Rödd fólksins - Vestmannaeyjum - 29.01.1938, Blaðsíða 4

Rödd fólksins - Vestmannaeyjum - 29.01.1938, Blaðsíða 4
RÖDD FÖLKSINS „Oft má af máli þekkja..." Frh. af 3. síðu. en lætur hinar röngu og niðrandi tölur viðkomandi persónum A- listans haldast óleiðréttar. (Þó mátti háttv. greinarhöf. vera vel kunnugt um, að ísleifur Högna- son og Páll Þorbj arnarson skuld- uðu bænum í rauninni ekki græn- an eyri, og að min margumtal- aða persóna er þar í svipaðri inn- eign, sem skýrslan telur mig skulda, jafnvel þó að bærinn krefji mig um þessar 110 krón- ur, sem sagt er í skýrslunni að hafi verið afskrifaðar. Og svona mætti finna fleiri dæmi í garð okkar A-lista-manna). Þessa ramfölsku skýrslugerð sína lætur svo Guðl. Gíslason nú- verandi gjaldkera undirskrifa sem rétta í aðaldráttum. Birtir G. G. síðan þetta endemislega plagg og reynir að réttlæta það með órökstuddum ósannindavaðli um að við hefðum „byrjað" að bera út blekkjandi sögur um hina áminstu skýrslu núverandi bæj- argjaldkera. Það er mál manna, að þeim sé ekki grjótkastið holt, sem i gler- húsi búa. Um „privat"-mál hr. Guðl. mun eg þó ekki skeyta. En þar sem hann villi gerast stór- höggur i garð persóna á A-list- anum, finst mér ekki úr vegi, að drepa örlitið á sögu hans í bæj- armálunum, þó stutt sé. Hr. G. G. er sennilega sá mað- ur í þessum bæ, sem gegnt hefir flestum trúnaðarstörfum (þó ekki samtímis) 4 síðastl. ár. — Hann gerist, til að byrja með, vellaun- aður vökumaður bæjarkassans. Virtist honum brátt vakan sú leið og löng, enda gekk fé bæjarins fljótt til þurðar i nærvist hans. Arinbjörn Ólafsson gegndi þá enn starfi, sem hafnargj aldkeri í næsta herbergi, og hélst honum vel á fjármunum hafnarsjóðs. Guðlaugur óskaði þvi að komast að kassa Arinbjarnar. Gekk hon- um það að óskum. Er synd að segja, að mannaskiftunum hafi ekki fylgt greinileg straumhvörf í búskap hafnarsjóðs, því ekki leið á löngu þar til „kassinn" var tómur! Var nú ekki gott í efni, að finna hr. Guðlaugi eitthvert verkefni við hans hæfi. Atvikin komu þá til hjálpar. „Neytenda- félag" hafði verið stofnað, sem átti ungan sjóð. Þetta bar svo ein- staklega vel upp á sömu stundu sem hr. Guðlaugur var að enda við að veita hafnarsjóði nábjarg- irnar. Gaf hann því kost á sér í þriðja embættið, og vigðist í það, ef marka má sagnir ýmsra góðra íhaldsmanna, með mikillí viðhöfn, á 2 (ára gjiapidþrots-af- mæli hins sálaða félagsskapar „Kaupfélags Eyjabúa". Á skrifstofu hafnarsjóðs getur enn að líta yfirlætislitil bréfa- hrúgöld i skotum, skápum og körfum. Það eru óinnfærð fylgi- skjöl og verðmætir pappírar hafnarsjóðs, frá gjaldkeratíð hr. Guðlaugs Gíslasonar, sem eftir- maður hans hefir nú mánuðum saman eytt frístundum og yfir- vinnu í að gera hin nauðsynlegu skil, svo að þau ekki slæðist út af skrifstofunni með úrgangi. •— Þetta margra mánaða safn af ó- reiðuplöggum hafnarsjóðs eru hvorttveggja í senn: hin ólýgn- ustu minningar-spjöld um fráfar- inn gjaldkera og hin raunveru- legu