Alþýðublað Hafnarfjarðar - 29.05.1956, Blaðsíða 4

4
ALÞÝÐUBLAÐ HAFNARFJARÐAR
Hverjum ber að þakka?
MINNING
Sósíalistar geta ekki hælt sér af öðru í fiskiðjuvers-
máliriu en því að hafa stutt Alþýðuflokkinn með at-
kvæði sínu í útgerðarráði og bæjarstjórn til þess að
koma málinu þar fram.
Sjálfstæðismenn töfðu fyrir málinu og spilltu því
eftir mætti. Var það þó miklu meira utan bæjarstjórn-
ar en innan.
I síðustu bæjarstjórnarkosn-
ingum skorti Alþýðuflokkinn
hér í bæ örfá atkvæði til þess að
fá finnn menn kosna. Hann átti
því ekki nema fjóra fulltrúa í
bæjarstjórn og gat ekki myndað
þar meiri hluta einn saman.
Fyrir kosningar hafði Alþýðu-
flokkurinn að vanda lagt fram
skýra stefnuskrá, þar sem tekið
var fram, hvað flokkurinn teldi
að gera þyrfti og hvað þá ætti
að ganga fyrir. Eitt af því, sem
þar var lögð áherzla á, var bygg-
ing fiskiðjuvers á vegum Bæjar-
útgerðarinnar.
Eftir kosningarnar gerðu Al-
þýðuflokkurinn og Sósíalista-
flokkurinn með sér samkomu-
lag um að mynda sameiginleg-
an meirihluta í bæjarstjórninni
til þess að framkvæma stefnu-
skrá þá, sem Alþýðuflokkurinn
hafði Iagt fram fyrir kosning-
arnar. Um það var enginn á-
greiningur milli flokkanna. —
Eitt af því, sem framkvæma
skyldi, var vitanlega bygging
fiskiðjuversins.
Það mál kom oftar en einu
sinni til umræðu í útgerðarráði
og bæjarstjórn. Meirihlutaflokk-
arnir stóðu saman um alla af-
greiðslu þess, en Sjálfstæðis-
flokkurinn tafði málið og spillti
fyrir því eftir mætti. Vann hann
þó miklu meiri skemmdarverk á
því sviði utan bæjarstjórnar en
innan.
Marga örðugleika þurfti að
yfirvinna áður en unnt væri að
hefja byggingu fiskiðjuversins.
Erfitt reyndist að útvega nægi-
legt fjármagn. Sjálfstæðisflokk-
urinn í landinu var voldugur og
notaði vald sitt í peningamálum
þjóðarinnar til þess að ónýta
hverja viðleitni bæjarstjórnar-
meirihlutans að fá lán. Loks gat
þó Alþýðuflokkurinn leyst þann
vanda með aðstoð manna úr
Framsóknarflokknum.
Það er óneitanlega hart und-
ir því að búa, að lánveitingar
til stofnana eða einstaklinga
skuli vera komnar undir flokks-
pólitík. En margir menn munu
hafa þá sögu að segja af eigin
reynd, að oft hefur það verið
háð pólitískri aðstöðu lánbeið-
andans, hvort hann hefur feng-
ið lán eða ekki. Af þessum á-
stæðum — eins og mörgum
öðrum — er alþýðu landsins
brýn nauðsyn að standa sem
fastast um flokks sinn, Alþýðu-
flokkinn, til þess að hnekkja of-
urvaldi Sjálfstæðisflokksins yf-
ir peningamálum þjóðarinnar.
Þegar svo var komið, að fé var
fengið til fiskiðjuversbyggingar
og fyrirsjáanlegt þótti, að húsið
mundi komast upp þrátt fyrir
alla örðugleika, — öllum þorra
bæjarbúa til mikillar gleði, —
þá fóru forustumenn Sósíalista-
flokksins að verða hræddir um,
að Alþýðuflokkurinn fengi
sóma af málinu. Fóru þeir þá
að hugsa um, hvemig þeir gætu
notað þetta mál flokki sínum
sem bezt til framdráttar. Þeir
tóku það til ráðs að reyna að
eigna sér allar framkvæmdir í
fiskiðjuversmálinu. Um hitt var
örlítill ágreiningur milli þeirra,
hvort Kristján Andrésson ætti
allar þakkirnar einn eða hvort
Geir Gunnarsson ætti eitthvað
af þeim líka.
Þessum áróðri læddu Sósíalist-
ar út í viðtölum við menn, og
viðtölin voru ekki spöruð. Þeir
vissu með sjálfum sér, að í raun
og sannleika gátu þeir ekki hælt
sér að öðru í fiskiðjuversmálinu
en því að hafa stutt Alþýðuflokk-
inn með atkvæði sínu í útgerðar-
ráði og bæjarstjórn til þess að
koma málinu þar fram, og er
það auðvitað góðra gjalda vert
í samanburði við afskipti Sjálf-
stæðisflokksins. Minnimáttar-
kennd Sósíalista út af þessu máli
varð nú svo sár, að löngunin ti!
að krækja sér í óverðskuldað
hrós og álit bar drengskapar-
skylduna gagnvart samstarfs-
flokknum í bæjarstjórninni al-
gerlega ofurliða.
Alþýðublað Hafnarfjarðar ætl-
aði sér að forðast í lengstu lög
að lenda í deilum við Sósíalista
flokkinn út af bæjarmálum í
þessum alþingiskosningum. —
Blaðið telur, að þ ær umræður
eigi að bíða næstu bæjarstjórn-
arkosninga. Þá verður ef til vill
hægt að segja sitt af hverju við
Sósíalista. Þá verður kannske
sagt berum orðum og sýnt með
dæmum, hvað það raunverulega
er, sem Sósíalistaflokkurinn hef-
ur lagt mesta áherzlu á í sam-
starfinu í bæjarstjórn. En við
þessar kosningar verður það ekki
gert hér í blaðinu, ef hægt er að
komast hjá því.
