Muninn - 01.05.1963, Blaðsíða 22

„Ég hef ekkert bollalagt um slíkt ennþá
og get ekkert um það sagt.“
„Hvaða álit hefurðu á skáldskap hér í
skóla, almennt?"
„Ég tel, að of mikið gæti stöðnunar í
formi skáldskaparins. Menn eiga tvímæla-
laust að leita meira fyrir sér á nýjum braut-
um en almennt er gert. Annars er allt gott
um skáldskap í skólanum að segja, þótt vita-
skuld sé hann upp og ofan, eins og alls
staðar."
„Telurðu ekki, að Muninn hafi mjög
þýðingarmiklu hlutverki að gegna í skóla-
lífinu?“
„Tvímælalaust. Skólablað er mjög mikil-
vægur grundvöllur fyrir þá rnenn, sem
hyggjast sinna ritstörfum í framtíðinni. Það
er eðlilegt, að þeir séu hikandi við að fara
með verk sín til annarra blaða, og þá kem-
ur skólablaðið í góðar þarfir.“
„Hvað segirðu um útgáfu blaða í skólan-
um, annarra en Munins?"
Ég tel, að hún geti verið að ýmsu leyti
heppileg, þó að hins vegar sé ekki fyrir það
að synja, að blöðin geti dregið efni hvort
frá öðru. En útgáfa annarra blaða skapar
samkeppni, sem er að mörgu leyti æskileg
og getur jafnvel orðið til skemmtilegra rit-
deilna, og það verður auk þess alltaf að
teljast æskilegt að blaðakostur í skólanum
sé sem mestur."
„Álíturðu ekki æskilegt að stækka Mun-
in?“
„Jú, að sjálfsögðu. En það dugir ekki, að
ritnefndin ein hafi áhuga á því máli, held-
ur verða allir að leggja sitt af mörkum til
að bæta blaðið og auka það að f jölbreytni.“
„Teldir þú til bóta að taka upp fjölritun
á Munin, eins og t. d. skólablað M. R.?“
„Nei, alls ekki. Blaðið er tvímælalaust
mun betur úr garði gert, ef það er prentað.
Og útlitið hefur alltaf sitt að segja.“
„Og vildurðu svo taka eitthvað sérstakt
fram að lokum.“
„Ekki nema þetta venjulega, að hvetja
'menn til skrifta og yfirleitt til að leggja
Munin það lið, sem þeir megna. Og svo að
endingu frómar óskir til blaðsins í bráð og
lengd, og að því megi í framtíðinni auðn-
ast að rækja hlutverk sitt sem bezt.“
Vér kunnum Friðrik þakkir fyrir við-
talið, og óskum honum heilla í starfi því,
er bíður hans við stjórnvöl Munins.
G. St.
102 MUNINN