Afturelding - 01.04.1976, Blaðsíða 3

KVEÐJA
FRÁ AKUREYRI
Davíðs sálmur, 124.
Þann 30. maí 1936 var Fíladelfíusöfnuðurinn
á Akureyri myndaður.
Stofnendur voru 11 talsins. Þrír þeirra eru á
lífi og búsettir á Akureyri. Nöfn þeirra eru:
Hólmfríður Guðmundsdóttir, og systurnar
Vigdís og Guðrún, Jónasdætur.
Fyrsti forstöðumaður safnaðarins var kjörinn,
Sigmund W. Jacobsen frá Noregi, mesti
ágætismaður, grandvar og traustur leiðari.
Söfnuðurinn hefur leitast við að varðveita og
boða hið heilnæma Orð Guðs. Drottinn hefur í
trúfesti sinni varðveitt og leitt söfnuðinn, þessi
fjörutíu ár, gegnum skin og skúr, meðlæti og
mótlæti.
Árið 1938 hóf ,,Barnablaðið” göngu sína, á
vegum safnaðarins hér, smávaxið í byrjun, en er
nú mjög útbreytt í dag, á vegum Fíladelfíufor-
lagsins x Reykjavík. Fyrstu árin rak söfnuðurinn
starfsemi sína í leiguhúsnæði, en á árinu 1951
eignaðist söfnuðurinn sitt eigið hús, Lundar-
götul2.
Annar forstöðumaður safnaðarins var Nils
Ramselius, sænskur maður, áður kirkjuhirðir,
merkur persónuleiki, góður fræðari, sterkur
safnaðarmaður. Hann vann að útgáfu nokkurra
bóka á vegum safnaðarins.
Þótt söfnuðurinn sé ekki margmennur í dag,
vill hann vera hlutverki sínu trúr, að varðveita
og boða Guðs ómengaða orð, vinna að sálna
frelsi — bæði í heimahögum og á kristniboðs-
akrinum 1 Swazilandi, þar sem söfnuðurinn
styrkir kristniboð. Einnig vill hann hlúa að
velferð æskunnar með sunnudagaskólastarfi. Það
sem söfnuðurinn gerir sér ljóst og biður um, er
ný Andans úthelling og sálna frelsi, og að
Drottinn gefí ungt fólk, sem vill heilshugar
þjóna Drottni og halda verki hans áfram, svo
framvindan í verki Drottins þróist eðlile^a um
land allt. Hið alhliða fagnaðarerindi Jesú Krists
er það eina, sem fullnægir þörfum nútíma-
mannsins í velferðarríki núrímans.
Orð Guðs — fagnaðarerindið, var, er og
verður, kraftur Guðs til hjálpræðis, hverjum
þeim sem trúir. (Róm. 1,16).
Jóhann Pálsson.
FíladelfíaAkureyn, vinahópurinn, gömul mynd.