Alþýðublað Hafnarfjarðar - 23.06.1956, Síða 3

ALÞÝÐUBLAÐ HAFNARFJARÐAR
3
Sköpum ný viðhorf
íslenzkt stjórnmálalíí er sýkt af illum áhrifum auðhyggju-
valds Sjálfstæðisflokksins og skaðræðisstefnu kommúnista. Þær
þjóðir, sem okkur eru skyldastar að menningu hafa valið leið-
sögn jafnaðarmanna og frjálslyndra umbótamanna, en hafnað
Öfgum íhalds og kommúnisma. Hvergi í heiminum eru heilbrigð-
ari stjórnarhættir en einmitt hjá þeim þjóðum.
Hvers vegna getum við íslendingar ekki fylgt fordæmi
frænda vorra á Norðurlöndum? Sýnum þroska okkar, Hafnfirð-
ingar, og gerum sigur umbótaaflanna hér í bæ stóran og eftir-
minnilegan. Það er sómi okkar. Sköpum ný viðhorf í íslenzkum
stjórnmálum með því að ná sterkum meirihluta umbótamanna
á Alþingi og útiloka meinsemd íhalds og kommúnisma úr þjóð-
lífinu. Fram til sigurs, hafnfirskir umbótamenn.
Minnstu launa Flygenrings
Við kjörborðið greiða Hafnfirðingar Ingólfi Flygenring þau
laun, sem hann hefur til unnið með sínum óþurftarverkum við
hafnfirzka alþýðu, dugleysið í málefnum bæjarins og aðfarir
hans að eignum bæjarbúa í Lýsi og Mjöl h.f. Látum sérhags-
munastefnu hans bíða eftirminnilegan ósigur. Hin verðskulduðu
laun Flygenrings eru þau að enginn okkar gefur honum atkvæði
sitt. Ingólfur Flygenring hefur svo sannarlega til þess unnið að
kolfalla í kosningunum, og að því vinnum við öll með öflugu
starfi fyrir frambjóðanda umbótaaflanna, Emil Jónsson. Sigur
Emils er sigur hinna réttsýnu kjósenda.
Sigur Emils er sigur þinn, heilsteypti íhaldsandstæðingur.
Ónýttu ekki atkvæði þitt
með því að kjósa Geir
Samkvæmt ræðum og skrifum forystumanna Alþýðubanda-
lagsins er ógerlegt að vinna með bandalagi Alþýðuflokksins og
Framsóknarflokksins sökum „íhaldssemi þess og fjandskapar
við verkalýðinn”. Ganga verður út frá, að hið sama finnist þess-
um foringjum þó ekki síður um Sjálfstæðið, enda þótt þeir hafi
næsta fá orð nú um slíkt.
En þá liggur auðvitað ljóst fyrir spurningin: Með hverjum
ætla þingmenn Alþýðubandalagsins að vinna á Alþingi eftir
kosningar?
Ekki með „Hræðslubandalaginu", það er samsafn „vondra
manna".
Ekki íhaldinu (eða hvað?) Slíkt hæf ði varla „verkalýðsf lokki".
Vér sjáum _ ekki annað en þeir þingmenn sem Alþýðu-
bandalagið væntanlega fær í komandi kosningum, séu fyrirfram
dæmdir til einangrunar og áhrifaleysis á þingi, segjandi óvinn-
andi með öllum öðrum flokkum.
Hvaða kjósandi vill sóa á þennan hátt atkvæði sínu?
319 atkvæði, sem greidd voru kommúnistum hér í bæ í síð-
ustu þingkosningum féllu dauð og ómerk. Vinstri menn, sem þá
kusu kommúnista, hjálpuðu Ingólfi Flygenring til að ná kosn-
ingu. Hvaða einlægur verkalýðssinni og íhaldsandstæðingur vill
endurtaka þá smán að láta þingmann Hafnfirðinga aftur verða
íhaldsmann? Munið þá staðreynd, að atkvæði greidd Geir Gunn-
arssyni koma engum að notum nema Flygenring, þar sem Geir
er vitavonlaus með uppbótarsæti. Þess vegna ber öllum sönnum
íhaldsandstæðingum hér í bæ að sameinast um Emil Jónsson,
ella gera þeir atkvæði sitt áhrifalaust í baráttunni gegn íhaldinu.
