Afturelding - 01.04.1985, Blaðsíða 25

Matthías Ægissoii:
Um kærleikann hefur margt
verið skrifað og skrafað. Þeir sem
hafa notið hans við, vita hvers
virði hann er. Þeir sem ekki
þekkja kærleikann, vita ekki
hvers þeir fara á mis.
Biblían segir okkur að af trú,
von og kærleika, sé kærleikurinn
mestur. Öll vitum við hvers virði
vonin er. Hún gefur okkur til-
gang í lífinu, einhvern neista sem
nægir til að tendra lífsviljann í
okkur. Trúin er sömuleiðis
uppspretta allrar veru okkar. í
bréfi Páls postula til Rómverja
segir að hinn réttláti muni lifa
fyrir trú. Jesús sagði sjálfur: ,,Allt
sem þér biðjið í bœn yðar, mun-
uö þér öðlasl, ef þér trúið“
(Matteus21:21).
Við sjáum á þessu að það er
ekki svo lítið að trúa og vona. En
Matthías Ægisson er
blaðamaður við Aflur-
eldingu og Bamablaðið
og hefur gegnt því starfi
frá 1. júni 1981.
þó stenst þetta tvennt ekki sam-
anburð Biblíunnar við kærleik-
ann. Þegar Jesús var spurður
hvert væri hið æðsta boðorð í
lögmálinu, svaraði hann: „Elska
skalt þú Drottin, Guð þinn, af
öllu hjarta þínu ... og náunga
þinn eins og sjálfan þig.
„(Matteus 22:37,39.). Fyrsta
orðið í svari Jesú bendir á kær-
leikann og svo stendur skrifað:
„Á þessum tveimur boðorðum
hvilir allt lögmálið og spámenn-
irnir." Kærleikurinn er því einn
af máttarstólpum kristinnar
trúar og er ætlað að halda uppi
verki Guðs.
En hvernig starfar kærleikur-
inn?
„Kœrleikurinn er langlyndur,
hann er góðviljaður. Kœrleikur-
inn öfundar ekki. Kcerleikurinn
er ekki raupsamur, hreykir sér
ekki upp. Hann hegðar sér ekki
ósœmilega, leitar ekki síns eigin,
hann reiðist ekki, er ekki lang-
rcekinn. Hann gleðst ekki yfir
óréttvísinni, en samgleðst sann-
leikanum. Hann breiðir yfir allt,
trúir öllu, vonar allt, umber allt"
(l.Korintubréf 13:4-7).
Hann trúir öllu, vonar allt.
Hér er trúin og vonin afsprengi
kærleikans. Kærleikurinn trúir
öllu Orði Guðs og vonar á allt
það sem Guð hefur lofað.
Trú þín og von eru einskis nýt
án kærleika. En hafir þú þetta
þrennt, og sért klæddur brynju
trúar og kærleika og von hjálp-
ræðis sem hjálmi, getur þú geng-
ið til atlögu við óvinarins veldi
sem reynir að brjóta niður undir-
stöður trúar þinnar og rekið það
á flótta með sverði andans, sem
erOrðGuðs.
M.Æ.