Muninn - 01.02.1962, Blaðsíða 5

„Edward, vertu nú svolitið
liðlegur, maður!"
Burgess. Einkennist leikur hennar af mik-
illi lífsgleði og viðeigandi liraða.
Walter, eldri soninn, leikur Sigurður
Brynjólfsson, og Martínu, dótturina, leik-
ur Ragnlieiður Heiðreksdóttir. Fara þau
þokkalega með hlutverkin, sem ekki gefa
tilefni til stórbrotins leiks. Yngri soninn,
Bruno, leikur Arnar Einarsson. Hann er
skemmtilegasta persóna leiksins frá höfund-
arins hendi. Arnar nær ágætum tökum á
hlutverkinu, og eru tilsvör lians og svip-
brigðaleikur mjög athyglisverð og minna á
Pétur Einarsson og Jerry Lewis. Má á
stundum segja, að liann ,,steli“ sviðinu frá
hinum leikendunum.
Edward, lækni og heimilisvin, leikur
Einar Hafliðason. Höfundur hefur lagt litla
rækt við þetta hlutverk, því oft má næstum
segja, að hann þvælist fyrir á sviðinu. Leik-
ur Einars er góður, en framsögn gæti þó
verið betri. Mörtu, ráðskonu, leikur Elín-
borg Björnsdóttir, og stendur sig vel. Lifn-
ar jafnan yfir áhorfendum, er hún kemur
skálmandi inn á sviðið til að fjargviðrast
yfir heimilisástandinu.
Englendinginn, barnsföður nr. 1, leikur
Hreinn Pálsson, og tekst ljómandi vel upp,
einkum er framsögnin sérlega skemmtileg.
Pólverjinn er leikinn af Sigurjóni H. Ól-
afssyni. Hlutverk lians er erfitt, og hann
kemst mjög vel frá því. Sýnir hann ágætlega
skapofsa Pólverjans, en þess má geta, að
framsögnin verður fyrir bragðið stundum
ekki sem greinilegust. Frakkinn er leikinn
af Baldri Arnasyni, og nær hann vel rósemi
og kurteislegri framkomu heimsborgarans.
Frú Duchemin leikur Margrét Erlends-
dóttir sómasamlega. Börn hennar leika Jó-
hanna Jónsdóttir og Guðni Stefánsson, en
hlutverk þeirra eru svo lítil, að þau fá ekki
tækifæri til að sýna leikhæfileika.
í heild er óhætt að segja, að leikendur
standi sig mjög vel, og enginn þeirra gerir
teljandi afglöp. Ætíð er sá möguleiki fyrir
liendi, að einn einstakur leikandi geti fellt
heilan leik, en í þessu tilfelli á slíkt svo
langt í land, að telja verður leikinn í heild
hafa heppnazt með sérstökum ágætum.
Stemningin í salnum var líka mjög góð og
áhorfendur ósparir á klapp.
MUNINN 53