Æskan - 01.05.1984, Blaðsíða 12

Heimsækir þú afa og ömmu oft
Sveinn Hubfeldt, 15 ára:
Já, svona tvisvar til þrisvar í viku.
Mér finnst gaman aö koma til þeirra
og spjalla við þau. Um hvað ræðum
við? Nú, svona hitt og þetta.
Gunnar Hansson, 12 ára:
Já, ætli ég fari ekki til þeirra einu
sinni í viku. Mér finnst ágætt að
heimsækja þau. Þau spjalla mikið
við mig, spyrja hvernig ég hafi það
og svo framvegis. Svo eru þau oft
að brýna fyrir mér að byrja aldrei að
reykja og drekka áfengi. Þá finnst
mér þau nöldra pínulítið. En þau
hafa auðvitað áhyggjur af manni.
Ásgeir Thoroddsen, 13 ára:
Ég á tvær ömmur og einn afa á líf>-
Ég kem oft til þeirra. Þau gefa mér
alltaf að drekka og spyrja mig
hvernig mér gangi í skólanum
svona almennt. Nei, mér finnst þag
aldrei nöldra. Það er gaman að tala
við þau.
Vorið er komið
Það er gaman og fræðandi að
taka eftir, hvaða jurt blómgast
fyrst í vor, skrifa hjá sér mánað-
ardaginn og taka svo hverja af
annari. í sambandi við þetta væri
gaman að taka eina jurt af hverri
tegund og þurrka hana. Líma
síðan jurtina upp á þykkan papp-
ír og reyna að hafa upp á réttu
nafni hennar og skrifa það síðan
undir, Best er að festa hana með
mjóum pappírsræmum, sem
límdar eru hér og þar yfir hana.
Best er að nota þerripappír til
þess að þurrka jurtir. Þó má not-
ast við gamlar bækur með lúðum
pappír. Slík|söfn geta orðið verð-
mikill, ef hugsað er um að greina
vel frá, hvar hver jurt er tekin og
hvenær. Þessi söfn geta haft
mikla þýðingu fy>i^vísindastarf-
semi náttúrufræðinga. Það þarf
aðeins vandvirkni og reglusemi
við starfð. En þetta geta öll börn
gert.