Ávnrp
til hafnfirzkra kjósenda
Senn líður að kosningunum. Átökin milli stjórnmálaflokk-
anna hafa harðnað dag frá degi. Bandalag Alþýðuflokksins og
Framsóknarflokksins gengur gunnreift og sigurvisst til leiks og
væntir góðs árangurs, er atkvæði verða talin. En til þess að árang-
urinn megi verða sem mestur og beztur, þurfa allir félagar flokk-
anna og velunnarar, konur og karlar, ungir og gamlir, að leggja
hönd á plóginn og taka virkan þátt í kosningunum.
Bandalag Alþýðu- og Framsóknarflokksins byggir starfsemi
sína á fólkinu, hinni vinnandi og stríðandi alþýðu til sjávar og
sveita, verkamönnum, sjómönnum, launþegum, bændum og
smærri atvinnurekendum. Þess vegna er allt undir því komið,
að hver einn og einasti félagi flokkanna og unnandi bandalags
Alþýðu- og Framsóknarflokksins gangi óhikað til leiks og gerist
þegar virkur þátttakandi.
Stuðningsmenn bandalags Alþýðu- og Framsóknarflokksins
geta miklu áorkað með því að leiða fólki fyrir sjónir, hve þýðing-
armikið sé að allir leggist nú á eitt. Þannig geta allir velunnarar
kosningabandalagsins hvar sem þeir standa í röðum, orðið virkir
þátttakendur í baráttunni og unnið að sigri bandalagsins.
Það er engum efa undirorpið að íslenzk alþýða á mikið í húfi
um þessar mundir. Henni ríður á þjóðlegum, sívakandi og öfl-
ugum samtökum, sem sífellt eru á verði um hagsmuni hennar
og lífsafkomu. Enginn getur skapað slík samtök nema fólkið
sjálft, enginn annar elft það, markað stefnu þess og baráttu í
framtíðinni, nema endurnærð réttlætiskennd hins vinnandi fólks
í bæjum og sveitum landsins.
Vandamál þjóðarinnar eftir þessar kosningar verða mörg
og viðsjárverð. Bandalag Alþýðu- og Framsóknarflokksins hef-
ur markað stefnu sína í þessum efnum.
Bandalag Alþýðu- og Framsóknarflokksins getur aldrei, má
aldrei og mun aldrei miða stefnu sína í nokkru máli við annað
en batnandi lífskjör alls almennings í landinu og aukna menn-
ingu fólksins Þetta er bandalag hins vinnandi hluta þjóðarinnar.
Stjórnarstefnan á undanförnum árum hefur verið mjög til
óheilla fyrir alþýðu manna. Það er því lífsnauðsyn, að vinnandi
fólk fái aukinn íhlutunarrétt í stjórn landsins að afstöðnum þess-
um kosningum, sem nú fara í hönd. Eina leiðin til þess er að efla
bandalag Alþýðu- og Framsóknarflokksins. Því fleiri þingsæti,
sem bandalag þetta hlýtur, því meira mun málefna þess gæta
með þjóðinni á næsta kjörtímabili. Þess vegna ríður á, að banda-
lagið íái hvert eitt og einasta atkvæði, sem það hefur nokkurn
möguleika á að tá. Atkvæðin koma alltaf að fullu gagni í hvaða
kjördæmi sem þau eru greidd. Jafnvel eitt, eitt einasta atkvæði
getur skoríð út um það, hvort bandalag Alþýðu- og Framsóknar-
flokksins fær þingsætinu fleira eða færra. Það er því ástæða til
að endurtaka: Bandalagi Alþýðu- og Framsóknarflokksins ríður
á þátttöku allra velunnara þess í kosningabaráttunni.
Bandalag þessara flokka hefur mikla sigurmöguleika í þess-
um kosningum. Fólkið tók því vel, er bjartsýnt og hugsar gott til
úrslitanna. Þessi bjartsýni á að setja sinn svip á vinnubrögð
flokksmanna í kosningunum. Verið bjartsýn og gunnreif, þó
vinnst fólkið til fylgis við málstað bandalagsins. Fólkið sækir
þangað, sem sigurvissan er.
Hafnfirzkt umbótafólk!
Störfin á kjördag geta ráðið úrslitum kosninganna. Mætið
öll til starfa og vinnum af heilum hug fyrir málstað fólksins til
glæsilegs sigur.
Kjósið heilbrigðara og réttlátara þjóðfélag
Kjósið umbótaöflin. — X Emil Jónsson