Afturelding - 01.03.1967, Blaðsíða 31
Flugmaðurinn,
sem
bjargaðist
Sú athyglisverða frásaga, sem liér verður sögð,
stóð á áberandi stað í ameríska stórblaðimi „New
York Tribune“, fyrir nokkru síðan.
Frásagan er bæði svo stutt og athyglisverð, að
hún þreytir engan að lesa bana til enda.
Flugmaðurinn Clarence Sandford gengdi flug-
þjónustu í xjarlægri heimsálfu. Dag einn, er hann
var á flugi við skyldustörf sín, heyrði hann að
vélbilun var orðin í flugvélinni. Hann átti engan
annan kost, en að lenda á vatninu, sem liann var
að fljúga yfir, er bilunin varð. Flugvélin sökk
undir eins, svo að hann komst með naumindum
út úr henni. Þetta var allmikið vatn og langt til
strandarinnar. Flugmaðurinn tók nú að þreyta
sundið í lítilli von um það, að hann mundi ná
ströndinni.
Endanlcga náði hann þó til lands. Þá var hann
svo örþreyttur orðinn, að liann svimaði svo
mikið og gat ekki risið á fætur. Hann skreið að-
eins upp úr vatninu og óðar en varði féll svefn-
dvali yfir hann. Þegar hann vaknaði aftur, stóðu
tveir innfæddir yfir honum og beindu að honum
hvössu spjótinu, sem þeir höfðu handa á milli.
Á mjög lélegri ensku spurðu þeir:
— Ert þú Japani?
— Nei, svaraði flugmaðurinn.
í sömu andrá tók annar þeirra eftir því, að
ílugmaðurinn bar lítinn, blikandi gullkross á festi
um hálsinn.
Hinn innfæddi horfði með óttablandinni at-
hygli á krossinn og spurði:
— Ert þú Jesús?
— Já, ég er Jesú-maður, svaraði flugmaðurinn.
Þá brostu innfæddu mennirnir svo að dökk and-
lit þeirra ljómuðu, og þeir fóru að benda upp til
himins. Nú gengu þeir að flugmanninum, reistu
hann á fætur og leiddu hann svo af stað á milli
sín.
Þeir fóru yfir einn fjallstoppinn af öðrum, nið-
ur í dali, yfir ár og fljót, gegnum þykka skóga.
Þeir gengu í marga, marga daga og að endingu
réru þeir á litlum báti í marga daga.
Að síðustu komu þeir þar að, sem voru nokkur
hvítmáluð hús. Það var kristniboðsstöð.
Hér var tekið á móti flugmanninum. Trúboð-
arnir voru sannfærðir um að það var krossinn,
sem bjargaði lífi flugmannsins.
Jesús sagði rétt fyrir dauða sinn: „En er ég verð
hafinn frá jörðu mun ég draga alla til mín“ (Jóh.
12,32). — Sjá athygli litlu stúlkunnar á með-
fylgjandi mynd. Hvert horfir hún? Hvert horfir
þú, sem lest þessar línur?
31