Valsblaðið - 01.05.1986, Side 5

HUGLEIÐINGAR
ÁTlMAMÓTUM
Skotinn Murdo Mcdougall heitinn heilsar formanni Vals Pétri Sveinbjamarsyni á góðri
stundu.
Á 75 ára afmæli knattspyrnufélagsins
Vals sendi ég Valsmönnum og velunn-
urum félagsins kveðju stjórnar Vals. Þetta
ár er ekki eingöngu afmælisár, heldur
markar það án efa tímamót í fram-
kvæmdasögu Vals. Valsmenn geta
jafnframt glaðst yfir góðum árangri í
íþróttum. í þremur vinsælustu íþrótta-
greinum landsins, knattspyrnu, hand-
knattleik og körfuknattleik getur ekkert
íþróttafélag státað af jafn sterkri stöðu og
Valur. Allir meistaraflokkar bæði í
kvenna- og karlaflokki léku í efstu deild í
sinni keppnisgrein. Vissulega megum við
ekki ofmetnast, en við eigum ekki að
gleyma því jákvæða. Bilið milli æðstu
sigurlauna er oft á tíðum mjótt, jafnvel
aðeins markamunur, eins og niðurstaðan
var á síðastliðnu Islandsmóti í knatt-
spyrnu.
Á síðasta aðalfundi Vals voru sam-
þykktar breytingar á lögum félagsins, sem
hafa það markmið að treysta innviði þess
og styrkja stjórnun. I fyrsta skipta í sögu
félagsins hefur verið ráðinn fram-
kvæmdastjóri í fullt starf og opnuð skrif-
stofa að Hlíðarenda. Nú er að mestu lokið
endursmíði og viðgerð elstu húsanna að
Hlíðarenda. Þessi hús, íbúðarhúsið og fé-
lagsheimilið, eru í senn andlit Hlíðarenda
og ,,sálin í Val”. Endursmíði húsanna er
Valsmönnum öllum fagnaðarefni, svo
margir Valsmenn eiga þaðan miklar og
góðar minningar.
Ég sagði í upphafi að Valur stæði á
tímamótum í framkvæmdasögu félagsins.
Aldrei hefur á jafn stuttum tíma verið í jafn
mikið ráðist. Þrjár stórframkvæmdir
standa yfir. Bygging nýs íþróttahúss,
bygging þjónustumiðstöðvar með félags-
heimili, verslun og heilsuræktarstöð og
bygging nýrra íþróttavalla. Það er eins
með framkvæmdir hjá Val og mörgum
öðrum félagssamtökum að framkvæmdir
sem þessar geta tekið langan tíma og
reyna oft á tíðum mikið á samtakamátt og
félagsanda. Þetta sannast best þegar litið
er yfir framkvæmdasögu Vals. Um tíu ár
liðu frá því að Valsmenn keyptu Hlíðar-
enda og þar til starfsemi hófst þar, og
íþróttahúsið var fimm ár í smíðum. Báðar
þessar framkvæmdir teljast til meiri háttar
afreka í félagslegu tilliti. Hugsjónir hinna
dugmiklu forystumanna Vals sem stóðu
að kaupum á Hlíðarenda og fyrstu fram-
kvæmdum, hafa verið að rætast, hver af
annarri og áfram skal haldið. Senn er
komið að því að Hlíðarendasvæðið verði
fullnýtt. Þegar eru hafnar umræður innan
Vals um framtíðarskipulag Hlíðarenda
með þeirri stækkun á landi sem Valsmenn
fengu loforð fyrir á 70 ára afmæli félags-
ins. I þessum efnum megum við Vals-
menn ekki gleyma þeirri miklu ábyrgð og
skyldum sem á okkar herðum hvfla, að
fegra og snyrta Hlíðarenda svo til fyrir-
myndar geti talist. Engin félagssamtök í
Reykjavík, höfuðborg landsins, eiga jafn
stórt land og Valur og það inni í miðri
borg. Með stækkun Hlíðarenda mun
staðurinn fá nýtt og enn þýðingarmeira
hlutverk sem íþrótta og félagsmiðstöð.
Það er von mín að innan Vals verði á
næstu misserum skapandi umræða um
framtíðarskipulag Hlíðarenda og strax að
vori verði hafist handa um myndarlegt
átak við fegrun og snyrtingu staðarins.
Valsmenn festu kaup á Hlíðarenda 1939
og innan fárra ára verða því fimmtíu ár
liðin frá því að stærsta heillaspor í sögu
félagsins var stigið. Þessara tímamóta
munu Valsmenn allir sameinast um að
minnast með veglegum hætti.
Pétur Sveinbjamarson
formaður Vals.
VALSBLAÐIÐ 5