Æskan - 01.11.1979, Blaðsíða 82
Biblían er ekki eins og aðrar bækur. Hún er ekki
aðeins mannkynssaga, heldur er hún það sem við
getum kallað sýnisbók, safn ólíkra bóka og rita.
Flestar bækur, sem þið lesið, eru skrifaðar af
rithöfundum, sem hafa skrifað bækurnar til loka-
kafla. Einnig á þennan hátt er Biblían öðruvísi en
aðrar bækur, af því að hún er skrifuð á mörgum
öldum og af mörgum ólíkum mönnum.
Kannski finnst þér gaman að sögubókum. í
Biblíunni eru margar spennandi sögur, t.d. um
bardaga og sigra í Samúelsbókunum og
Konungabókunum.
Kannski líkar þér skáldskapur. Sálmarnir í
Biblíunni eru meðal fegursta skáldskapar í heimi.
Og ef þú ert hrifin(n) af ævisögum, þá geturðu
einnig lesið þær í Biblíunni.
í Biblíunni er líka safn af bréfum, sem postul-
arnir skrifuðu og ritum, sem spámennirnir skrif-
uðu eða létu skrifa fyrir sig.
Allt þetta, sem nú hefur verið nefnt finnst í
þessari einu bók, sem við köllum Biblíuna. Hvar
annars staðar getum við fundið heilt bókasafn í
einni og sömu bókinni?
Þó að mennirnir þekki lög Guðs og allir geti því
sem næst lesið Bibliuna, er ennþá til fólk, sem
lætur eins og Guð sé ekki til. Samt fyrirgefur Guð
alltaf þeim, sem koma til hans og biðjast fyrir-
gefningar. Hann elskar alla jafnt.
Lestu því Biblíuna. Þú verður margs vísari og
miklu fróðari — og með lestri hennar fyllist hjarta
þitt hamingju, sem Guð einn getur gefið.
BIBLIAN
hh
ði
Cl
ei
n
ÆSKAN glæðir í senn ást á íslenskum menningarerfðum
og mannást á breiðum grundvelli, góðhug til annarra
þjóða og landa
76