Alþýðublað Hafnarfjarðar - 01.12.1981, Blaðsíða 3
ALÞYÐUBLAÐ HAFNARFJARÐAR
3
Viðtal viö Kjartan Jóhannsson:
Menn verda ad vera
ábyrgir gerda sinna
Alþýðublað Hafnarfjarðar hitti Kjartan Jóhannsson
alþingismann og formann Alþýðuflokksins að máli og
lagði fyrir hann nokkrar spurningar.
Hér á eftir fara spurningar blaðsins og svör Kjartans
við þeim.
Er ríkisstjórnin að springa?
Það eru margir sem spyrja hvort
ríkisstjórnin sé að springa eða fara
frá. Það er vitaskuld ekki nema von
að mönnum þyki nóg komið og
vilji fara að losna við ríkisstjórnina.
Hvenær það verður vita þeir helzt
sem hana styðja. Hinu er ekki að
leyna að nú sjást greinilega ýmis
þreytumerki á ríkisstjórninni og
meðal stuðningsmanna hennar.
Ósamstaðan innan ríkisstjórnar-
innar kemur nú betur í ljós en áður.
Þessi ósamstaða hefur auðvitað
alltaf verið fyrir hendi, en það hef-
ur verið breitt yfir hana og vænt-
umþykja ráðherrana um stóla sína
er og hefur verið öllum stefnu-
markmiðum yfirsterkari. Enn er
það svo , að árangurinn er látinn
liggja í láginni og aðstaðan í ríkis-
stjórn tekinn fram yfir raunveru-
legan úrangur. Gleggsta dæmið um
ósamstöðuna innan ríkisstjórnar-
innar eru þær yfirlýsingar sem nú
ganga á víxl milli Framsóknar-
manna og Alþýðubandalagsins.
Svavar Gestsson og félagar hans
tala um að nota gjaldeyrisvara-
sjóðinn til þess að greiða útgerðar-
og fiskvinnslufyrirtækjum tap-
rekstur þeirra, en Steingrímur
Hermannsson hefur á hinn bóginn
boðað stórfellda gengislækkun um
áramótin og lofað því að sjávarút-
vegurinn verði þá kominn úr tap-
rekstri eða upp á núllið eins og
hann orðar það. Hér ganga yfirlýs-
ingar þessara tveggja ráðherra því í
þveröfugar áttir. Annars eru allar
hugmyndir um að nota gjaldeyris-
varasjóðinn til þess að fleyta sér í
fáeina mánuði stórhættulegar —
en þær eru líka til marks um það í
hvert óefni er komið. Gjaldeyris-
varasjóðurinn er sameign allrar
þjóðarinnar. Það er hreint siðleysi
að úthluta honum til fáeinna aðila.
Gjaldeyrisvarasjóðurinn er sein-
asta nauðvörn þjóðarinnar til þess
að sjá sér farborða, ef í harðbakka
slær og hann er trygging fyrir hin-
um miklu erlendu skuldum þjóð-
arinnar. Eyðsla hans stefnir sjálf-
stæði okkar í voða.
Hvað er til ráða?
Það er nú að koma æ betur í ljós,
sem við Alþýðuflokksmenn höfum
sagt aftur og aftur á undanförnum
árum, að með þeim skammtíma-
ráðstöfunum, sem hér hefur verið
beitt næst ekki raunverulegur ár-
angur. Menn velkjast úr einni
skammtímalausninni í aðra. Hér
ríkir sífellt bráðabirgðaástand.
Enginn varanlegur árangur næst
með þessum hætti. Nú er svo
komið að ríkisstjórnin beinlínis
lýsir því yfir við gengisfellingu sína
í nóvember, að árangurinn af
henni muni ejcki endast nema í
besta falli til áramóta, eða í ein-
ungis tvo mánuði. Það hefur líka
komið í ljós að það einhliða krukk í
kaupið, sem ríkisstjórnin ákvað
hinn 1. mars s.l. skilaði ekki var-
anlegum árangri. Skýringin er ein-
faldlega sú, að ekkert var hirt um
aðra þætti efnahagslífsins og staða
þjóðarbúsins hefur verið að
veikjast, þrátt fyrir einstaklega góð
ytri skilyrði.
