Muninn - 01.04.1958, Blaðsíða 18

Þýdd Ijóö
HJÖRTU VOR
Eftir PETER ROSEGGER
Hjörtu vor sem hörpur eru,
hörpur búnar tveimur strengjum;
í öðrum hljómar hávær gleði
í hinum grætur myrkur tregi.
Og örlaganna fimir fingur
föstum gripum strengi knýja;
í dag þeir leika brúðkaupsbragi
en bitur grafarljóð á morgun.
ARI JÓSEFSSON íslenzkaði.
HJARTA OKKAR
Eftir PETER ROSEGGER
Hjarta okkar hörpu líkist,
hörpu meður tveimur strengjum.
I öðrum þeirra æpir gleðin,
en í hinum kvölin brennur.
Fimir skapafingur leika
fróðir á þá dýra hljóma;
í dag hin blíðu brúðkaupskvæði,
bljúgan grafarsálm að morgni.
HJÖRTUR PÁLSSON íslenzkaði.
DÖÐLUR
Eftir PIET HEIN
Að eiga fulla döðludós
er draumur niðrí tær.
Fyrst etur sérhver eins margar
og í hann framast nær
og fær
og getur.
Svo fer hann til að þvo sér
og því næst EINA etur.
HJÖRTUR PÁLSSON íslenzkaði.
i
ANDARTAK
Eftir MORTEN NIELSEN
Villirósir á rigningardegi!
Lestin er kyrr, regnið á rúðunum dynur
og gerir oss ofbjart í augum.
Á lestargluggana glampa slær
úr grænum, döggvotum runnum.
Auðvelt er lífið og einfalt —
droparnir falla einn og einn,
skúr eftir skúr.
Sekúndur sækja oss heim
og breytast í margslungna minning
um meyjaraddir, gróna stíga og sjávarnið.
Ég finn á vörmn keim þeirra sumra,
sem löngu eru liðin,
og árin kyssa mig kossi svölum og votum.
Við erum á ferð á fjórða sumri stríðsins,
friður og kyrrð ríkir eitt andartak.
Villirósir á rigningardegi!
Regnið á rúðimum dynur
og gerir oss ofbjart í augum.
Á lestargluggana glampa slær
úr grænum, döggvotum runnum.
HJÖRTUR PÁLSSON íslenzkaði.
58 M U N I N N