Alþýðublað Hafnarfjarðar - 01.12.1981, Blaðsíða 2

2
ALÞÝÐUBLAÐ HAFNARFJARÐAR
Greinargerö 7 bæjarfulltrúa vegna villandi frétta
HAFA SKAL ÞAÐ SEM
SANNARA REYNIST
Vegna villandi frásagna í Dag-
blaðinu, Vísi og Ríkisútvarpinu
frá fundi bæjarstjórnar Hafnar-
fjarðar í gær, þar sem fjallað var
um Bæjarútgerð Hafnarfjarðar,
viljum við eftirtaldir bæjarfull-
trúar í Hafnarfirði taka fram um
leið og við áteljum harðlega þá
fréttamennsku að taka upp alfar-
ið og einhliða málflutning frá að-
eins öðrum málsaðila, þegar tveir
deila.
í jafn stóru og umfangsmiklu
fyrirtæki og Bæjarútgerð Hafnar-
fjarðar er orðin, er eðlilegt að
ýmsar fyrirspurnir og beiðnir um
skýringar í sambandi við uppgjör
reikninga komi fram frá endur-
skoðanda.
í janúarmánuði sl. barst bréf
frá bæjarendurskoðanda til for-
stjóra bæjarútgerðarinnar varð-
andi endurskoðun ársins 1980.
Forstjóri svaraði bréfi bæjar-
endurskoðanda lið fyrir lið, með
skýringum við alla liði.
í maímánuði gekk bæjar-
endurskoðandi frá reikningsskil-
um, áritaði reikningana ásamt
tveimur kjörnum endurskoðend-
um án nokkurra athugasemda.
Voru reikningarnir síðan sam-
þykktir í útgerðarráði og sendir
bæjarstjórn.
í byrjun ágúst sendi bæjar-
endurskoðandi nýja skýrslu til
bæjaryfirvalda með ýmsum
ábendingum og fyrirspurnum.
Hélt bæjarendurskoðandi nokkra
fundi með útgerðarráði, þar sem
málin voru rædd og skýringar
gefnar. Síðasti fundurinn var
haldinn 23. október og lýsti
bæjarendurskoðandi þá yfir, að
hann teldi „að fullnægjandi grein
hafi verið gerð við aðfinnslum
hans vegna endurskoðunar hans
fyrir árið 1980“. Það var því engin
ástæða fyrir hann að gera tillögur
til bæjarstjórnar um úrskurð um.
eitt né neitt.
Við viljum ennfremur taka
fram, að að fenginni þessari yfir-
lýsingu bæjarendurskoðanda er
ekkert að okkar dómi því til
fyrirstöðu að samþykkja reikn-
ingana.
Það er hörmulegt, að slíku
fjaðrafoki skuli vera þyrlað upp á
sama tíma sem rekstur fyrirtæk-
isins hefur eftir atvikum gengið
mjög vel og það stenst fyllilega
samanburð við sambærileg fyrir-
tæki. Samstarf innan fyrirtækis-
ins og milli stjórnenda og starfs-
fólks er til mikillar fyrirmyndar
og fyrirtækið stendur í miklum
framkvæmdum.
Á bæjarstjórnarfundinum kom
m.a. fram:
Að Bæjarútgerð Hafnarfjarðar
skilaði hagnaði upp á tæpar 406
milljónir á árinu 1980.
Að samanburður á rekstri
Bæjarútgerðar Hafnarfjarðar við
önnur sambærileg útgerðarfyrir-
tæki var hagstæður fyrir Bæjar-
útgerð Hafnarfjarðar.
Að árið 1978 var Bæjarútgerð
Hafnarfjarðar í 20. sæti innan
Sölumiðstöðvar hraðfrystihús-
anna hvað framleiðslumagn
snertir, á árinu 1980 var Bæjarút-
gerð Hafnarfjarðar komin í 11.
sæti og á 9 fyrstu mánuðum þessa
árs var Bæjarútgerð Hafnarfjarð-
ar komin í 4. sæti innan sölumið-
stöðvarinnar, með tilliti til fram-
leiðslumagns.
Að samanburður á fram-
leiðsluverðmæti Bæjarútgerðar
Hafnarfjarðar 9 fyrstu mánuði
ársins 1981 og ársins 1980 sýnir
rúmlega 100% aukningu á árinu
1981.
Að aukningin á innvegnu hrá-
efni til Bæjarútgerðar Hafnar-
fjarðar á sama tíma er 52,7% á
árinu 1981.