verðbréf í sjálfum „fésýslu- manninum" á lista sjálfstæðis- manna, hinum fyrirhugaða bæj- arstjóra íhaldsins, Guðlaugi Gísla syni. Á skrifstofu bæjargjaldkerans lifir enn miningin um hr. G. G. þáverandi gjaldkera, sem lét sig ekki aðeins henda þá mannlegu yfirsjón, að tvíkrefja þegna bæj- arins um sama gjaldið, í stærri stíl en menn eiga að venjast þeg- ar um misgrip er að ræða, — heldur gerði sig kunnan að þeim fáheyrða ruddaskap, að synja gjaldendum um leiðréttingu, þó þéir gæ'tu lagt firam skjallegar sannanir fyrir skuldalúkningu við bæjarsjóð. Sigurbjörn Sigurbjörnsson, 2. maður B-listans, var t. d. tvíkraf- inn um sama gjaldið og látinn greiða af þessum ástæðum gjald að upphæð ca. 170 krónur, í bæj- arsjóð tvisvar sinnum. Sigurbjörn fékk ekki, að eigin sögn, nema skammir og svívirðingar hjá hr. Guðlaugi, þegar hann lagði fram kvittanir sínar og krafðist leið- réttingar. Loksins, þegar Sigur- jón hafði leitað fulltingis dóm- stólanna, mætti Guðl. fyrir rétt- inum með viðurkenningu núver- andi gjaldkera fyrir því, að hann væri búinn að skila í bæjarkass- ann hinum ranglega innheimtu peningum úr vasa Sigurjóns. — Má ýmum getum að því leiða, hvernig farið hefði fyrir hinum slysna féhirði ihaldsins í þessu máli, ef Jónasi hefði ekki gefist tími til að hvísla í eyra Sigurjóns í tæka tíð, leyndarmálinu um B- listann. Að eg hefi dvalið nokkuð við hr. G. G., er ekki aðeins vegna hinnar stuttu en athyglisverðu sögu hans í bæjarmálunum, held- ur einnig sakir þess, að hann og tveir fyrnefndir „sjálfstæðis"- menn eru fulltrúar fyrir ný straumhvörf i stefnu og starfs- aðferðum foringjaliðs sjálfstæðis- flokksins. Þessir menn eiga ekk- ert skylt við hina fornu, lýðræðis- sinnuðu sjálfstæðismenn, sem við kommúnistar getum vel hugsað okkur samstarf við, í ýmsum vel- ferðarmálum bæjar og þjóðar. Þessir menn eru fulltrúar þeirr- ar stefnu, að útrýma pólitískum andstæðingum sem mönnum, — andstæðingar lýðræðisins og merkisbarar ofbeldisins, á sama tíma sem þeir eru áköfustu verj- endur bæjarmálaóreiðunnar. Þeir eru fulltrúar fasismans í for- ingjaliði sjálfstæðisflokksins. Þessir menn eru þegar farnir að temja sér áróðursaðferðir er- lendra fasista. Þeir berjast und- dr herópínu: „Grípið þjófinn!" — á meðan þeir láta greipar sópa um „eigindóm" náunga síns, mannorð hans. — Þeir flagga sinni eigin mynd framan í kjós- endur og segja þeim, að hún sé af pólitískum mótherjum sínum. — Með þessari aðferð — og að- stoð B-listans — ætla þeir að æra kjósendur til fylgis við sig 30. þ. m. — og viðhalda svo óreiðunni og bæjarnxálaspillingunni með grímulausu ofbeldi næstu i árin. Vinstrimenn, alþýðukjósendur og heiðarlegij- sjálfstæðisunn- endur! Látið ekki hin viltu öskur ó- reiðumanna og ofbeldissinna glepja dómgreind ykkar. Varist ennfremur listastafi þeirra B-ið og C-ið. Láfið rólega yfirvegun ykkar sjálfra ráða dómsúrskurði ykk- ar 30. n.k. — þá er kosninga- sigur ykkar vís. Ve. 21. jan. 1938. Jón Rafnsson. Hvers á æskan að gjalda? Frh. af 3. síðu. reyna að hafa áhrif á slíkt, þó hann stoppi hér í Eyjum örlítið lengur en þegar kría sest á stein. 