Það sem þarf að gerast er marg-
þætt. í fyrsta lagi verður hugs-
unarhátturinn að breytast. Menn
verða að vera ábyrgir gerða sinna.
Þetta verður að gilda jafnt í stjórn-
málunum og í atvinnulífinu. Það
þýðir ekki að menn geti sífellt
heimtað að ríkið bjargi taprekstri
hvers einasta atvinnurekanda.
Þessar bakávísanir á ríkið gera at-
vinnurekendur gjörsamlega
ábyrgðarlausa. Meðan svo er næst
ekki árangur. Sama á við í ríkis-
stofnunum og í málefnum sem
sveitarfélög fara með eins og raf-
veitumálum, hitaveitumálum o.fl.
Til þess að breyta þessu verður að
koma á aukinni valddreifingu.
Færa verður meira af ákvarðana-
töku til hinna einstöku sveitarfé-
laga og stofnana, en gera þær um
leið ábyrgar gerða sinna og taka
fyrir alla bakreikninga og kröfur
um ríkisfyrirgreiðslu. í öðru lagi
verður að breyta verðlagskerfinu.
Hér er í rauninni ekkert verðlags-
Frá jafnréttisnefnd:
Jafnréttisnefnd Hafnarfjarðar
hefur sent eftirfarandi bréf til
bæjarblaðanna í Hafnarfirði. svo
og stjórnmálaflokkunum og
stjórnmáláfélögunum í bænum:
„Jafnréttisnefnd Hafnarfjarðar
vill vekja athygli stjórnmálaflokka
og stjórnmálafélaga í Hafnarfirði á
því hve hlutur kvenna er lítill við
stjórn Hafnarfjarðarbæjar.
Aðeins 2 konur sitja í bæjar-
stjórn og af 264 nefndamönnum á
vegum bæjarstjórnar eru 46 konur.
Jafnréttisnefnd Hafnarfjarðar
telur að með þessu ástandi kornist
illa til skila viðhorf og skoðanir
stórs hluta bæjarbúa.
Jafnréttisnefndin vill hvetja
stjórnmálaflokkana og stjórnmála-
félögin til að taka þessi mál til al-
varlegrar athugunar nú við vænt-
eftirlit eða verðlagsaðhald. Það
sem við höfum er einungis ríkis-
uppáskrift á verðhækkanir. Verð-
bólgan er þannig staðfest og uppá-
skrifuð af ríkisstjórninni. Sjálf-
virkar útreikningsformúlur eru
notaðar til þess að framlengja
verðbólguna með ríkisforsjá og
hver tapkróna er endurheimt með
sérstakri blessun ríkisins. Þar sem
samkeppni er næg á að breyta
kerfinu í frjálsræðisátt, en í mörg-
um tilvikum verður að breyta
kerfinu þannig að almannaaðhald
fái að njóta sín. Hlutverk ríkisins á
að vera að skapa skilyrði til að-
halds, en ekki að skrifa upp á tap-
reikningana og velta þeim svo yfir
á almenning. í þriðja lagi verður að
gerbreyta ríkisbúskapnum. Núna
eru tekjurnar og þar með álögurnar
ákveðnar eftir að óskalistinn hjá
ráðherrunum hefur verið lagður
saman. í þess stað á að nota ríkis-
fjármálin og þá sérstaklega skatt-
kerfið til þess að jafna kjörin og
treysta kaupmáttinn hjá heimilun-
um. Skattaálögurnar eiga að mið-
ast við það að ná árangri í verð-
lagsmálum og treysta afkomu
heimilanna. Það er mesta blekking,
sem hver fjármálaráðherrann étur
upp eftir öðrum, að einhver meira
og minna misvísandi jákvæð af-
Kjartan Jóhannsson
koma ríkissjóðs, sem a.m.k. núna
er fengin með bellibrögðum, hafi
afgerandi áhrif til þess að halda
aftur af verðbólgunni. Reynslan
hefur líka afsannað þetta raus svo
kyrfilega, að ekki verður um villst.
