Æskan - 01.11.1980, Qupperneq 58

KROSSGOTUR
Sumir segja, að krossgötur sé
þar t.d. á fjöllum eða hæðum,
sem sér til fjögurra kirkna. Elzta
trúin er sú, að menn skuli liggja
úti jólanótt, því þá er áraskipti,
og enn í dag telja menn aldur
sinn eftir jólanóttum og sá er
t.d. kallaður fimmtán vetra, sem
hefur lifað fimmtán jólanætur.
Síðar færðu menn árs byrjunina
á nýjársnótt.
Þegar menn sitja á krossgöt-
um, þá koma álfar úr öllum
áttum og þyrpast að manni og
biðja hann að koma með sér, en
maður má engu gegna. Þá bera
þeir manni allskonar gersemar:
gull og silfur, klæði, mat og
drykk, en maður má ekkert
þiggja. Þar koma álfakonur í
líki móður og systur manns og
biðja mann að koma, og allra
bragða er leitað.
En þegar dagur rennur, þá á
maður að standa upp og segja:
„Guði sé lof, nú er dagur um
allt loft.“
Þá hverfa allir álfar, en allur
þessi álfaauður verður eftir, og
hann á þá maðurinn.
En svari maður eður þiggi
boð álfa, þá er maður heillaður
og verður vitstola og aldrei síð-
an mönnum sinnandi. Því varð
manni, sem Fúsi het og sat úti á
jólanótt, og stóðst lengi, þang-
að til ein álfkona kom með
stóra flotskildi og bauð honum
að bíta í.
Þá leit Fúsi við og sagði það,
sem síðan er að orðtæki haft:
„Sjaldan hef ég flotinu neitað.“
Beit hann þá bita sinn úr
flotskildinum og trylltist og
varð vitlaus.
Jón Sigurðsson forseíi.
þeim árum hefur verið mikil
gróska í leikhúslífi íslendinga og
áhersla lögð á að hlynna að leik-
ritum íslenskra höfunda og flutn-
ingi verka þeirra. Jafnframt störf-
um sínum hjá Leikfélagi Reykja-
víkur hefur Vigdís verið stunda-
kennari í frönskum leikbók-
menntum við Háskóla íslands.
Árið 1971 kenndi Vigdís
frönsku í sjónvarpinu og um
tveggja ára skeið sá hún um leik-
listarkynningu í Vöku. Árið 1963
var Vigdís ásamt fimm öðrum
stofnandi fyrsta tilraunaleikhúss
á íslandi, Grímu. Formaður
Alliance Francaise var Vigdís um
það leyti sem sú hefð skapaðist,
að hafa á þess vegum fastar
dagskrár í franska sendiráðinu.
Vigdís hefur haldið fjölda fyrir-
lestra um íslensk menningarmál
á þingum erlendis. Vigdís Finn-
bogadóttir hefur síðan árið 1976,
setið í ráðgefandi nefnd um
menningarmál á Norðurlöndum
og verið formaður hennar frá
1978, kjörin af ráðherranefnd
Norðurlanda. Auk þess hafa
henni verið falin margháttuð
trúnaðarstörf á opinberum vett-
vangi.
Kjördóttir Vigdísar, Ástríður, er
sjö ára að aldri.
NÝR ÞJÓÐHÖFÐINGI
44