Afturelding - 01.01.1986, Blaðsíða 13
að dreifa efni til kapalkerfa. ís-
lenska sjónvarpið hefur boðið
upp á þann möguleika að leigja
út dreifikerfi sjónvarps utan
sendingartíma, en ekki liggur
enn fyrir hversu kostnaðarsöm
sú dreifing verður.
En er þörf fyrir kristilegt sjón-
varp í Evrópu, eða er hér um
gæluverkefni „franlagjarnra sér-
trúarflokka“ að ræða, eins og
einn ágætur kennimaður kallaði
þessa þróun? Til að svara þessari
spurningu er ástæða til að skoða
hvernig málum er komið í
heimsálfu okkar, sem til skamms
tíma var vagga kristniboðsstarfs í
heiminum. Nú er svo komið að
um 250 000 meiriháttar bæir og
borgir í Evrópu hafa ekki neinn
boðbera lifandi kristindóms.
Víða er Biblíuþurrð og lítill
áhugi á kristnilífi. Heimshyggjan
veður yfir og í kjölfarið koma
alls konar trúarlegir loddarar
bjóðandi upp á ný sannindi, sem
oft reynast austurlensk trúar-
brögð í dulargervi eða hreint
bukl. Múhameðstrúarmenn sjá
tómarúmið í Evrópu og hafa gef-
ið stórar yfirlýsingar um land-
vinninga í álfunni. Búið er að
vígja moskur í Bretlandi, Sví-
þjóð og víðar.
Kristnir menn hafa vaknað til
ábyrgðar og vilja hamla gegn
þessari þróun. Þar kemur sjón-
varpið að miklum notum, það er
áhrifaríkur og útbreiddur ijöl-
miðill. Einnig er það staðreynd
að í sjónvarpsvæddum löndum
reynist sífellt erfiðara að ná fólki
saman í kirkjum og samkomu-
húsum. Greiðasta leiðin til
fólksins er um sjónvarpsskerm-
inn.
Sjónvarpstrúboð verður ekki
unnið með neinum teljandi
árangri, nema með jafnhliða sál-
gæslustarfi. Áhorfendum er boð-
ið að hafa samband við ákveðið
símanúmer, eða póstfang, hafi
þeir áhuga á nánari kynnuin af
kristindómnum. Vestanhafs hef-
ur þessi þjónusta verið mikið
notuð og margir kornist þannig í
samband við kristilegt starf. Ég
veit að þegar útsendingar hófust
í Danmörku hafði símakerfi
KKR/TV-Inter engan veginn
undan álaginu, svo mikið var
hringt. Þeir sem sinna sálgæsl-
unni eru venjulegt safnaðarfólk
sem á lifandi trú.
Þeirn lesendum sem hafa nán-
ari áhuga á að kynna sér þessi
mál og eða styrkja þetta starf er
velkomið að hafa samband við
skrifstofu Aftureldingar, sími
91 -20735/25155, Pósthólf 5135,
125 Reykjavík.