í fjórða lagi verður að vera ör-
yggi og festa í peningamálastjórn
og erlendar lántökur eiga að tak-
markast við arðbærar fram-
kvæmdir og fjárfestingar, sem geta
staðið undir þessum lánurn. Það
verður að hætta að taka cyðslulán
crlcndis eins og nú er gert I sívax-
andi mæli.
I fimmta lagi verður að koma til
móts við ungt fólk, þannig að það
geti komið sér fyrir með eðlilegum
hætti og þurfi ekki á verðbólgunni
að halda til þess. Lán til húsnæðis-
mála verða að vera um 80% af
íbúðarverði og greiðslutíminn svo
langur að ekki sé ofþyngt í
greiðslubygði.
í sjötta lagi verður að taka upp
nýja atvinnustefnu. Hver nýr tog-
ari, sérhver stækkun skipastólsins
við ríkjaandi aðstæður þýðir bara
Frh. á bls. 6
Rýr hlutur kvenna
Flýtið ykkur mest sem má
mat að kaupa í búið.
í Allabúð þar allt má fá
ágætlega tilbúið.
Allabúð
Vesturbraut 12
Sími51632
anlegar bæjarstjórnarkosningar og
síðan við nefndakosningar.
Jafnframt skorar Jafnréttis-
nefndin á konur að vera ódeigar
við að gefa kost á sér í væntanleg-
um prófkjörum flokkanna og nýta
sérhvert tækifæri sem þeim býðst
til að gegna áhrifastöðum og störf-
um hvort heldur er á sviði sveitar-
stjórnarmála eða þjóðmála.“
LÁRA
Gullsmíðaverslun
Austurgötu 3
Sími53784
Gísli Kristjánsson: SEXTÁN KONUR
Hér er rakinn ferill og framtak sextén
kvenna í nútímahlutverkum. Starfsvett-
vangur kvenna er alltaf að stækka. Á æ
fleiri sviðum, sem áður voru talin sér-
sviö karla, hafa konur haslað sér völl.
Hér segja frá menntun sinni og störfum:
Veðurfræöingur, rithöfundur, læknir,
ioftskeytamaður, deildarstjóri í ráðu-
neyti, safnvörður, alþingismaður, fiski-
fræöingur, Ijósmóöir, jaröfræöingur,
íþróttakennari, oddviti, gaiöyrkjukandi-
dat, féiagsráögjafi og arkitekt. Frásagn-
ir þeirra geisla af starfsáhuga og lífs-
gleöi og fjölbreytni efnis er einstök.
Benedikt Gröndal: RIT I
3L
Sígílt og skemmtilegt
safnrit.
Benedikt Gröndal er meðal afkasta-
mestu rithöfunda íslenskra aö fomu og
nýju og einna fjölhæfastur og fyndnast-
ur þeirra allra. Þetta fyrsta bindi rita
hans hefur aö geyma kvæöi, leikrit og
sögur, m.a. er hér .Sagan af Heljarslóö-
arorrustu" og .Þóröar saga Geirmunds-
sonar“, báöar bráðfyndnar og stór-
skemmtilegar. f síöari bindum þessa
safns veröa blaöagreinar hans og rit-
gerðir og sjálfsævisagan Dægradvöl.
SKUGGSJÁ
BÓKABÚÐ OUVERS STEINS SE
SKUGGSJÁ
BÓKABÚD OUVERS STEINS SE