Alþýðublað Hafnarfjarðar - 01.12.1981, Blaðsíða 1

Alþýðublað Hafnarfjarðar - 01.12.1981, Blaðsíða 1
A Iþýðublað Hafnarfiarðar 2.tbl. XL. árgangur Málgagn jafnaðarstejhunnar Desember 1981 Bæjarfulltrúar Alþýðuflokksins flytja tillögu að stefnumótun í heilsugæslumálum Hafnfirðinga Bæjarstjórnarmeirihlutinn hefur flotið sofandi ad feigðarósi í þessum málum Margir Hafnfirðingar hafa haft miklar áhyggjur af heilsugæslu- málum Hafnarfjarðar og því meiri sem þeir hafa þekkt betur til. Lengi var talað um að byggja upp myndarlega heilsugæslustöð á Sólvangi og nefnd sett til að undir- búa þá byggingu. Snemma á þessu ári lágu fyrir teikningar af stórri og mikilli byggingu á Sólvangi sem átti að þjóna Hafnarfirði sem heilsu- gæslustöð. Þessar teikningar voru þó fljót- lega lagðar til hliðar af bæjaryfir- völdum, þar sem sýnilegt þótti að bæjarfélagið réði ekki við að fjár- magna svo stóra byggingu. Að vísu á ríkið að greiða 85% kostnaðar við byggingu heilsugæslustöðva, en reynslan út um land allt sýnir að seint gengur að fá hlut ríkisins greiddan og mörg sveitarfélög stynja undan skuldum og vaxta- súpu, sem þau verða að standa undir, þar sem ríkið hefur ekki greitt sinn hlut. Jafnframt því sem teikningarnar voru lagðar til hliðar var upplýst að Sparisjóður Hafnarfjarðar vildi ekki leigja lengur það húsnæði, sem heimilislæknaþjónustan hefur haft til umráða á Strandgötu 8—10. Það var því fyrirsjáanlegt að heilsugæslan i Hafnarfirði yrði á götunni á næsta ári, ef ekkert yrði að gert. Þá voru bæjarstjóri, bæjarverk- fræðingur og heilbrigðisfulltrúi settir til að athuga hvaða valkostir væru fyrir hendi og skiluðu þeir álitsgerð um það. Kom þá helst til umræðu að kaupa húsnæði í Dverg við Brekkugötu 2 og breyta því svo að hægtyrði að nota það til bráða- birgða fyrir heilsugæslustöð. I júnímánuði var greinargerð þeirra þremenninganna send til heilbrigðisráðherra og hann beð- inn um álit um þann valkost að setja upp heilsugæslustöð í hús- næðinu í Dverg og láta starfsmenn sína meta það bæði hvernig hús- næðið hentaði fyrir heilsugæslu- stöð og hve mikill kostnaður fylgdi þeim breytingum sem óhjákvæmi- lega þyrfti að gera, ef þar ætti að reka heilsugæslustöð. Síðan hefur ekkert gerst, ekkert heyrst frá heilbrigðisráðuneytinu, ekkert heyrst frá bæjarstjórnar- meirihluta Sjálfstæðisflokksins og Félags óháðra borgara, ekki hósti eða stuna. Á sama tíma eru læknarnir hér í bænum að vonum óánægðir með gang þessara mála, óánægðir með það algera stefnuleysi, sem ríkt hefur í þessum málum um langan tíma og má raunar segja, að ör- yggisleysi heilsugæslunnar í Hafn- arfirði hafi hvílt eins og þungt farg á öllu starfsfólki hennar. Það hefur verið sótt um fjárveit- ingar til alþingis til þess að leysa þessi mál, en sóknin á þeim víg- stöðvum hefur ekki verið beitt, þar sem ekki liggur þar fyrir skýr og afdráttarlaus stefna hvað gera skuli. hvert skuli stefna. Það var því ekki vonum fyrr, að bæjarfulltrúar Alþýðuflókksins fluttu á síðasta bæjarstjórnarfundi langa og ítarléga tillögu um heilsugæslumálin og gerðu þannig