Að ekkert heyrist um samdrátt
í rekstri Bæjarútgerðar Hafnar-
fjarðar á sama tíma og ýmis
frystihús annars staðar á landinu
loka húsum sínum og togurum er
lagt.
Ekkert af þessum atriðum þótti
áðurnefndum fjölmiðlum frá-
sagnarefni, enda öll þess eðlis að
þau bera vitni um farsæla stjórn
forstjóra og útgerðarráðs á
Bæjarútgerð Hafnarfjarðar og
góð störf fólksins, sem við bæjar-
útgerðina vinnur.
Með vísan til þess sem að
framan greinir, er það skoðun
okkar, að afstaða þeirra Árna
Grétars Finnssonar og Einars
Mathiesens sé á misskilningi
byggð og hafi orðið til þess að
vekja óþarfa tortryggni og geti
skaðað Bæjarútgerð Hafnarfjarð-
ar.
Hafnarfirði, 28. október 1981
Hörður Zóphaníasson
Þorbjörg Samúelsdóttir
Árni Gunnlaugsson
Andrea Þórðardóttir
Rannveig Traustadóttir
Stefán Jónsson
Jón Bergsson
Hafnfirðingar
Allt í jólamatinn
Þaó er alltaf hægt aó gera góö kaup í Holtanausti.
íbúar í Holtinu og Hvömmunum, leitið ekki
langt yfir skammt.
Munið aó:
Vetur, sumar, vor og haust
velkominn í Holtanaust.
Gleóileg jól.
Maturinn hjá Maríasi svíkur engan.
Holtanaust
Smárahvammi 2, sími 54120
Nýjar verslanir
í Hafnarfiröi
Myndaramminn s.f.
heitir ný verslun hér í bænum og er til húsa á Reykjavíkurvegi 60. Mynda-
ramminn s.f. opnaði þjónustu sína hinn 16. október sl., en hún er fyrst og
fremst á því sviði, sem nafngiftin bendir til.
Eigendur Myndarammans s.f. eru þeir Ólafur Ólafsson og Ármann
Eiríksson.
Þeir félagar sögðust hafa fengið geysilega góðar viðtökur hjá Hafnfirð-
ingum og annríki verið svo mikið, að þeir hafi orðið að vinna bæði nótt og
dag.
Gert er ráð fyrir, að í framtíðinni verði aðstaða í versluninni fyrir mynd-
listarmenn til sýninga.
Alþýðublað Hafnarfjarðar óskar þessu nýja þjónustufyrirtæki gæfu og
gengis í framtíðinni.
BIMM BAMM — Allt á börnin
Fimmtudaginn 1. okt. s.l. opnaði ný verslun að Reykjavíkurvegi 62. Hún
ber heitið BIMM BAMM og verslar með alls kyns vörur fyrir börn t.d.
barnavagna, barnastóla, barnarúm og vöggur, leikföng, leikgrindur og
fatnað. BIMM BAMM-eigendur stefna að því að í versluninni fáist í
framtíðinni allt það besta sem völ er á fyrir yngstu kynslóðina.
Eigendur BIMM BAMM eru hjónin Gunnlaugur F. Gunnlaugsson og
Steinunn Bjarnadóttir, Magnús Gunuarsson og Elísabet Karlsdóttir.
Félagarnir Magnús og Gunnlaugur tjáðu tíðindamanni blaðsins að við-
brögð fólks við versluninni hefðu verið einstaklega góð og að þeir litu
björtum augum til framtíðarinnar.
Alþýðublað Hafnarfjarðar sendir þessari nýju verslun bestu árnaðaróskir
og hvetur Hafnfirðinga til að kynna sér gott vöruval hennar.
AUGNSÝN — Ný gleraugnaverslun
í júlí sl. var opnuð fyrsta gleraugnaverslun bæjarins að Reykjavíkurvegi
62. Ber hún heitið AUGNSÝN og hefur alhliða gleraugnavörur á boðstól-
um m.a. linsuvökva fyrir flestar gerðir contact-linsna.
Myndin er af eiganda verslunarinnar, Haraldi Stefánssyni. Hann er
menntaður gleraugna- og sjóntækjasmiður og sagðist hann ánægður með
þær móttökur er verslunin hefði fengið.
Alþýðublað Hafnarfjarðar fagnar því að Hafnfirðingar þurfi ekki lengur
að sækja þessa nauðsynlegu þjónustu til Reykjavíkur og hvetur bæjarbúa til
að kynna sér ágæta þjónustu þessarar verslunar.