Afturelding - 01.12.1985, Blaðsíða 22
Handleiðsla
og vernd
Við höfum verið starfsmenn
Fíladelfíu-Forlags um tveggja
ára bil. Störf okkar felast í því að
fara um með kristilegar bækur,
hljómplötur og blöð. Við trúum
að við séum að gera rétt og finn-
um til ábyrgðar vegna Krists.
Boðskapurinn um hann þarf að
komast inn á hvert heimili í
landinu.
Víðast hvar er okkur vel tekið.
Aðrir hafa minni skilning á
störfum okkar. Það skiptir þó
mestu að Jesús sagði lærisvein-
um sínum að fara út meðal
fólksins. Flann segir enn í dag:
„Farið og kristnið allar þjóðir og
gerið þá að lœrisveinumVið
höfum reynt að hlýða þessu
kalli.
í haust vorum við á Austfjörð-
um. Þegar við vorum á Seyðis-
firði var mikil úrkoma. Við
reynum að haga verki okkar
þannig að sinna þéttbýlinu á
kvöldin og fara í sveitirnar á dag-
inn. Þannig náum við flestum
viðskiptavinum okkar heima og
nýtum tímann. Nú var eftir að
fara á fimm sveitabæi, sem eru
út með firðinum norðan megin.
Lögðum við af stað í rigningunni
og tókum hvern bæinn á fætur
öðrum, þar til við komum að
næstysta bænum, Sunnuholti.
Þá kom til okkar að rétt væri að
láta hann bíða og fara fyrst að
ysta bænum, Selsstöðum. Þegar
við höfðum gegnt erindum okk-
ar þar héldum við til baka og nú
að Sunnuholti. Þessi óvenjulega
breyting gekk þvert á starfsvenj-
ur okkar og ekki nein sýnileg ytri
ástæða fyrir henni, nema eitt-
hvert hugboð. Þetta er í eina
skiptið á tveim árum, sem við
höfum breytt út af venjunni.
Þegar við komum að Sunnu-
holti tók Sigurður bóndi á móti
okkur með vinsemd og bauð
okkur inn. Þegar við höfðum
setið svolitla stund fóru hund-
arnir að gelta og létu illa. Bóndi
fór tvisvar út til að huga að
mannaferðum eða hverju því
sem olli hundgánni. Ekkert var
að sjá. Rétt á eftir rann tvö-
hundruð metra breið aurskriða
úr fjallinu og yfir veginn, sem
við höfðum nýfarið um. Við
Myrkrið slekkur ekki Ijósið, niða-
myrkur eykur birtu þess.
sáum í hendi okkar að ef við
hefðum haldið upptekinni
venju, þá hefðum við annað
hvort lent í skriðunni, eða lokast
inni á Selsstöðum. Við erum
þess fullviss að þarna fengum
við að reyna vernd Drottins og
handleiðslu. í 91. Davíðssálmi
stendur: „Þín vegna býður hann
út englum sínum til þess að gœta
þín á öllum vegum þínum".
Jesús er góður, honum getum
við treyst. Mennirnir bregðast,
en eitt er víst: Jesús bregst aldrei.
Þóra Björk og Lúðvík Einursson.
Tilfinningar geta ekki komið í stað
staðreynda og trúar.