tilraun til að hrista upp í þessum málum og koma þeim á hreyfingu á ný. í þessum tillögum felst ákveðin og greinargóð stefnumótun og vilji til að takast á við þetta vandamál í stað þess að stinga höfðinu í sand- inn og sofa á verðinum. Alþýðublað Hafnarfjarðar mun gera seinna betri grein fyrir þessum málum, en birtir hér tillögur bæj- arfulltrúa Alþýðuflokksins, en til- lögurnar skýra sig að mestu sjálfar. Tillagan var svohljóðandi: „Með tilliti til þess hve knýjandi nauðsyn ber til að ekki dragist lengur að marka skýra og afdrátt- arlausa stefnu í heilsugæslumálum Hafnfirðinga, þá samþykkir Bæj- arstjórn Hafnarfjarðar eftirfarandi atriði, sem verða þá um leið stefnumótandi í þessum málum. 1. Bæjarstjórn Hafnarfjarðar telur að hugmyndin um eina Frh. á bls. 6 Alþýðuflokkurinn hefur tekið af sk'arið hvað varðar stefnumótun i heilsu- gæslumálum. Seinkun framkvæmda við Hafnarfjarðar- veginn hefur skapað ýmis vandræði: Svavar og Alþýðu- bandalagsmenn ábyrgír Aðstæður til aksturs eru«rfiðar um þessar mundir á Hafnarfjarðarvegi og það á versta tíma ársins. Bæjarbúar hafa velflestir vafalaust orðið varir við þær stórfelldu framkvæmdir sem nú standa yfir við Hafnar- fjarðarveginn. Hiilir nú loks undir það, að vegurinn milli Haf narf jarðar og Reykjavíkur verði boðlegur ökumönnum. Það er löng saga að baki hinum nýja Hafnarfjarðarvegi og alltof lengi hefur það dreg- ist úr hömlu að fá hina nýju vegalagningu í gang. Nú á þessu ári lá fyrir fjárveiting vegna veg agerðarinnar og allt til reiðu. En fyrirstaða bæjar- yfirvalda i Garðabæ tafði framkvæmdir. En það voru fleiri sem settust á fram- kvæmdirnar. Svavar Gestsson félags- málaráðherra tók það upp hjá sér um mitt sumar að stoppa framkvæmdir og bar við óskiljanlegum skýringum. Og það var ekki fyrr en nú í vetur að hann féll frá fyrri ákvörðun og gaf grænt Ijós á áframhald- andi framkvæmdir. En þessi tregða Svavars hefur hins veg- ar orðið til þess, að nú eru í gangi miklar framkvæmdir við veginn á versta tfma ársins, þegar allra veðra er von og dagsbirtan varir aðeins lítinn hluta sólarhringsins. Framkvæmdirnar hafa þvi valdið ökumönnum miklum vandræðum og orsakað slysa- hættu — slysahættu sem hefði verið hægt að komast hjá, ef drifið hefði verið i fram- kvæmdum í sumar, eins og til stóð. Ekki má heldur gleyma því, að allar framkvæmdir af þessu tagi eru að sjálfsögðu mun dýrari við þessar erfiðu ástæður en ella. Alþýðubandalagsmenn hér i Hafnarfirði hafa verið fáorðir um afskipti flokksbróður síns i þessu máli og undrar engan. En skyldleikinn er öllum Ijós og Alþýðubandalagsmenn hér i Hafnarfirði geta ekki varpað frá sér ábyrgðinni á þessa fáránlegu töf, sem á fram- kvæmdum hefur orðið. Þeir eru samábyrgir flokksbróður sfnum — Svavari ráðherra og hefðu efiaust getað haft vit fyrir honum nú í sumar, ef áhugi hefði verið fyrir hendi í þeirra herbúðum. —GÁS

x

Alþýðublað Hafnarfjarðar

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublað Hafnarfjarðar
https://timarit.is/publication/411

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.