Afturelding - 01.04.1976, Blaðsíða 6

SIGURÐUR
MINNINGARORÐ
Sigurður Lárusson var fæddur í Stykkishólmi
1. nóvember 1895. Hann andaðist að Elliheim-
ilinu Grund 1. marz 1976. Lifði hann því hér x
heimi 80 ár og 4 mánuðum betur.
Foreldrar Sigurðar voru hjónin Lárus Elíasson
ættaður frá ísaflrði og Kristín Guðmundsdóttir
ættuð frá Búðum. 5 urðu börn þerra hjóna og
var Sigurður yngstur og kveður hann síðastur
þetta líf, systkina sinna.
Sigurður var ekki gamall, þegar hann tók til
hendi og fór að vinna. Ungur er hann orðinn
sjómaður og var jafnvígur til sjós og lands,
öruggur og traustur. Eftir að Sigurður hætti
sjómennsku, þá vann hann margvísleg störf og
var um árabil starfsmaður Kaupfélags Stykkis-
hólms. Gengdi hann þar trúnaðarstarfi, áreið-
anlegur og heill, stundvís og trúr alla tíð.
3. apríl árið 1920 giftist Sigurður Elínu
Helgadóttur ættaðri af Snæfellsnesi. Um leið
gerðist hann stjúpfaðir Laufeyjar Samsonar-
dóttur og var gott með þeim Sigurði allt lífið,
sem Laufey þakkar nú við leiðarlok.
Hjónaband Sigurðar og Elínar stóð í 40 ár og
liðlega það. Elín andaðist 25. september 1960.
Syrgði Sigurður Elínu mjög og er ekki ofsagt að
hann hafi misst meira en helming af sjálfum sér
við brottför hennar af þessum heimi.
Alla þeirra hjónabandstíð stóð heimili þeirra í
Stykkishólmi og lengzt af í Brekkubæ. Drottinn
blessaði hjónaband þeirra með þrem börnum
sem hér eru talin í aldursröð. Friðrik Óskar,
vélsmiður giftur Unu Indriðadóttur. Eiga þau 5
börn. Sigríður Breiðfjörð gift Guðmundi Laxdal
Jóhannessyni. Eiga þau 8 börn. Yngstur er Jón
Hilberg giftur Emelíu Guðmundsdóttur. Eiga
þau 6 börn. Nú þegar Sigurður er allur þá var
hann afi 19 barna og langafi 11 barna. Ein
dótturdætranna Halldóra Gróa kom í afaheim-
LARUSSON
Sigurður Lárusson.
ilið tveggja ára og var þar til er hún giftist
Vilhjálmi Haraldssyni trésmið og búa þau hér í
Reykjavík.
Þegar Þórarinn heitinn Magnússon hóf
starfsemi Hvítasunnumanna í Stykkishólmi árið
1946, þá var Sigurður tíður samkomugestur og
einn af þeim fyrstu er tóku opinbera afstöðu
með málefninu. Hann gat það, því Sigurður
eignaðist bjargfasta trú á endurlauSn Jesú Krists.
Sigurði var trú sín ekkert blygðunarefni,
einlægur og opinskár játaði hann trú sína,
persónulega og á mannamótum. Hafði hann
skýra hugsun og góðan talanda. Sigurður var
meðlimur í söfnuði Hvítasunnumanna númer
172. Hann tók Biblílega skírn 28. maí 1949 í
Stykkishólmi.
Nú við kveðjustund Sigurðar, þá er góður
drengur kvaddur. Fyrst af börnum sínum og
hinum nánustu. Einnig af trúsystkinum, er
kveðja góðan og heiðvirðan bróður. Blessuð sé
minning hans.
EinarJ. Gíslason.
6