Afturelding - 01.12.1986, Side 10

Afturelding - 01.12.1986, Side 10
 A samkomu í Betel Fyrir tuttugu árum fóru Jökull Jakobsson rithöfund- ur og Baltasar Samper myndlistarmaður til Vest- mannaeyja og gerðu bókina „Suðaustan 14“. Meðal annars fóru beir i Betel og hittu á 40 ára afmælissam- komu safnaðarins, fer hér á eftir bókarkafli þar sem greint er frá Betelferðinni. í kvöld fór ég á samkomu í Betel. í staðinn fyrir Alec Guinness og Dirk Bogarde í einhverri sjóræningjamynd. Auðvitað fór tannlæknirinn með mér, við erum báðir leitandi sálir. Út um dyrnar hljómaði glaðlegur söngur, þetta var enginn þjóð- kirkjusönglandi: Ég þeirri stundu aldrei aldrei gleymi, er afbrot min og þrjósku fyrst ég sá. Hve angurvært var þá mitt þreytta hjarta! Hve þung var byrðin sem mér hvíldi á. Við læddumst inn á aftasta bekk og létum fara litið fyrir okkur. Þarna var sungið af hjartans lyst, þetta var aug- sýnilega fólk sem gladdist í guði en óttaðist hann ekki. Það kom í Ijós að hér var engin venjuleg samkoma á ferðinni. Betelsöfnuðurinn átti sumsé 40 ára afmæli, sá fyrsti sinnar tegundar á íslandi, stofnaður af tveimur Skandin- övum. Og þarna var kominn sjálfur æðsti prestur safnaðar- ins alla leið að sunnan með fríðu föruneyti, Ásmundur Ei- ríksson. Einar Gíslason er formaður safnaðarins hér i Eyjum, ég á eftir að segja fleira frá Einari, hann er sérstakur maöur og engum líkur. Hann er verkstjóri á dýpkunarskipinu og bauð okkur Baltasar i kaffi ofan i lúk- ar hér um sumarið, þá lá skipið i slipp og angaði af biki, þeir voru að gera það klárt. Og Ein- ar er ábyrgur fyrir öllum gúmmíbjörgunarbátum báta- flotans í Eyjum. Hann hefur verkstæði þar sem hann skoð- ar þá og mælir og sér um að þeir séu i lagi. Svo predíkar hann guðs orð og veitir söfn- uðinum forstöðu, hann er ekki hempuskrýddur preláti i for- gylltri dómkirkju, hann messar ekki yfir orðum prýddum höfð- ingjum og stássfrúm i minka- pelsi; kuflinn hans er sjóara- peysa og guðsorðið mengað seltu sjávarins og tjörunni úr slippnum, gamlar konur á peysufötum og filefldir sjó- menn með Bibliu milli hand- anna hlusta á útleggingar Ein- ars, þarna eru líka ungar mæð- ur með kornabörn. Kannski var þetta svona við Genesaretvatn i den-tið, áður en biskupar létu gera sér mitur og fóru að blessa atómbombur. Einar hallar sér makindalega fram á ræðupúltið sem merkt er Jesú Kristi og segir okkur frá upphafsárum safnaðarins. Hann minnist lika á mormón- ana sem á sínum tima varð mikið ágengt í Vestmannaeyj- um. Þá tóku trú allir helstu skipstjórar hér i plássinu og hreppstjórinn líka og þingmað- urinn. Það riðaði til falls.

x

Afturelding

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Afturelding
https://timarit.is/publication/406

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.