Æskan - 01.11.1968, Qupperneq 49

NJETURGM.UR heilogs morteins
Þetta er drengjakórinn „Les Rossignolets
de Saint-Martin“, eða Hinir litlu næturgalar
heilags Marteins, frá Roubaix. Það er
franskur iðnaðarbær með um 111.000 íbúa,
skammt frá belgísku landamærunum. Kór-
inn var stofnaður árið 1952 af ábótanum
Paul Assemaine. Stjórnandi Litlu nætur-
galanna nú er J. M. Braure ábóti og hefur
verið tvö undanfarin ár og kennari hans og
leiðbeinandi. í kórnum eru 35 drengir og
ungir menn á aldrinum 9 til 21 árs en að
jafnaði eru yngstu drengirnir ekki með á
ferðalögum kórsins. Litlu næturgalarnir
syngja jöfnum höndum sígilda franska
söngva, þjóðlög frá ýmsum löndum, pólífón-
ískar mótettur, negrasálma og verk gömlu
meistaranna, eins og Bachs, Scarlattis, Ra-
meaus, Mozarts og Palestrina. Einnig verk
eftir tónskáld, sem standa nær okkar tíma,
eins og Grieg og Ravel.
Auk þess sem Litlu næturgalarnir hafa
sungið um gjörvallt Frakkland, hefur kór-
inn farið mjög víða um Evrópu, meðal ann-
ars sungið á Norðurlöndum, í Belgíu, Hol-
Spurningar:
1. Hvað hétu foreldrar tvíburanna?
2. Hverju svaraði Jakob, er faðir
hans spurði: „Ert þú þá Esaú,
sonur minn?“
landi, Austur- og Vestur-Þýzkalandi, Aust-
urríki, Sviss, Luxembourg, Portúgal, Eng-
landi, Skotlandi, Júgóslavíu, á ítallu og
Spáni. Þá hefur kórinn farið vestur um
haf og sungið í Kanada, þar ferðuðust þeir
um í einn mánuð og er það lengsta utan-
ferð kórsins. Kórinn hefur heimsótt meira
en 100 erlendar borgir, þar á meðal allar
helztu borgir og höfuðborgir Evrópu. Víða
hafa borgarstjórnir haft fyrir þá opinberar
móttökur og sýnt þeim ýmsan sóma, enda
hafa litlu söngmennirnir hvarvetna sungið
sig inn i hjörtu áheyrenda með sínum óm-
þýðu röddum og einlægni.
Á jólum 1961 voru þeir kjörnir til þess
að koma fram í Frakklands nafni á Alþjóð-
legri sönghátíð þjóðanna í Róm, borginni
eilífu. Hljómplötufyrirtækið þekkta RCA lét
gera hljómplötu frá þessari hátíð, þar sem
Litlu næturgalarnir komu fram ásamt öðr-
um beztu söngsveitum Evrópu. Eftir þessa
sönghátíð buðu ítölsk stjórnarvöld Litlu
næturgölunum formlega að taka þátt I
hinni Alþjóðlegu helgihátíð I Loretto bæði
3. Hver var þáttur móðurinnar í
svikunum?
(Geymið svörin svo vel og sendið
þnu öll i einu).
1962 og 1963. Þar komu þeir enn fram sem
fulltrúar lands síns og sungu ásamt nafn-
kunnum kórum, svo sem kór Sixtínsku-kap-
ellunnar, Múnchen-kórnum og drengjakórn-
um fræga Les Petits Chanteurs á la Croix
de Bois.
Litlu næturgalarnir hafa sungið í útvarp
I mörgum löndum og sungið inn á átta
hljómplötur.
Kórinn hefur hlotið frábæra dóma fyrir
söng sinn og grípum við niður I nokkra
þeirra:
La Vita Casalese: „Enginn gæti gerzt svo
djarfur að halda því fram, að Næturgalar
heilags Marteins hafi ekki efnt loforðin og
staðfest lofgjörðirnar, sem hafa birzt um
þá I dagblöðum hálfrar Evrópu. Það gerðist
kraftaverk á tónleikunum. Kraftaverk, þann-
ig að áheyrendur sátu og hlýddu agndofa
I hinni fögru kirkju Casale, sem var troð-
full. í hverju laginu á fætur öðru náði túlk-
un kórsins ótrúlegri fullkomnun I stílnum.“
Venezia: „Núna þekkja Feneyjar þá líka,
áheyrendur hlýddu á þá I upphafinni þögn
(það segir talsvert í svo íónelskri borg)
og voru innilega þakklátir hinum litlu,
snjöllu „artisti di Dio“, listamönnum Guðs.“
Rems-Zeitung: „Söngskrá hinna frönsku
næturgala — og þeir eiga það nafn skil-
ið — bauð hið fjölbreytilegast úrval fyrst
og fremst úr sígildri kirkjutónlist."
Göppinger-Zeitung: „Söngur frönsku
Næturgalanna var stórviðburður í tónlistar-
lífinu."
Action í Québec segir, að áheyrendur
hafi tekið drengjakórnum frábærlega vel:
„Hreinleiki raddanna samstilling kórsins og
raddfimi, sem var oft með mestu ólíkindum,
þetta voru helztu kostir í túlkun hinna ungu
söngvara frá Roubaix. I söng þeirra var
bæði örlæti og einfaldleiki ......“
Fyns Stifts tidende: „Tónleikarnir, sem
stóðu í tæpa tvo tima, náðu fullkomnun,
einkum voru hinir fögru einsöngsþættir
hrífandi, þar nutu hinar björtu, hreinu
drengjaraddir sín til fulls."
Litlu næturgalarnir munu nú um jólin
heimsækja island í annað sinn og halda
hér nokkrar söngskemmtanir.
477