Afturelding - 01.04.1976, Blaðsíða 10
FRÁ
VETTVANGI STARFSINS
Eftir margar jólasamkomur, þar sem ekki
færri en 10 prédikarar komu fram og töluðu
Guðs orð í Fíladelfíusöfnuðinum í Reykjavík, þá,
hófst strax frá þrettánda, föstu og bænavika.
Almenn þátttaka var í bæna- og föstuvikunni.
Fjölmargir bættu við sig annarri og jafnvel
þriðju vikunni í föstu. Þarna er fólginn
leyndardómur, sem fleiri og fleiri læra að
höndla. Ekki er blöðum um það að fletta, hvíltk
blessum þarna er fólgin, fyrir þá sem ná þessu,
bæði fyrir einstaklinga og málefnið í heild.
14. febrúar komu til landsins Majken og
Stig Anthin og dvöldust hérlendis til 15. mars.
Lang mestan tíma þeirra dvöldu þau í
Reykjavík. Fóru norður til Akureyrar og Ólafs-
fjarðar, einnig austur fyrir fjall og héldu
samkomur í Kirkjulækjarkoti og Þykkvabæ. Alls
voru samkomur þeirra hjóna 40 talsins og hlutu
þeir blessun af, er nutu.
Þrátt fyrir verkföll og dýrtíð, þá hafa verið
teknar rismiklar fórnir til Kristinboðsins nú í
vetur. Kemur þar fram mikill kærleikur.
7. febrúar komu til landsins Audi og Frímann
Ásmundsson, kristniboðar frá Swazilandi.
Hafa þau ferðast viða um landið og eru þegar
þetta er skrifað á Hjalteyri. Blessun hefur fylgt
þessum elskulegu þjónum Drottins hvar sem
þau hafa komið. Hugsun þeirra beggja er
Swaziland aftur, seinnihluta ársins. Anna
Höskuldsdóttir hefur skrifað og lætur vel af sér
og starfi sínu þarna úti. Fær hún beztu meðmæli
samstarfssystkina sinna. Hefur hún staðið í
ströngu með mál innfæddra undanfarið, að
auki, sem hún hefur tekið þátt í starfinu.
Margt fleira er á dagskrá kristniboðsins og
vísast nánar til greinari blaðinu, frá kristniboðs-
ritaranum, Páli Lútherssyni.
HinnárlegiBiblíudagur bar að þessu sinni upp
á 22. febrúar. Aðalfundur féiagsins var haldinr.
í Hallgrímskirkju í Reykjavík í 161 sinn.
Fundurinn var fjölsóttur og fór vel fram. Einar
J. Gíslason forstöðumaður Fíladelfíu var endur-
kosinn í stjórn félagsins, til næstu tveggja áfa.
Kærleiksfórn til Biblíuféiagsins í Fíladelfíu í
Reykjavík nam 121 þús. Þegar minnst er á
Biblíufélagið, fer ekki hjá því að geta Ólafs
heitins Ólafssonar kristniboða, sem um mörg ár
sat í stjórn þess og var framkvæmdastjóri
félagsins árum samar.. Ferðaðist um og brýndi
menn og hvatti, eins og honum einum var
lagið, á sinn sérstaka hátt. Nú er Ólafur allur og
fór útför hans fram 6. apríl. Blessuð veri
minning hans.
Aðalfundur Fíladelfíusafnaðarins í Reykja-
vík var haldinn laugardaginn 6. marz.
Eru allir þakklátir þeim bræðrum er að
bókhaldinu hafa unnið og gert það framkvæm-
anlegt, að fundurinn gat haldizt á eðlilegum
tíma.
Ársvelta starfsins, þá er reiknað með öllum
sjóðum safnaðarins og blaða og bókaútgáfunn-
ar, ásamt Hlaðgerðarkoti og Kornmúla, varð
um 53 milljónir. Ekki eru allar þær tölur dýrtíð,
heldur bera þæmott um mikið starf, fórnfýsi og
trúmennsku.
Hvað yfírstandandi ár ber í skauti sínu, veit
enginn um, en mikil þörf er á að rifa ekki
seglin, heldur ef mögulegt er, að bæta við, svo
vífeðmi starfsins vaxi. Allir möguleikar eru á
því, ef mannskapur gefst, að halda tveim
stærstu tjöldum landsins úti á komandi sumri.
Bekkimirí nýja tjaldið eru komnir til landsins,
þegaf þetta er ritað. Liggur þar mikil vinna á
bak við og fjárútlát, sem þakka ber Georg
Jobansson í Gautaborg, öllum öðrum fremur.
10