1 áður umgetinni grein segist J. J. hafa „hreyft því við marga menn" í Vestmannaeyjum, að Breiðablik yrði keypt fyrir skól- ann, og telur upp hverjir kostir séu við það. T. d. stendur húsið, segir hann, „á fallegum stað í bænum", og hann tínir til að iþróttaskilyrði séu góð umhverfis húsið o. s. frv. Þannig lítur þá húsið og umhverfið út frá sjónar- miði aðkomumanns, sem virðist eineygður stara á það, sem honum hefir fyrst dottið í hug. Öllum ber saman um það, að brýna nauðsyn beri til að fa hús undir Gagnfræðaskólann. Og það er ekki einungis þess skóla vegna, sem við þurfum að fá slíkt hús. Nei, hér er um gersamlega van- bugsaða uppástungu að ræða, og því til sönnunar vil eg færa fram eftirfarandi staðreyndir: 1. Húsið Breiðablik, sem J. J. vill gera að aðalmenntasetri Vest- mannaeyja er um 30 ára gamalt timburhús, óheppilegt og kalt. 2. Með því að byggja nýtt Gagn- fræðaskólabús, svo stórt, að það megi a. m. k. leigja 1—2 skóla- stofur fyrir aðra skóla og nám- skeið, og svo stórt að það megi liafa rúm fyrir húsmæðraskóla, ásamt húsnæði til verklegrar kenslu á neðstu hæð, verða stór- kostlega auknir menntunarmögu- leikar æskunnar i bænum, jafn- framt því, sem það skapaT aukna atvinnu fyrir hinn vinnuþurfandi verkalýð og iðnaðarmennina í bænum. 3. Skilyrði til iþróttaiðkana og fegurð umhverfisins er ekki minní þar sem byggingunni er ætlað pláss, heldur meiri en við Breiða- blik. 4. Með þvi að kaupa Breiðablik, sem framtíðar skólahús er verið að gera tilraun til þess að kæfa menningarþrá æskunnar í Eyjum. Og þannig litur þá málið út frá sjónarmiði þess, sem kunnugur er. — Við bæj arstj órnarkosningarnar 30. þ. m. þarf æskan að muna eftir því, að skilyrðið fyrir því, að reist verði hér nýtt og voldugt Gagnfræðaskólahús, og þar með tryggð aukin og vaxandi menning bæjarbúa, ev það, að minnst 5 vinstri menn verði kosnir i bæjar- stjórn. Jónas St. Lúðvíksson. Brunabótafélag íslands. Aðalskrifstofa Hverfisgötu 10 — Reykjavík. Umboðsmenn i öllum hreppum, kauptúnum og kaupstöðum. Lausafjárvátryggingar (nema verzlunarvörur). Hvergi hagkvæmari. Best ú vátryggja laust og fast á sama stað. l'pplýsingar og eyðublöð á aðal- skrifstofunni og hjá umboðs- mönnum. • • MANAVORUR MANAKÓM mánaskógljái MÁNAS4PÁ eru vörur, sem ekki má vanta í þær verslanir, sem láta sér ant um hagsmuni viðskiftamanna sinna. Auglýsing Kosning í bæ.jarstjórn Vestmannaeyja fer fram sunudaginn 30. jan. næstkomandi og hefst kl. 10 f. h. Kosið verður í 2 kjördeildum: A—J i húsi K. F. U. M.— K.-Ö. í Breiðabliki. Upplestur atkvæða fer fram í sam- komuhúsi Vestmannaeyja að lojíinni kosningu. Yfirkjörstjórnin.

x

Rödd fólksins - Vestmannaeyjum

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Rödd fólksins - Vestmannaeyjum
https://timarit.is/publication/409

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.