Afturelding - 01.04.1976, Blaðsíða 11
Smyrnakórinn frá Gautaborg kom til Reykja-
víkur 31. marz og fór aftur 3. apríl. Þáttakendur
voru alls 93, þar af 80 söngmenn og
hlj óðfæraleikarar. Allur þessi stóri hópur gisti á
heimilum safnaðarmeðlima. Rúm gat verið fyrir
fleiri. Söfnuðinum berast miklar þakkir, fyrir
að hafa munað eftir Heb. 13.1. — Þarafleiðandi
hafa þeir er sýndu gestrisni, hýst engla.
Systrafélag Fíladelfíu, tók á móti gestunum
með smurðu brauði og tedrykkju, eftir að Páll
Axelsson og Kornelíus Traustason höfðu skilað
hópnum úr langferðabílum, sem keyrðu fólkinu
frá flugvelli og heim. Fyrsta samkoman hófst kl.
21.00 og þegar í stað merktu allir samkomugest-
ir, sem var fjöldi manns, að hér var óvanalegt á
ferð. Listrænt, þjálfað, þrauthugsað og upp-
lifað.
í þessum stóra hópi voru læknar, rektorar,
kennarar, lögreglumenn, húsmæður, nánast til
tekið fólk af öllum stéttum. Þar var Algot
Lotsson stýrimaður í sænska flotanum. En
honum kynntist ritstjórinn á Siglufirði 1947, er
hann þá fiskaði með ,,Dagný” frá Skárhamn 1
Svíþjóð. Þar sótti Lotsson, samkomur í öllum
landlegum og um helgi hverja, af mikilli
trúfesti. Nú var hann kominn hér með
Önnu-Lisu konu sinni, sem búin er að syngja í
Smyrnakórnum um mögr ár. Það voru fagnaðar-
fundir. I öllum tilfellum þurfti ekki einu sinni
30 ára kynningu, heldur voru hér ailir bræður
og systur við fyrstu sýn. Mjög fagurt veður var
fímmtudag 1. apríl. Eftir árdegisverð á heimil-
unum, var farið 1 sundlaugarnar í Laugardal.
Notuðu sér lang flestir gestanna, að fara í-
laugarnar. Nutu allir framúrskarandi viðtekta
hjá starfsfólki og Ragnari Steingrímssyni for-
stjóra. Eftir hádegisverð á heimilunum, þar sem
húsfeður og húsmæður sóttu gesti sína að
Hátúni 2, þá var haldið í Hallgrímskirkju og
klifrað í lyftum turnsins og útsýni borgarinnar
skoðað, þaðan. (Jr Hallgrímskirkjuturni, var
sezt í kirkju, þar sem séra Karl Sigurbjörnsson,
sagði sögu kirkjunnar, séra Hallgríms og að
nokkru sögu Biblíunnar. Organisti kirkjunnar
Páll Hallbjörnsson var prestinum til aðstoðar.
Síðan var haldið í Náttúrugripasafn Islands. Þar
vom skoðaðir, steinar frá tunglinu, Geirfugl m.
fleim.
Liðið var nú fram á dag og tíminn sem eftir
var til kvölds notaður til æfinga, fyrir kórinn.
Mikill fíöldi fólks sótti samkomuna um kvöldið
og gripu engir í tómt. Mikill vakningarandi
fylgdi vinum okkar og háþróaður og fallegur
söngur gladdi alla viðstadda.
Föstudagurinn 2. apríl, bauð upp á leiðinda
veður slyddubil og ófæra fjallvegi. Einmitt
þennan dag, átti að sýna gestunum Hlaðgerðar-
kot, Þingvöll, Gullfoss og Geysi. Aðstæður
leyfðu ekkert af þessu.
Breytt var því um ferðaleið, farið um Þrengsii
og skoðuð gróðurhús í Hveragerði. Heilsuhæli
N.F.L.Í. heimsótt, haldin þar söng-Guðsþjón-
usta og vom móttökur allar hinar innilegustu af
forráðamönnum og starfsfólki og vistfólki. Eftir
að þáður hafði verið beini, í ávöxtum var haldið
af stað, að Laugarvatni. Gekk ferðin vel eftir
aðstæðum og staðnæmzt var við dyr húsmæðra-
skóla Suðulands, þar sem þær Jensína Halldórs-
dóttir forstöðukona og Gerður Jóhannsdóttir
kennari halda um stjórnvölinn. Fíladelfíusöfn-
uðurinn í Reykjavík, bauð gestunum þarna til
miðdegisverðar, einvörðungu íslenskan mat,
sem veittur var af rausn og miklum gæðum.
Margt af því sem þar var á borðum höfðu
Svíarnir aldrei smakkað. Eftir þetta góða boð,
var haldin Guðsþjónusta og kórinn söng og
einsöngvararnir voru með, við mikla hrifningu
nemenda og starfsfólks. Veðrið lagaðist mikið,
er á daginn leið og var hægt að sjá nokkuð af
landi okkar, er farið var yfir. Heim var komið
klukkutíma fyrir samkomu og vom samkomu-
gestir þá þegar farnir að koma I kirkjuna, sem
svo var setin til þrengsla þetta síðasta kvöld
heimsóknarinnar.
Laugardagurinn var frí til hádegis og notuðu
menn tímann á ýmsan hátt. Eftir hádegið var
mætt við Hátún 2 og var haldið klukkutíma
kveðju-samkoma. Áfram vom bekkir vel setnir.
Stigið var beint í langferðabílana út úr
samkomunni og haldið til Keflavíkur. Stóð allt
heima, með ríma og mætingar. Það var glaður
hópur er hélt 1 Sv. átt eftir góða daga á íslandi,
sem allir óskuðu eftir að hefðu verið fleiri.
11