Æskan - 01.11.1979, Blaðsíða 20

Og fjöldi himneskra hersveita var
meðal þeirra. Sungu ekki englarnir á
jólanótt: ,,Því að yður er í dag frelsari
fæddur, sem er Kristur Drottinn í borg
Davíðs." Þeir sögðu líka: ,,Dýrð sé
Guði í upphæðum og friður með
mönnum." Þessum upplýsingum
miðluðu þeir til hirðanna, svo einnig
þeir mættu koma og sjá Jesúbarnið.
Þeir vöktu eftirvæntingu hirðanna
með því að segja við þá, að þeim væri
frelsari fæddur. Þeir sögðu meira aö
segja hver hann var og hvar hann
væri að finna.
Jafnvel áður en jólamánuðurinn
hefst, er viðskiptahlið jólanna hafin.
Börn taka að gera sér lista yfir jóla-
gjafirnar, sem þau óska sér. En er þá
eitthvað á móti jólagjöfum? Sjálfum
finnst mér þær góöur siður, þótt
menn á mínum aldri muni í þeim
efnum tímana tvenna. Að gefa og
gleðja aðra, hefja sig yfir hversdags-
ieikann. Hverfa um stund frá brauð-
stritinu og láta þess í stað eitthvað af
hendi rakna.
Það er talað um bókaflóð, aug-
lýsingaflóð og margt annað í líkum
dúr fyrir jólin. Er þetta þá allt af hinu
illa? Auglýsingar hafa margar hliðar.
Sumum finnast þær ertandi og leiði-
gjarnar. Þá má sleppa því að lesa þær
eða hlusta á þær. Svo ég mæli enn frá
eigin brjósti, þá finnst mér þær á
vissan hátt skapa stemmningu fyrir
jólnum og eftirvæntingu fyrir því, sem
koma skal, auk þess að vera upp-
lýsingamiðlun.
Orðið flóð hefur nokkuð neikvæða
merkingu í íslensku. Snjóflóð, vatns-
flóð eða hraunflóð. Hví flytjum við þá
þetta orð yfir á hluti tengda jólum? Yfir
á það, sem tengt er menningu í huga
okkar, s. s. bókaflóð. Ekki eru allar
bækurtil mikilla mennta og ekki virða
þær heldur allar Jólabarnið að fullu.
En sjá. Þá höfum vió líka samanburð
og vonandi skynsemi til að velja og
hafna.
Tekur ekki sjálf kirkjan þátt í þessu
sem við nefnum auglýsingaflóð?
18