Æskan - 01.11.1979, Blaðsíða 78

HEILL ÞÉR ÆSKA 80 ÁRA
Ennþá vara hin heillavænlegu áhrif
sem barnablaðið Æskan færði mér á
uppvaxtarárum mínum. Sérstaklega
voru það hinar ágætu upplýsingar um
skaðsemi áfengra drykkja, sem ég tel
að hafi átt stóran þátt í því að ég hef
aldrei ánetjast áfengi. Líka voru for-
eldrar mínir og systkini mikið reglu-
fólk.
Mikil ánægja og tilhlökkun var hjá
unglingum, þegar þeir fengu fyrst að
fara í réttirnar. Ég var 12 ára þegar
mér var lofað réttaferð. Systir mín
miklu eldri ætlaði líka og fólk af næsta
bæ. Alltaf var farið í réttirnar daginn
áður úr Flóanum, þar sem ég ólst upp.
Daginn sem fara átti í réttirnar var
ausandi rigning og systir mín hætti við
að fara af þeim sökum, og ekki þótti
ráðlegt að ég færi án hennar. Þetta
urðu mér mikil og þungbær vonbrigði
og ég hljóp í felur meðan mestu sár-
indin brutust út með táraflóði. Móðir
mfn hefur áreiðanlega verið sálfræð-
ingur af Guðs náð, og hún hefur ef-
Ingjaldur Tómasson.
laust vorkennt mér. Á réttadaginn lét
hún söðla tvo hesta og bauð mér að
koma með sér til vinkonu er hún átti á
bænum Sléttabóli (nú í eyði). Ég
hafði ánægju af ferðinni, og hún
deyfði mesta vonbrigðasviðann. Svo
gleymdist þetta furðu fljótt og
næsta haust fór ég í réttirnar.
Um leið og ég óska Æskunni til
hamingju með stórafmælið vil ég
þakka ritstjóra hennar og öllum öðr-
um sem hafa gert blaðið að lýsandi
Ijósi í þeim myrkviði spillingarafla,
sem reyna að draga æskulýðinn inn í
álfahöll ofdrykkju, með tilheyrandi
andlegri spillingu sem alls staðar
blasir við. Ég veit að Æskan verður í
fararbroddi þeirra endurreisnarafla
sem þurfa óhjákvæmilega að stór-
auka áhrif sín gegn trúleysis- og of-
neysluspillingaröflunum. Vona að
með Guðs hjálp og góðra manna
megi lífsnauðsynleg endurreisn eiga
sér stað svo spillingaröflin verði ör-
ugglega flæmd ,,út á sextugt djúp"
fyrir næstu aldamót, og sönn andleg
og efnahagsleg viðreisn gangi í garð,
líkt og gerðist um síðustu aldamót.
Þá munu bætast harmasár þess
horfna.
Hugsjónir rætast, þá mun aftur
morgna.
H. HAFSTEIN.
Ingjaldur Tómasson.
Elnar Hannesson.
Barna- og unglingablaðið
Æskan er framúrskarandi
gott blað. Uppistaða þess er
heilbrigt og þroskandi efni en
ívafið skemmtiefni og fróð-
leikur í máli og myndum.
Hvert nýtt tölublað kemur
manni ávallt ánægjulega á
óvart, hve glæsilegt það er,
enda hafa gæði blaðsins vax-
ið stöðugt með hverju ári. Það
hefur svo sannarlega fylgt vel
kröfum tímans, hvað snertir
efnisval og ytri frágang á slíku
blaði, sem hefur meðal ann-
ars það hlutverk að innræta
æskunni framtíðarstefnu inn
á brautir heilla og hamingju,
en þar er bindindissemi, bæði
gagnvart tóbaki og áfengi,
öruggt vegarnesti.
Það er því mikil gersemi,
sem Góðtemplarareglan á
þar sem Æskan er, og ómet-
anlegt tæki til að vinna hug-
sjónum reglunnar fylgi.
Sú er ósk mín, að Æskan
mætti komast inn á öll barna-
heimili landsins, en það er
sem kunnugt er stefna for-
ráðamanna hennar, og gerast
fjölskylduvinur, svo sem hún
er nú á þúsundum heimila um
allt land.
Einar Hannesson,
fulltrúi.
Mynd efst til vinstri: „Coyotes" heitir tegund
sléttu-úlfa í Ameríku og sofa þeir þannig að trýni þeirra
snýr að greninu. Mynd lengst til vinstri: Elsti páfagauk-
ur, sem vitað er um, varð 54 ára. Mynd í miðju: Meðal-
aldur fíla er 45 ár. Mynd til hægri: f Miao Feng
Shan-pílagrímsförinni í Kína eru brennd blöð með
áletruðum bænum, tii þess að bænirnar geta stigið til
himins með loganum.