Skírnir - 01.08.1920, Blaðsíða 60

318
Ritfregnir,
[Skírnir
Hitt þarf væntanlega ekki að taka fram, að bókin ber þess
•margvíslegar nienjar, að höfundurinn hefir ekki enn þá náð fullum
þroska. Hann er svo hrifnæmur, að þegar hann yrkir undir brag-
arháttum, sem önnur skáld hafa notað á undan honum, þá bera
áhrifin frá þeim hann oft ofurliða, jafnvel þó að hann hafi valið
sór annað yrkisefni en þeir. Kvæðið »Batseba« er ólýginn vottur
um það. Það er ort undir sama bragarhætti og »Sakúntala« Drach-
manns, er að vísu um alt atinað efni, en ilmurinn af kvæði Drach-
manns hefir reynst höfundinum of áfengur. Kvæðið »Er árin fær-
ast yfir« má alls ekki heita frumorkt. Það er afbragðsvel gerð stæl-
ing á rússneskri þjóðvísu, sem Thor Lange hefir þýtt á dönsku.
Eg hef aðeins ætlað mór að benda á höfuðeinkenni þessa unga
skálds, og læt því það nægja, sem nú er sagt. Eg get ekki farið
að telja upp þau kvæði hans, sem mór þykja bezt eða verst, til
þess að gefa honum vitnisburði fyrir þau. Eg vil aðeins geta þess,
að þegar eg lokaði bók hans eftir að hafa lesið hana í fyrsta skifti,
vissi eg, að eg mundi eiga eftir að fletta oft blöðum í henni, enda
hefir sú orðið raunin á. Og flestar vonir munu mór bregðast, ef Da-
við Stefánsson á ekki enn þá margt ósagt og ósungið.
Árni Pálsson.
Tímarit Þjóðræbnisfélags íslands. I. ár. Winnipeg 1919.
Tímarit þetta er gleðilegur vottur um myndarskap hins ný-
stofnaða Þjóðræknisfólags. Því er auðsjáanlega ætlað að varpa ljósi
>til tveggja hliða, annnars vegar taka til meðferðar líf og sögu og
framtiðarmál íslendinga vestan hafs, og verður þvi ómissandi fyrir
þá sem hór heima fylgja þeim efnum með áhuga, hins vegar er
því ætlað að flytja fræðandi greinar um hag voru hór heima, en
auk þess vera fyrir bókmentir og fræðslu alment. Ritið fer vel af
stað, flytur bundið mál og óbundið eftir marga ritfærustu íslend-
inga sem vestan hafs búa, svo sem Stephan G. Stephansson, síra
Guttorm Guttormsson, Halldór Hermannsson, Þorstein Þ. Þor-
steinsson, Jón Jónsson frá Sleðbrjót, J. Magnús Bjarnason, síra
Rögnvald PéturBSon o. fl. o. fl. Ytri frágangur prýðilegur. Ritið
fæst í Bókav. Arsæls Árnasonar og kostar 6 kr.
G. F.