Af þessum ástæðum hefur Al-
þýðublað Hafnarfjarðar látið róg
Sósíalista um Alþýðuflokkinn og
fiskiðjuverið liggja í þagnargildi,
þótt hann færi vaxandi með degi
hverjum og jafnvel menn í trún-
aðarstöðum hjá bænum tækju
þátt í lionum. En þegar Kristján |
Andrésson bæjarfulltrúi tekur
sig til og skrifar grein um sama
efni í Þjóðviljann (23. maí), verð-
(Framliáld á bls. 3)
Magnús
verkstjóri
Einn af eldri borgurum þessa
bæjar, Magnús Jóhannesson verk
stjóri, var til moldar borinn laug-
ardaginn 26. þ. m.
Þó að Magnús heitinn væri
ekki innborinn Hafnfirðingur, þá
lifði hann og starfaði svo lengi
og vel hér í bæ að hans mun
jafnan minnst sem eins þeirra.
Sjómennsku stundaði Magnús
árin 1903—8, en síðan var hann
verkstjóri hjá Ágúst Flygenring.
W. Hadden og síðast hjá Akur-
gerði, allt til ársins 1932.
Hann var stofnandi skipstjóra-
og stýrimannafélagsins Kára og
heiðursfélagi þess félags.
Töluverð afskipti hafði
Magnús af verkalýðssamtökun-
um og var formaður V.m.f. Hlíf-
ar um skeið. Var hann kjörinn
í bæjarstjórn árið 1914 fyrir at-
beina félagsins, en þá var hann
formaður þess. Bæjarfulltrúi var
Magnús heitinn í sex ár og starf-
aði þar í ýmsum nefndum.
Auk þessa starfaði Magnús
heitinn Jóhannesson mikið í Góð
templarareglunni.
Kona Magnúsar var Jóhamri
Bersteinsdóttir. Þau eignuðust
sjö börn, og eru fimm þeirra á
lífi. Oll eru þau myndarlegt
merkisfólk eins og foreldrar
þeirra. Þrjú þeirra eru búsett hér
í bæ: synirnir Nikulás og Sigfús
og ein dætranna, Ingibjörg kona
Guðmundar V. Einarssonar. Hin
ar dæturnar eru báðar búsettar
í Reykjavík: Magnea gift Jóni
Sveinssyni og Ester gift Kristni
Sigurðssyni.
Það er gott bæði fyrir bæjár-
félagið og einstaklinga að eiga
slíka samferðamenn og Magnús
heitinn Jóhannesson var. Þar eru
öðrum gefin góð fordæmi og ívr-
irmyndir, sem allir verða menn
að meiri við að keppa að og
breyta eftir. — Kunningi.
Frá Hraunprýði
Slysavarnadeild kvenna í
Hafnarfirði, Hraunprýði, hefur
beðið blaðið að færa bæjarbúum
alúðarfyllstu þakkir fyrir fram-
lag sitt til deildarinnar 16. þ. m.,
en þann dag hafði deildin sinn
árlega fjársöfnunar- og merkja-
söludag.
Alls söfnuðust tæpar 40 þús.
kr. og var allt gefið, sém fram
var lagt, nema auglýsingar og
rjómi.
Hinn 21. þ. m. afhenti deildin
kr. 5 þús. að gjöf til endurbóta
á skýli því, sem björgunarbátur-
inn Gísli J. Johnsen er geymdur
í, í Örfirisey.
Deildin beitir sér nú fyrir því,
að haldið verði upp á sjómanna-
daginn, hér í bæ, á svipaðan hátt
og síðastliðið ár og væntir þess
að sjómenn leggi sig nú alla fram
um, að gera daginn sem hátíð-
legastan, með því að taka þátt í
íþróttum dagsins, einkum þó'
sundinu.
Sjómannadagurinn er að þessu
sinni 3. júní.
10 börn í sumardvöl
Svo sem kunnugt er hefur
kvenfélagið Hringurinn á und-
anförnum árum kostað sumar-
dvöl margra barna í sveit. —
Hefur starfsemi þessi einkum
farið fram í héraðsskólum úti um
land í samstarfi við Rauða kross-
inn. En þar sem að þessu sinni
hefur ekki tekizt að útvega nægi-
lega marga skóla í þessu augna-
miði, hefur Hringurinn ákveðið
að kosta dvöl 10 barna á sveita-
heimilum í sumar, ef mæður
þeirra geta sjálfar útvegað þeim
dvalarstað.
Allar nánari upplýsingar gef-
ur frá Helga Níelsdóttir, Strand-
götu 30.
/ Kinnunum hefur ristö upp heilt smáíbuðarhverfi. Hefur fólk sýnt mikinn dugnað við byggingu
ihuða sinna, þo að erfiðleikarnir hafi verið míklir.
......................................................................
| Kosningaskrifstofa |
Alþýðuflokksins er í Alþýðuhúsinu
Opin alla daga frá kl. 10 f. h. til kl. 10 e. h.
Kjörskrá liggur frammi. — Athugið að kærufrestur er úti §
| 3. júní. |
Allt stuðningsfólk Emils Jónssonar er vinsamlega beðið 1
í að hafa samband við skrifstofuna og gefa henni allar upp- I
§ lýsingar um kjósendur er verða fjarverandi úr bænum á §
| kjördegi. §
I Símar skrifstofunnar eru 9985-9499 I
nillllllllllllllllllllllllllliiiiiiiiiiiiiniiiiiuiiiiiiiiiin,,,||,|„||||||||||U||||||||||||||||||||||||||||||||||||||||„||,|I„