Æskan - 01.05.1984, Blaðsíða 34

ISLANDSMOTIÐ I KNATTSPYRNU:
KR-INGAR HAFA OFTAST UNNIÐ
íslandsmótið í knattspyrnu hófst
um miðjan maí sl. 10 lið leika í 1.
deild. Fram og KA bætast í hópinn
frá því í fyrra í stað ÍBV og ísfirðing
sem féllu niður í 2. deild. íslands-
og bikarmeistararnir, ÍA, eru taldir
sigurstranglegri en önnur lið veita
þeim líklega harða keppni. Þó
nokkuð verður um breytingar hjá
liðunum; nokkrir leikmenn flytjast á
milli þeirra, sumir hætta og efnilegir
árgangar koma upp í meistarflokk.
Allt getur þetta sett svolítið strik í
reikninginn og gerir alla spá erfiða.
Frá upphafi íslandsmótsins,1
1912, hafa KR-ingar oftast unnið
íslandsmeistaratitilinn. Þeir unnu
hann í fyrsta skipti 1912 en Fram
síðan næstu sex árin. - Hér fyrir
neðan getur að líta hverjir hafa oft-
ast unnið titilinn:
KR: 20 sinnum
Valur: 17 sinnum
Fram: 15sinnum
ÍA: 11 sinnum
Víkingur: 4 sinnum
ÍBK: 4 sinnum
Við fengum fjóra þekkta knatt-
spyrnumenn til að giska á úrslit
mótsins í ár og fara svör þeirra hér
á eftir.
Ögmundur Kristinsson,
Víkingi:
„Ég spái því að Akurnesingar haldi
íslandsmeistaratitlinum, Fram verði
í öðru sæti og KR í þriðja. Ég spái
að Akureyrarliðin tvö, KA og Þór,
verði í fallbaráttunni.“
Ingi Björn Albertsson fyrr-
um liðsmaður Vals:
„Mín óskhyggja er auðvitað sú að
Valur verði númer eitt. Liðið er til
alls víst ef það nær að stilla saman
því að í því eru margir góðir leik-
menn. Skagamenn eru sterkir og
miðað við árangur þeirra á síðasta
ári spái ég því að þeir sigri á
íslandsmótinu. Ég vil helst ekki spá
um hvaða lið verða í fallbaráttunni
en þó gæti ég trúað að Þór muni
eiga í vandræðum.
Sigurður Halldórsson, ÍA:
„Akurnesingar eru sigurstranglegir
en hitt ber að líta á að það er erfitt
að leika í deildinni sem meistari, -
halda toppnum. Ég held að mótið í
ár verði miklu jafnara en oft áður.
Ég hef mikla trú á því að Framarar
eigi eftir að koma okkur á óvart.
Það er mikið af ungum og efni-
legum mönnum í liði þeirra. Þeir
verða tvímælalaust komnir með
topplið eftir 2-3 ár. Hvað fallbarátt-
unni við kemur þá á ég von á því að
það verði basl á KA.“ —^
34