Afturelding - 01.07.1985, Blaðsíða 30
Við systkinin ákváðum að
sækja kvöldmessu í All Souls
kirkjunni við Langham Place, en
það er við enda Regent Street,
norðan við Oxford Street. Þar eð
við höfðum rúman tíma fórum
við í St. Paul’s dómkirkjuna og
skoðuðum þessa stórkostlegu
byggingu. Það stóð yfir messa og
við nutum síðari hluta hennar. Á
leið okkar til All Souls gengum
við fram á útisamkomu Hjálp-
ræðishersins. Þar lék lúðrasveit,
sem eins og margar lúðrasveitir
Hersins var aiburða góð. Fjöldi
fólks vará þessari útisamkomu.
Við komum vel tímanlega til
All Souls kirkjunnar. Á auglýs-
ingaspjaldi á kirkjutröppunum
sáum við að kennimaðurinn og
rithöfundurinn John Stott var
ræðumaður kvöldsins. Eftir
hann hefur komið á íslensku
bókin „Sannleikurinn um
Krist“.
Við tryggðum okkur góð sæti
og sáum við það sama gerast og
um morguninn, fólk streymdi
að, alls konar fólk á öllum aldri.
Tíu mínútum áður en samkom-
an hæfist var allt orðið fullt. Nú
tók að streyma inn tónlistarfólk,
sem tók sér sæti fyrir framan
gráturnar, taldist okkur til að
þarna væru um sjötíu hljóðfæra-
leikarar og mynduðu þeir full-
komna hljómsveit. Að baki
hljóðfæraleikurunum stóð um
fimmtíu manna kór. Allt var
þetta ungt fólk, það elsta rúm-
lega þrítugt að sjá. Okkur var
sagt að langflestir stunduðu nám
við Konunglegu tónlistaraka-
demíuna og allir kristnir.
Hljómsveitin stillti hljóðfærin
og renndi síðan í gegnum smá-
kafla úr Pétri Gaut eftir Grieg,
áðuren messan hófst.
Sungnir voru nokkrir sálmar
við orgelundirleik og tók söfnuð-
urinn mikinn þátt í söngnum,
síðan tók hljómsveitin og kórinn
við og leiddi söfnuðinn í lofgjörð.
Fram streymdu gamalkunnir
sálmar og nýir lofgjörðarkórar í
hljómsveitarútsetningum og
margrödduðum söng. Hljóm-
sveitarstjórinn hvatti söfnuðinn
mjög til þátttöku í viðkvæðum
söngvanna og skilaði sú hvatning
góðum árangri. Kór og hljóm-
sveit All Souls kirkjunnar nýtur
mikillár viðurkenningar í Bret-
landi, gerðar hafa verið nokkrar
hljómplötur og stundum eru
haldnir hljómleikar utan kirkj-
unnar. I vetur héldu þau hljóm-
leika í Barbican menningarmið-
stöðunni að Margaret Thatcher
og fleira stórmenni viðstöddu.
Predíkun John Stott var kjarn-
mikil og hnitmiðuð, hann fjall-
aði um að vera kristinn í nútíma-
heimi.
Við komum heim á hótelið
rétt í tíma til að sjá fyrsta þáttinn
í nýrri þáttaröð á BBC 1, sem
fjallar um kristilega popptónlist.
Þættirnir heita „Rock Gospel
Show“ og er stjórnað af skosku
söngkonunni Sheilu Walsh. í
fyrra stjórnaði hún sambærileg-
um þáttum fyrir BBC og voru
þeir sendir út síðdegis á sunnu-
dögum, samtímis fótboltaleik
dagsins. Það vakti mikla furðu
að þættirSheilu höfðu mun fleiri
áhorfenduren fótboltinn. Því var
tekið til við að gera aðra þáttaröð
og er hún send út á besta útsend-
ingartíma, klukkan tíu á sunnu-
dagskvöldum.
Það má segja að þessi sunnu-
dagur hafi verið hlaðinn andleg-
um önnum hjá okkur. Það sem
ég hef lýst hér í fáum orðum er
hluti stærri sögu. í Bretlandi er
nú meiri trúaráhugi og almenn-
ari en um langt skeið. í kjölfar
vakningarferða Billy Grahams
og Luis Palau í sumar er leið,
hefur orðið vakning víða í land-
inu. Maður, sem á sæti í nefnd er
sér um að rækta samband við þá
er tóku afstöðu á samkomu Billy
Graham, sagði mér að nýverið
hefðu verið sendir út 132 þúsund
pakkar með kristilegu lesmáli til
nýgræðinga í trúnni. Þetta er
ávöxtur mikillar bænar og þrot-
lauss starfs. Mætti það verða
kristnum Islendingum til upp-
örvunarað láta ekki deigan síga í
trúarinnargóðu baráttu.
Guðni Einarsson
AFTURELD1NG Fh°"ynd Ég óska eftir aö gerast áskrifandi aö AFTURELDINGU
■ ■ I ■ W 11 Bi k WJI I ■■ MatthiasÆgisson
52.árgangur 3.tbl.l985
Útgefandi: Filadelfia — Forlag, Hátúni 2,105 Fteykjavik. Sími 91-20735/25155. Rltst|ór1 og ábyrgftarmaöur Einar J. N3Tn — ■
Póstnr. — Póststöö
Gísiason. Blaðamaftur Matthías Ægisson. Satning og prentun: Prentstofa G. Benediktssonar. Uppsagnir miöast viö áramót. Vinsamlegast tilkynniö breytingar á áskriftum og heimilisföngum til skrifstofunnar. Árgjaldiö er kr. 550.—
Fæöingard. Nafnnr.