir löngu.
Hann hefur einnig verið ritstjóri
Vorsins í meira en þrjátíu ár.
Aðalsöguhetjan, Gaukur Atlason,
er sonur fátækrar ekkju og er fatlað-
ur Jjannig, að annar fótur hans er
styttri en hinn. Þetta liggur mjög
Gaukur verður ketja.
Hannes J. Magnússon.
Jmngt á honum, og ekki sízt vegna
þess, að drengirnir í skólanum stríða
honum á Jressu. Það verður til Jress,
að hann lendir Jrar í áflogum og ill-
indum. Þorir svo ekki að fara i skól-
ann og fer að skrópa. Það endar með
Jjví, að hann er sendur í sveit til gam-
alla hjóna, sem reynast honum vel.
Þar lendir hann í ýmsum ævintýrum.
En alltaf dreymir hann um að fá bót
á fötlun sinni. Hann heyrir, að það
muni vera hægt að laga Jretta í Kaup-
mannahöfn, og nú fer allt að snúast
honurn til góðs. Hann vinnur í rit-
gerðakeppni og fær ókeypis far til
Kaupmannahafnar. Hann bjargar lífi
óvinar síns í skólanum og faðir lians
launar honum vel fyrir. Hann kemst
til Kaupmannahafnar og fær Jrar bætt
úr fötlun sinni. Hann kemur óhaltur
heim og allt endar vel.
j>að er óhætt að mæla með öllum þeim bókum, sem Bókaútgáfa
ÆSKUNNAR gefur út, því að það eru ekki annað en úrvalsbæk-
ur. Bækur ÆSKUNNAR fást nú hjá öllum bóksölum um allt land.
442