Muninn - 01.03.1963, Blaðsíða 16

Annáll skólans
Hér hefst annáll yfir nóvember, desern-
ber og janúar.
Hið fyrsta, er merkilegt má telja í nóv-
ember, var, að 5. nóvember tóku menn sig
saman og sungu mánaðarfrí. Var þegar
hringt á Sal og samþykkt að hafa það dag-
inn eftir.
10. nóvember urðu sportistar helteknir
af íþróttaþrá og héldu sundmót. VI. bekk-
ur vann mótið með yfirburðum.
Herra biskup, Sigurbjörn Einarsson kom
á Sal 12. nóvember og flutti erindi um trú-
mál. Erindið var mjög gott, og er ekki laust
við, að menn hafi glúpnað undir þeim
lestri.
Skömrnu síðar, eða 13. nóv., var gerð til-
raun til að endurreisa R. M. A., og er ekki
annað séð en sú tilraun hafi tekizt giftu-
samlega. Formaður er Guðjón Samúelsson,
aðrir í stjórn eru Þráinn Þorvaldsson, Ing-
var Árnason, Þormóður Svavarsson og Jón
Hafsteinn Jónsson.
Nú víkur sögunni yfir í setustofuna. Lofs-
vert framtak var unnið, þegar hafin var þar
sala á ýmsum nauðsynjavörum svo sem stíla-
bókum o. fl. Formaður setustofunefndar,
Þráinn Þorvaldsson, réð þessu, og er ekki á
honum að sjá, að hann ætli að láta þar stað-
ar numið.
Svo bar til þann 20. nóv., að Kristinn Jó-
hannesson VI. bekk mb leið í ómegin, er
hann sat í náttúrufræði hjá Steindóri Stein-
dórssyni. Hvorki Kristni né Steindóri varð
meint af.
22. nóvember var tónlistarkynning á Sal.
Kynnt voru verk eftir Bach, Bizet og Schu-
mann. Þá voru notuð í fyrsta sinni stereo-
tæki, sem sett hafa verið upp á Sal. Reynd-
ust þau mjög vel.
Guðmundur Karl Pétursson kom á Sal
hinn 23. nóv. og fræddi nemendur um skóg-
rækt af sinni alkunnu snilld. Sama dag var
mælskukeppni í setustofunni. Tróðu menn
þar upp og fengu að vita umræðuefnið um
leið og þeir stigu í pontuna. Varð mikið
gaman af. Viðurkenningu fengu Gunnar
Stefánsson, Rögnvaldur Hannesson, Krist-
inn Jóhannesson og Mikael Mikaelsson.
Nýtt félag var stofnað í skólanum 26. nóv.
kl. 8.30. Ber það nafnið Skógræktarfélag
Menntaskólans á Akureyri. Mun það eiga
að annast skógrækt alls konar. í stjórn voru
kosin: Magnús Kristinsson formaður, Berg-
þóra Gísladóttir, Lára Oddsdóttir, Hjalti
Steinþórsson og Ármann Dalmannsson
kennari. Á eftir voru sýndar skuggamyndir
frá starfsemi Skógræktarfélags Eyjafjarðar.
Söngsalur til að hrista rykið úr hálsun-
um fyrir 1. des., var 28. nóv. Árni Kristjáns-
son var forsöngvari (með aðstoð Kristins
J óh ann esson ar).
Hinn 29. nóv. var hringt á Sal öllum að
óvörum. Þá var kominn Hákon Bjarnason
skógræktarstjóri til að veita mönnum enn
meiri fræðslu um skógrækt. Urðu menn
mjög fróðir af. Síðan sýndi hann æðri
bekkjum skólans skuggamyndir af skóg-
ræktinni hér á landi.
Jass-kynning var haldin í setustofunni
þann sama dag. Hana annaðist Ingimar Ey-
dal.
30. nóv. sungu þeir Árni Kristjánsson og
Kristinn Jóhannesson enn á Sal. Margir
rauluðu með.
Að kvöldi sama dags hélt VI. bekkur full-
veldishátíð. Fjölmenni var mikið. Hófst há-
tíðin í borðsal heimavistarinnar með borð-
haldi. Meðan setið var undir borðum, flutti
Rögnvaldur Hannesson fullveldisræðu og
mæltist vel. Þá flutti Kristinn Jóhannesson
frumort fullveldisljóð. Síðan flutti Jón Haf-
68 MUNINN